যিশাইয় 40:9 - Chakma Bible

⁹ ও সিয়োন, গম্ হবর্ তুই যে আন্যস্, তুই অজল্ মুড়োবোত্ যেইনে উঠ্। ও যিরূশালেম, গম্ হবর্ যে তুই আন্যস্, তুই দাঙর্ দাঙর্ গুরি রঅ ছাড়্, রঅ ছাড়্, ন-দোরেচ্; যিহূদার শঅরানিরে কঅ, “এইদঅ তমার গোজেন!”

যিশাইয় 40:9 ပူးပေါင်းရင်းမြစ်များ

২ বংশধর 13:4

অবিয় ইফ্রয়িম মুড়ো-মুড়ি চাগালা ভিদিরে সমারয়িম মুড়োবো উগুরে থিয়্যেইনে কলঅ, যারবিয়াম আর ইস্রায়েলর বেক্‌ মানুচ্চুনে, মঅ কধাগান শুনো।

যিশাইয় 1:1

যিহূদা দেজর্ রাজা উষিয়, যোথম, আহস আর হিষ্কিয়র রাজাগিরির্ সময়োত আমোসর পুয়ো যিশাইয় যিহূদা আর যিরূশালেম পৌইদ্যেনে যে দর্শনান্ পেইয়্যে সে পৌইদ্যেনে ইয়েনত্ লেগা আঘে।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 41:27

মুই পত্তমে সিয়োনানরে কোইয়োং, আর চঅ, তারা এচ্চোন্। মুই যিরূশালেমরে এক্কো গম্ হবর্ কোইয়্যে দুয়োং।

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিশাইয় 51:12

লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্‌জ্যরে দরর্? তারা দঅ মুরি যেবাক্। মান্‌জ্যর্ পুয়োগুনে ঘাস ধোক্ক্যেন কানক্কন্যে।

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিশাইয় 52:6

সেনত্তে মঅ মানুচ্চুনে হবর্ পেবাক্ মুই কন্না; সেদিন্যে তারা হবর্ পেবাক্, মুয়ই কধা কোইয়োং; অয়, মুয়ই কোইয়োং।”

যিশাইয় 58:4

উবোস্ থানার্ ফলে তুমি কোল্-কোজ্যে গুরি থাগঅ আর ঘুষি মারিনে একজন আর একজনরে আঘাত্ গুরি থাগঅ। তুমি এবাবোত্যেগুরি উবোস্ থেলে আশা গুরি ন-পারিবাদে যে, মুই তমা কধানি শুনিম্।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিরমিয় 22:20

লগেপ্রভু কোইয়্যেদে, “ও যিরূশালেম, তুই লেবাননত্ যেইনে রঅ ছাড়্, তর্ মুয়োর্ রবো বাশনত্ শুনো যোক্। তুই অবারীমত্তুন কিজেক্ কাড়্, কিত্তে তর্ বেক লাঙুনে ভস্ত ওই যেইয়োন।

যিরমিয় 29:11

তমাত্তে মর্ পরিকল্পনাগানর্ কধাগান মুয়ই হবর্ পাং; সিয়েন তমা ভালেদিত্তে, ক্ষোতিত্বে নয়। সে পরিকল্পনাগানর ভিদিরেদি তমা ভবিচ্চদর্ আজাগান পূরোণ অবঅ।

নহূম 1:15

যে মানুচ্চো গম্ হবর্ আনে আর শান্তি ফগদাং গরে, উই চাহ্, মুড়ো-মুড়ি উগুরে তা টেঙানি। ও যিহূদা, তর্ পরব্‌‌পুন পালা আর মান্যেগানি বেক্কানি ছিড়ে। পাজিগুনে আর্ তরে আক্রমণ ন-গুরিবাক্; তারারে এক্কুবারে ভস্ত গুরি ফেলা অবঅ।

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

প্রেরিত্‌ 2:14

সেক্কে পিতরে সেই এগারজন শিচ্চ্য সমারে থিয়্যেইনে দাঙর্ রঅ গুরিনে সিয়েনি বেক্কানি মানুচ্চুনোরে কলঅ, যিহূদীগুন আর যিগুনে তুমি যিরূশালেমত্ বজত্তি গরর্, তুমি জানি রাগঅ আর মন দিইনে মঅ কধাগান শুনো।

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

প্রেরিত্‌ 4:29

আর ইক্কিনে, ও প্রভু, ইগুনে আমারে কেধোক্ক্যেন গুরি দর্ দেগাদন্, সিয়েন তুই খিয়েল্ গর্। তঅ চাগরুনোরে এমন খেমতা দে যাতে খুব সাহস গুরিনে তারা তঅ কধানি কোই পারন্।

রোমীয় 10:18

মাত্তর্ মুই কং, ইস্রায়েলীয়গুনে কি সেই কধানি ন-শুনোন্? খামাক্কায় শুন্ন্যন্। পবিত্র বোইবো কয়, তারার্ ডাগানাগান্ গোদা দুনিয়েগানত্ ছিদি পোজ্জ্যে, ছিদি পোজ্জ্যে তারার্ কধানি জগদর্ থুমো দুজি সং

ইফিষীয় 6:19

মত্যেয়ো তবনা গরঅ যেন মুই যেক্কে কধা কং সেক্কে গোজেনে মরে এমন্‌ ভাষা যুগেই দে যাতে মুই সাহচ্‌ গুরিনে তার্ দিয়্যে গম হবরর্ গুমুরো সত্যগান্ প্রচার গুরি পারং।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

১ পিতর 3:14

গোজেনর্ আওজ্‌ মজিম চলিবাত্যে যেইনে যুনি তমাত্তুন্ দুগ্অ ভুগো পড়ে সালে তুমি বর্ পেইয়্যে। যিগুনে তমারে দুঘ্ দুয়োন তারারে তুই ন-দোরেচ্ বা দুঘোত্ ওলোজোলো ন-ওচ্,

বিচের গুরিয়্যেগুন 9:7

যোথমরে এ কধাগান কুয়ো অলঅ। তে সেক্কে গরিষীম মুড়োবোর মাদাথ্‌ উদিনে রঅ ছারিনেই মানুচ্চুনোরে কলঅ, শিখিমোর মানুচ্চুন, মঅ কধাগান্‌ শুনো, সেক্কে গোজেনেয়ো তমা কধানি শুনিবো।