যিশাইয় 40:4 - Chakma Bible

⁴ বেক্ কলক্কানি ভরা অবঅ, মুড়ো-মুড়িগুন্ সং গরা অবঅ, মুড়োমুড়ি জাগায়ানি সং গরা অবঅ, আর্ সং নেইয়্যে ভূইয়ানি সং গরা অবঅ।

যিশাইয় 40:4 ပူးပေါင်းရင်းမြစ်များ

গম্ উপদেজ্ 2:15

আর যিগুনে বেঙা আহ্ বজং পধেদি চলন্।

যিশাইয় 40:3

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

যিশাইয় 40:5

সেক্কে লগেপ্রভুর্ বাঈনী ফগদাং গরা অবঅ, আর বেক মানুচ্চুনে সিয়েনি এক সমারে দেগিবাক্; লগেপ্রভু এ কধানি কোইয়্যে।”

যিশাইয় 42:11

ধূল্যেচর-চাগালা আর শঅরানিয়ে জোরে জোরে নাঙ্ গিনোক্; কেদরীয়গুনোর্ আদামানিয়ে সিয়েনি গোরোক্, শেলার মানুচ্চুনে হুজিয়ে গিদ্ গাদোক্, মুড়োগুনোর্ মাঢাত্তুন্ হুজিয়ে রঅ ছাড়দোক্।

যিশাইয় 45:2

তে কোরসরে কত্তে, মুই তঅ আগে আগে যেইনে অজল্-নিজো জাগায়ানি সং গুরি দিম; মুই পিদলর্ বেক্ গেট্‌‌তুন্ ভাঙি দিম আর লুয়োর্ হেবাগুন্ কাবি ফেলেম।

যিশাইয় 49:11

মর্ বেক মুড়োগুনোরে মুই পথ বানেম; মঅ পথ্‌তানি বানা অবঅ।

যিশাইয় 62:10

তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌

যিহিষ্কেল 17:24

ইয়েন্দোই মাদর্ বেক গাজ্‌‌‌চুনে হবর্ পেবাক যে, মুই লগেপ্রভু অজল্ গাজরে তলে গরং আর তলে গাজরে অজল্ গরং। মুয়ই য়্যেল্ গাজরে শুগুনো গরং আর শুগুনো গাজরে জেদা গরং। “মুয়ই লগেপ্রভু এ কধাগান কোইয়োং আর মুই সিয়েন গুরিম।”

যিহিষ্কেল 21:26

মুই প্রভু লগেপ্রভু কঙর্, তঅ খবঙান্ খুল্, মুকুট্‌‌তো লামেই ফেলা। যেবাবোত্যে এলঅ সেবাবোত্যে আর ন-অবঅ। চিগোন্নোরে দাঙর্ আর দাঙর্‌‌‌বোরে চিগোন গরা অবঅ।

সখরিয় 4:7

ও দাঙর্ মুড়োবো, কন্না তুই? সরুব্বাবিল মুজুঙোত্ তুই অবেদে সংজাগায়ান। উবোসনা-ঘরর্ শেষ পাত্তর্‌‌‌‌বো লাগেবার সময় মানুচ্চুনে রঅ ছাড়িনে কবাক্ যে, সিবে অমকদ দোল্ ওইয়্যে।’ ”

লূকে লেখ্যে গম্ হবর্ 18:14

“মুই তমারে কঙর্, সেই খাজানা-তুলিয়্যেবোরে গোজেনে নিদ্দুজি বিলি মানি লল আর তে ঘরত্ ফিরি গেলঅ। মাত্তর্ সেই ফরীশীবোরে তে নিদ্দুজি বিলি মানি ন-লল। যে কেঅ নিজোরে অজল্ গরে তারে তলে গরা অবঅ আর যে নিজোরে তলে গরে তারে অজল্ গরা অবঅ।”

লূকে লেখ্যে গম্ হবর্ 3:5

বেক্ কলগ্‌কানি ভরা অবঅ, মুড়ো-মুড়ি সং গরা অবঅ। বেঙাতেরা পথ্‌তানি উজু গরা অবঅ, সংনেইয়্যে পথ্‌‌তানি সং গরা অবঅ।

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।