যিশাইয় 41:17 - Chakma Bible

¹⁷ “দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

যিশাইয় 41:17 ပူးပေါင်းရင်းမြစ်များ

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

১ রাজাবলী 17:8

সেক্কে লগেপ্রভুর এ কধাগান এলিয়োর্‌ ইদু ফগদাঙ্‌ অলঅ,

২ বংশধর 6:17

ও লগেপ্রভু, ইস্রায়েলর গোজেন, যে সমক্কান্‌ তুই তঅ চাগর্‌ দায়ূদো ইদু গোজ্যস্‌ সিয়েন্‌ ফোলোক্‌।

গীতসংহিতা 22:15

মাত্যে পিলের্ শুগুনো কট্টা ধোক্ক্যেন্ মঅ বলান্ শুগেই এচ্চ্যে, আর মঅ জিলান্ তাগারাত্ বাচ্চেগোই; তুই মরে গোরত্ পোড়েই রাগেয়োচ্।

গীতসংহিতা 34:6

এই অভাগ্যত্যেবো লগেপ্রভুরে ডাগিলো; তে তার্ ডাগনিলোই ইজিরে দিলো আর বেক্ দুঘোত্তুন্ তারে উদ্ধোর্ গুরিলো।

গীতসংহিতা 37:25

মুই গাবুজ্যে এলুং, ইক্কিনে বুড়ো ওইয়োং, মাত্তর্ গোজেন ভক্তগুনোরে বাদ দিয়্যে ওইয়্যে বা তারার্ বংশধরুনোর ভিক্ষ্যে গরা পরের্ এধোক্ক্যেন্ মুই ন-দেগং।

গীতসংহিতা 42:2

গোজেনত্তে, জেদা গোজেনত্তেই মর্ পরাণানত্ তিরেচ্ লাগের্; কক্কেনে মুই যেইনে তা মুজুঙোত্ থিয়্যেই পারিম্?

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 74:21

তুই অত্যেচার ওইয়্যে মানুচ্চুনোরে অগমান ওইনে ফিরি এবাত্যে ন-দিচ্; দুঘি আর নাঢা মানুচ্চুনে তর্ নাঙানর বাঈনী গোরোদোক্।

গীতসংহিতা 94:14

লগেপ্রভু কনদিন্‌অ তা মানুচ্চুনোরে ন-ছাড়িবো; যিগুনে তার নিজোর সোম্বোত্তি তারারে তে ফেলেই ন-দিবো।

যাত্রা 17:3

মাত্তর্‌ মানুচ্চুনে পানি খাজে অরান্‌ ওইয়োন্‌, সেনত্তেই তারা মোশির্‌ বিরুদ্ধে নানান্‌ কধা কোইয়োন্‌। তারা কলাক্, “আমি যেনে পানির অভাবে মুরি যেই সেনত্তেই কি তুই আমারে আর আমা পূঅ-ঝিগুনোরে আর য়েমানুনোরে মিসর দেজত্তুন্‌ আন্ন্যচ্?”

যাত্রা 17:6

সে পরেদি মুই হোরেব মুড়োবোর্‌ ইদু তঅ মুজুঙোত্‌ এক্কো পাত্তর উগুরে যেইনে ঠিয়েম্‌। তুই সেই পাত্তর্‌বোত্‌ আঘাত্‌ গুরিবে আর সেক্কে মানুচ্চুনে হেবাত্তে সিয়োত্তুন্‌ পানি নিগিলি এবঅ‌।” ইস্রায়েলীয় বুড়ো নেতাগুনো মুজুঙোত্‌ মোশি সিয়েনোই গুরিলো।

যিশাইয় 30:19

ও সিয়োনর মানুচ্চুন্, তুমি যিগুনে যিরূশালেমত্ বজত্তি গরঅ, তমাত্তুন্ আর কানা ন-পুরিবো। সাহায্যত্তে কানিলে তে হামাক্কায় তমারে দোয়্যে গুরিবো। তে শুনোনার্ লগে লগে জোব্ দিবো।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 43:20

ঝার্‌বো য়েমান, শিয়েল আর উটপেখ্‌কুনে মরে বাঈনী গুরিবাক্, কিত্তে মঅ মানুচ্চুনোরে, মর্ বেঈ লোইয়্যে মানুচ্চুনোর হেবাত্তে মুই ধূল্যেচর চাগালার্ পানি যোগেই দিম আর ধূল্যেচরত্ গাঙ্ বোজেই দিম।‌‌

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 48:21

যেক্কেনে তে ধূল্যেচর ভিদিরেদি তারারে নেযার্ সেক্কেনে তারা পানি তিরেজে দুঘ্ ন-পান, কিত্তে তে পাত্তরত্তুন্ তারাত্তে পানি নাল্ দিয়্যে; তে পাত্তর ফাদি দিয়্যে আর সিবেত্তুন্ পানিগান নিগিলি এচ্চ্যে।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিশাইয় 62:12

তা মানুচ্চুনোরে কুয়ো অবঅ, “লগেপ্রভুর নাঙে যুদো গোজ্যে মানুচ্, অত্তাৎ লগেপ্রভুর উদ্ধোর্ গোজ্যে মানুচ্।” ও যিরূশালেম, তরে কুয়ো অবঅ, “তোগেই পেইয়্যে শঅর, অত্তাৎ ফিরেই আন্যে শঅর।”

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিরমিয় 31:25

মুই বল্‌পোজ্যেগুনোরে তাজা গুরিম আর বল্‌পোজ্যেগুনোর মনানি দরমর গুরিম‍।” ‍‍‍‍‍‍‍‍‍‍‍‍‍

আবিলেচ্ 4:4

দুধো তিরেজে চিগোন্ চিজিগুনোর্ জিলানি তাল্লোত্ বাজি যার্; ঝি-পুয়োগুনে রুটি চাদন্, মাত্তর্ কনজনে সিয়েনি ন-দেদন্।

যিহিষ্কেল 47:8

তে মরে কলঅ, “এ পানিগান পূগেদি বেঈ যার্ আর অরাবার ভিদিরেদি ধূল্যে-সাগরত্ যেইনে লুম্মেগোই। যেক্কে সিয়েন যেইনে সাগরত্ পোজ্যে সেক্কে সিদুগোর্ পানিগান মিদে ওই যায়।

মথি লেখ্যে গম্ হবর্ 5:3

মনানদি যিগুনে নিজোরে নাঢা বিলি মনে গরন্ তারা বর্‍‍‍পেইয়্যে, কিয়া স্বর্গ-রেজ্যগান তারার্।

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

লূকে লেখ্যে গম্ হবর্ 16:24

সেক্কে তে রঅ ছাড়িনে কলঅ, বাবা অব্রাহাম, মরে দোয়্যে গর্। লাসাররে পাধেই দে যেন তে তা আঙুলো মাঢাগুন্ পানিত্ ভুরেইনে মঅ জিলান্ ঠান্ডা গরে। এই আগুনোত্ মুই অমকদ দুঘ্ পাঙর্।”

২ করিন্হীয় 12:9

মাত্তর্ তে মরে কোইয়্যেদে, “মর্ দোয়্যেগান্ তর্ পক্ষে যদেষ্ট; কিয়া বল্‌পোজ্জ্যেগানর্ মাধ্যমে মর্ বলান্ পুরোপুরি গুরিনে ফগদাং অয়।” সেনত্যে মর্ বল্‌গোজ্জ্যেগান পৌইদ্যেনে মুই অমকদ হুজি ওইনে বাড়্ গুরিম, যেন খ্রীষ্টর্ খেমতাগান্ মঅ উগুরে থায়।

ফগদাং পেইয়্যে 21:6

মরে তে আরঅ কলঅ, “থুম্ ওইয়্যে। মুই আল্‌ফা আর ওমিগা-আরাম্ভ আর থুম্। যাত্তুন্ তিরেচ্‌ পেয়্যে মুই তারে জিংকানি-পানির্ পয়নালাত্তুন মাগানা পানি হেবাত্যে দিম।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।