যিশাইয় 42:7 - Chakma Bible

⁷ তুই কান্ মানুচ্চুনো চোগ্‌কুন খুলি দিবে, জেলখানাত্তুন্ বন্দিগুনোরে উদ্ধোর্ গুরিবে আর সিদুগোর্ আন্ধার গাদত্ রাগেয়্যে মানুচ্চুনোরে নিগিলেই আনিবে।‌‍‍

যিশাইয় 42:7 ပူးပေါင်းရင်းမြစ်များ

গীতসংহিতা 97:7

যিগুনে মূত্তিপূজো গরন আর দেব-দেবেদালোই বাড়্‌বো গরন্ তারা বেক্কুনে লাজত্ পোড়োদোক্; লগেপ্রভুর মুজুঙোত্ দেব-দেবেদাগুনে মাঢা নিগিরোদোক্।

যিশাইয় 29:18

সেদিন্যে কান্ বরাগুনে সেই জড়া লাগেয়্যে বোইবোর্ কধা শুনিবাক্, আর ঘুর্‌ঘুজ্যে আন্ধারত্ থেইয়্যে কানুনে দেগিবাক্।

যিশাইয় 35:5

সেক্কে কান্ মানুচ্চুনোর চোগ্‌কুন খুলি যেবঅ,‌ বরাগুনোর্ কানানি নাঢা যেইয়্যে ন-থেবঅ।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 42:22

মাত্তর্ এ মানুচ্চুনোর্ বেক্কানি নেযা ওইয়্যে আর লুদো ওইয়্যে, তারারে বেক্কুনোরে গাদত্ ফেলা ওইয়্যে আর জেলখানাত্ লুগেই রাগা ওইয়্যে। তারা কাড়ি লোইয়্যে জিনিজো ধোক্ক্যেন ওইয়্যে, তারারে উদ্ধোর্ গুরিয়্যে কনজন নেই। তারা লুদেয়্যে মাল্ ওইয়োন্; কনজনে ন-কন্, “তারারে ফিরেই দুয়ো।”

যিশাইয় 49:9

তুই বন্দীগুনোরে কবে, ‘তুমি উদ্ধোর্ অ,’ আর যিগুনে আন্ধারত্ আগন তারারে কবে, ‘তুমি নিগিলি এজঅ।’ তারা পধ পারত্ আর গাজ্-বাজ্ নেইয়্যে মুড়ো উগুরে হানা পেবাক্।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিশাইয় 9:2

যে মানুচ্চুনে আন্ধারত্ চলন্ তারা দাঙর্ পহ্‌‌র দেগিবাক্; যিগুনে গুর্‌‌গুজ্যে আন্ধার দেজত্ বজত্তি গরন্ তারা উগুরে সে পহ্‌‌রান জুলিবো।

মীখা 7:9

ইক্কিনে আমি লগেপ্রভুর রাগ্‌কান বুওর্, কিত্যেই আমি তা বিরুদ্ধে পাপ গোজ্যেই, মাত্তর্ যেরেদি তে আমা তপ্পে কধা কোইনে আমা অধিকারানি থিদেবর্ গুরিবো। তে আমারে পহ্‌রত্ নিগিলেই আনিবো আর আমি তার্ ন্যায়বিচের্ দেগিবোং।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

লূকে লেখ্যে গম্ হবর্ 24:45

পবিত্র বোইবো বুঝিবাত্যে তে শিচ্চ্যগুনোরে বুদ্ধি খুলি দিলো আর তারারে কলঅ, “লেগা আঘে, মশীহত্তুন্ দুঘ্ পাহ্ পুরিবো আর তিন দিনোর্ দিন্নোত্ মরণত্তুন্ জেদা ওই উদো পুরিবো।

যোহন 9:39

যীশু কলঅ, “মুই এ পিত্‌থিমীত্ বিচের্ গুরিবাত্যে এচ্চ্যং, যেন যিগুনে ন-দেগন্ তারা দেগন্ আর যিগুনে দেগন্ তারা কানা অন্।”

যোহন 9:7

“যাহ্, শীলোহ পোর্‌বোত্ যেইনে ধোই ফেলা।” শীলোহ মানে দিপাধা অলঅ। মানুচ্চো যেইনে চোগ্ ধোই ফেলেল আর চোগেদি দেগিনে ফিরি এলঅ। ইয়েন্ দেগিনে তা পাড়াল্ল্যেগুনে আর যিগুনে তারে আগে ভিক্ষ্যে মাগদে দেক্ক্যন্ সিগুনে বেক্কুনে কুয়ো ধুরিলাক্,

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

২ তীমথিয় 2:26

সিয়েনর্ ফলে তারা শদানর্ ফালত্তুন্ ধেই এবাক্, কিয়া শদানে তার্ আওজ্‌চান পালেবাত্যে তারারে ধোজ্জ্যে।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।