যিশাইয় 40:31 - Chakma Bible

³¹ মাত্তর্ যিগুনে লগেপ্রভু উগুরে আজা রাগান্ তারা নুয়ো গুরি বল্ পেবাক্। তারা ঈগল পেগো ধোক্ক্যেন্ ডুয়ো মিলিনে অজলত্ উড়িবাক্; তারা দাবা দিলে বল্‌পোজ্যে ন-অবাক্, তারা আঢিলে বল্‌‌‌‌পোজ্যে ন-অবাক্।

যিশাইয় 40:31 ပူးပေါင်းရင်းမြစ်များ

ইয়োব 17:9

মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

গীতসংহিতা 103:5

যিয়েনে ভালেদি আনে সেধোক্ক্যেন্ বেক জিনিস্‌ছোই তে তরে আওজ্ পুরেই দিবো; তে ঈগল পেগো ধোক্ক্যেন্ তরে নূয়ো বল্ দে।

গীতসংহিতা 123:2

গিরোজ্‌সো ইন্দি যেধোক্ক্যেন চাগরুনোর চোগ্ থায় আর চাগরানিগুনোর্ চোগ্‌কুন থান গিরোজ্‌সো মোক্কো আঢ্‌তান ইন্দি, সেধোক্ক্যেন আমা চোগ্‌কুন থেবদে গোজেন লগেপ্রভু ইন্দি, যেদকদিন সং তে আমারে দোয়্যে ন-গরে।

গীতসংহিতা 138:3

মুই যেক্কেনে তরে ডাগিলুং তুই মরে জোব্ দিলে; মঅ মনত্ খেমতা দিইনে তুই মরে সাহসী বানেয়োচ্।

গীতসংহিতা 20:9

ও লগেপ্রভু, রোক্ষ্যে গর্; ও রাজা, আমা ডাগনিলোই ইজিরে দে।

গীতসংহিতা 25:21

মর্ গম আর ন্যায় কামানিয়ে মরে রোক্ষ্যে গোরোক্, কিত্যে মুই তঅ উগুরে মর্ আজাগান রাগেয়োং।

গীতসংহিতা 25:3

যে তঅ উগুরে আজা রাগায় তে লাজত্ ন-পড়িবো, মাত্তর্ যিগুনে অকারনে কুজুরোমি গরন্ তারা লাজত্ পড়িবাক্।

গীতসংহিতা 25:5

তর্ সত্যলোই মরে পরিচালনা গর্ আর মরে শিক্ষ্যে দে, কিত্যে তুয়ই মর্ উদ্ধোর্‌‍গুরিয়্যে গোজেন; নিত্য তঅ উগুরে মুই আজা রাগাং।

গীতসংহিতা 37:34

লগেপ্রভু উগুরে আজা রাগা, তা পধেন্দি আঢিচ্; তে তরে দাঙর্ গুরিবো যেনে তুই দেজর্ ভাগ্ পাজ্। পাজিগুনে ভস্ত অলে তুই সিয়েন দেগিবে।

গীতসংহিতা 40:1

মুই ধৈয্য ধুরিনে লগেপ্রভুত্তে বাজ্জেই আগং। তে মঅ কধালোই কান পাদিলো, মর্ কানানিগান শুনিলো।

গীতসংহিতা 84:7

যেবার পদত্ তারা বল উগুরে বল্ পান; তারা পত্তিজনে সিয়োনত্ গোজেনর মুজুঙোত্ আজিল্ অন।

গীতসংহিতা 84:8

ও লগেপ্রভু, বেগত্তুন খেমতাবলা গোজেন, মর্ তবনাগান শুন; ও যাকোবর গোজেন, মঅ কধাগান শুন।

গীতসংহিতা 92:1

ও লগেপ্রভু, দাঙর্ গোজেন, দশতারা আর হার্‌মোনি বাজেইনে আর বাশিলোই তরে ভালেদি জানানা, তর্ নাঙ্-গিনেদে গান গরানা, বেন্যেমাদান্ তর্ অমকদ কোচ্‌পানার কধা আর রেদোত্ তর বিশ্বেজর্ কধা ফগদাং গরানা কদক্ হুজির কধা!

গীতসংহিতা 92:13

আমা গোজেন লগেপ্রভুর ঘরত্ যিগুনোর লাগা ওইয়্যে তারা তা উদোনত্ দাঙর্ অবাক্।

যাত্রা 19:4

তারা নিজেই‌ দেখ্যন্‌, মিসরীয়গুনোর্‌ দশা মুই কি গোজ্যং। ঈগল পেগোর্‌ ডুয়োগানিলোই বুয়োই নেযাইদে ধোক্ক্যেন গুরি মুই ইস্রায়েলীয়গুনোরে নিজোর কায়-কুরে আন্যং।

গম্ উপদেজ্ 30:19

কেধোক্ক্যেন্ গুরিনে ঈগল পেক্কো আগাজত্ উড়ে, কেধোক্ক্যেন্ গুরিনে সাপ্পো পাত্তর উগুরে আঢে, কেধোক্ক্যেন্ গুরিনে জাহাজ্‌‌ছান দাঙর্ সাগরত্ যায়, কেধোক্ক্যেন গুরিনে গাবুজ্যে মরদ আর গাবুজ্যে মিলে মিজেনার কারনে জিংকানি শুরু অয়।

পরমগীত 8:5

তার পরাণ্যে উগুরে ভর্ দিইনে ধূল্যেচর-চাগালাত্তুন্ যে এজের্ সিবে কন্না? আপেল গাজ তলে মুই তরে জাগেলুং; তঅ মা সিয়েনত্ পুয়ো পুদেইনে তরে জর্ম দিয়্যে।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 30:15

প্রভু লগেপ্রভু, ইস্রায়েলর্ সেই পবিত্র মানুচ্চো এ কধাগান কোইয়্যে, “পাপত্তুন্ ফিরিনে শান্ত অলে তুমি উদ্ধোর্ পেবা, আর গমেডালে বিশ্বেজ্ গুরিলে বল্ পেবা।” মাত্তর্ তুমি সিয়েনত্ রাজি ন-অলা।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 41:1

লগেপ্রভু কোইয়্যেদে, ও দুর্ দেজ মানুচ্চুন্, তুমি মঅ মুজুঙোত্ অলর্ গুরি থাগঅ। ও জাদ্‌‌‌‌‌তুন, তুমি নুয়ো গুরি বল্ পেবা; তুমি উজে এইনে কধা কঅ। আঢঅ, আমি বিচেরত্তে এক সমারে এগত্তর্ ওই।

যিশাইয় 64:4

সেই পুরোণি কালত্তুন্ ধুরি তুই বাদে আর কনঅ গোজেন কধা কনজনে কানেয়ো ন-শুনোন্ চোগেদিয়ো ন-দেগন, যিবে তার্ বাজ্জ্যে থেই পারেদে মানুচ্চুনোত্তে কাম্ গুরি থায়।

যিশাইয় 8:17

মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।

যিরমিয় 48:15

মোয়াব্‌পান্ ভস্ত অবঅ আর তা শঅরানি আক্রমণ গরা অবঅ; তার মূলুক্ মূলুক্ গাবুজ্যেগুনে গদ্দন্ দিবার জাগানত্ লামিবাক্।” যিবের্ নাঙান বেগত্তুন্ খেমতাবলা লগেপ্রভু সেই রাজাবো এ কধাগান কোইয়্যেদে,

সখরিয় 10:12

মর্ খেমতালোই মুই তারারে বোলী গুরিম আর মর্ আওজ্ মজিম তারা আদাউদো গুরিবাক্। মুই লগেপ্রভু এ কধাগান কঙর্।”

লূকে লেখ্যে গম্ হবর্ 18:1

শিচ্চ্যগুনে যেনে নিত্য তবনা গরন্ আর আজা ন-আড়ান্ সেই শিক্ষ্যেগান্ দিবাত্যে যীশু তারারে এ উদাহরনান্ দিলো: “কনঅ এক শঅরত্ এক্কো বিচেরক্ এলঅ। তে গোজেনরে ন-দোরেদ আর মান্‌জ্যরেয়ো গ্রাজ্য ন-গুরিদো।

রোমীয় 8:25

মাত্তর্ যিয়েন পাহ্ ন-অয় সিয়েনত্যে যুনি আমার্ আজা থায় সালে সিয়েনত্যে আমি ধৈয্য ধুরিনে বাজ্জেই থেই।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

২ করিন্হীয় 4:16

ইয়েনত্যে আমি আজা ন-আরেই। যুনিয়ো আমা বারেদি কিয়্যেগান ক্ষয় ওই যার্ তো আমা ভিদিরে মানুচ্চো দিনে দিনে নুয়ো ওই উদের্।

গালাতীয় 6:9

আমি যেন গম কাম গত্তে গত্তে অরান্ ন-ওই, কিয়া সিয়েন ইরি ন-দিইনে গরানাত্ থেলে আমি ঠিগ্ সময়োত্ সিয়েনর্ ফসল পেবং।

দ্বি’লম্বর বিররণ 32:11

যেধোক্ক্যেন গুরি ঈগল পেগে তা বাবোত্‌ ছঅগুনোরে জাগেই তুলোন্‌, যেধোক্ক্যেন গুরি তারা উগুরে তে লারে লারে উড়ি পারে, যেধোক্ক্যেন গুরি তারারে তুলি নেযেবাত্যে তার ডুয়োনি মিলি দে, আর যেধোক্ক্যেন গুরি তার্‌ ডুয়োগানি উগুরে তারারে বুয়োই নেযায়।

দ্বি’লম্বর বিররণ 33:25

লুয়ো আর পিদোল ডাল্লোই তার কায়কুরে দোরান্‌ বান্যে থেবঅ। যেদকদিন তে বাঁজি থেবঅ সেদকদিন তার কিয়্যেত বল্‌ থেবঅ।”

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।

ইব্রীয় 12:3

যিবে পাপীগুনোর্ এত্তমান কুজুরোমি সোজ্জ্য গুরিলো তুমি তা পৌইদ্যেনে চিন্তে গরঅ, যেন তমার্ মনানি মন্‌মরা আর আজানেইয়্যে ন-অয়।

যিহোশূয় 14:11

মোশি যেদিন্যে মরে পাদেয়্যে সেদিন্যে ধোক্ক্যেন্‌ এজঅ‌ মুই বোলী আগং; সেক্কেনে ধোক্ক্যেন্‌ এজঅ মর্‌ যুদ্ধোত্‌ যেবার আর বেক্‌ কামানি গুরিবার বল্‌ আঘে।

ফগদাং পেইয়্যে 12:14

সেক্কে সেই মিলেবোরে এক্কো দাঙর্ ঈগলর্ দ্বিয়েন দুয়ো দিয়্যে অলঅ যেন তে ধূল্যেচরত্ তা জাগানত্ উড়িনে যেই পারে। সিধু সেই সাব্‌পোর্ চোগো আন্দলে সাড়ে তিন বজর্ তারে যত্তন্ গরা অবঅ।

ফগদাং পেইয়্যে 2:3

তর্ ধৈজ্জ্য আঘে আর তুই মত্যে বোউত্ দুঘ্ গোজ্জ্যস্, অরান্ ন-অচ্।

ফগদাং পেইয়্যে 4:7

পত্তম জেদা পরাণবলাবোর চেঙারাগান্ সিংহ ধোক্ক্যেন, দ্বি-লম্বরবো গোরুছঅ ধোক্ক্যেন, তিন-লম্বরবো মান্‌জ্য ধোক্ক্যেন আর চের-লম্বরবো উড়েদে ঈগল পেগো ধোক্ক্যেন।

বিচের গুরিয়্যেগুন 16:28

সেক্কে শিম্‌শোনে লগেপ্রভুর্‌ ইদু তবনা গুরিনে কলদে, “ও প্রভু লগেপ্রভু, মঅ কধানি একবার ইদোত্‌ তুল্। ও গোজেন, দোয়্যে গুরিনে আর একপল্লা বানা মরে খেমতাগান্ দে যেনে মর্‌ দ্বিবে চোগোত্তেই এক্কুবারেই মুই পলেষ্টীয়গুনো উগুরে হেনা সুজি পারং।”