যিশাইয় 40:30 - Chakma Bible

³⁰ বয়স কম্ বলাগুনেয়ো বল্ পোজ্যে অন্ আর মন্ মরা অন্ আর গাবুজ্যেগুনে উজোত্ হেইনে পড়ন্,

যিশাইয় 40:30 ပူးပေါင်းရင်းမြစ်များ

গীতসংহিতা 33:16

দাঙর্ সৈন্যদল থেলেয়ো কনঅ রাজা সিয়েনিলোই রোক্ষ্যে ন-পায়; দাঙর্ বল্লোই অলেয়ো কনঅ বীর যোদ্ধাই রোক্ষ্যে ন-পায়।

গীতসংহিতা 34:10

দামারা সিংহগুনোর্ হানার অভাব অয়, তারা পেত্‌ফরায় দুঘ্ পান্; মাত্তর্ যিগুনে লগেপ্রভুর আওজ্ মজিম চলন্ তারার্ ভালেদির্ অভাব ন-অয়।

গীতসংহিতা 39:5

তুই মর্ আয়ুগান বানা চের্ আঙুলো সং গোজ্যচ্; তর্ চোগেন্দি মর্ জিংকানিগান কিচ্চু নয়। মানুচ্ তার্ বেক্কানিন্দি সয়সাগোজ্যে অবস্থাদ্‌অ বানা এক্কো নিজেস্ বাদে আর্ কিচ্চু নয়।

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

যিশাইয় 13:18

তারা ধনুলোই গাবুজ্যেগুনোরে মারে ফেলেবাক্; তারা চিগোন পুয়োগুনোরে কনঅ মেয়্যে ন-গুরিবাক্ বা ঝি-পুয়োগুনোর ইন্দি মেয়্যের্ চোগেদি রিনি ন-চেবাক্।

যিশাইয় 9:17

সেনত্তে প্রভু গাবুজ্যেগুনোরে নিইনে কনঅ ফুত্তি ন-পেবঅ, আর মা-বাপ নেইয়্যেগুনোরে, রানি মিলেগুনো উগুরে তে কনঅ দোয়্যে ন-গুরিবো; কিত্তে বেক্কুনে গোজেন উগুরে ভোক্তি নেইয়্যে আর পাজি, বেক্কুনে বজং কধা কন্। ইয়েনি অলেয়ো তা রাগ্‌কান ন-থামেব; এজঅ সং তা আঢ্‌তান তুল্যে আঘে।‌‌

যিরমিয় 48:15

মোয়াব্‌পান্ ভস্ত অবঅ আর তা শঅরানি আক্রমণ গরা অবঅ; তার মূলুক্ মূলুক্ গাবুজ্যেগুনে গদ্দন্ দিবার জাগানত্ লামিবাক্।” যিবের্ নাঙান বেগত্তুন্ খেমতাবলা লগেপ্রভু সেই রাজাবো এ কধাগান কোইয়্যেদে,

যিরমিয় 6:11

মাত্তর্ মুই লগেপ্রভুর রাগে গুল্ ওইয়োং; মুই আর সিয়েন মঅ ইধু ধুরি রাগেই ন-পারঙর্। লগেপ্রভু জোবত্ কোইয়্যেদে, তুই সিয়েন পধত্ ঝি-পুয়োগুনো উগুরে আর এক সমারে এগত্তর্ ওইয়্যে গাবুজ্যেগুনো উগুরে ঢালি দে। নেগে-মোগে সিয়েন ভিদিরে ধরা পড়িবাক্, আর বুড়োগুনে আর অমকদ লুঙুর্ বুড়োগুনে রেহাই ন-পেবাক্।

যিরমিয় 9:21

মরণানে আমা জানালাদি উদিনে আমা তাম্বুলানি ভিদিরে চোম্বেগি; সিয়েনে পধে পধে ঝি-পুয়োগুনোরে শেজ্ গুরি দিয়্যে আর শঅর চক্কর্‌‌বোত্তুন শেজ্ গুরি দিয়্যে গাবুজ্যেগুনোরে।

আমোষ 2:14

যিগুনে যাদিমাদি দাবা দি পারন তারা নিজোরে রোক্ষ্যে গুরি ন-পারিবাক্, বোলীগুনে তারার্ বলান্ দেগেই ন-পারিবাক্ আর যোদ্ধাগুনে নিজো পরাণান্ বাজেই ন-পারিবাক্।

১ শমূয়েল 30:10

প্রায় দ্বিশত মানুচ্‌ বল্‌পোজ্যে ওইনে সেই খাত্তোঙান্ পার্‌ ওই ন-পারিলাক্। দায়ূদে চেরশত্‌ মানুচ্‌ নেযেইনে শত্রুগুনোর পিজেন্দি লোড়েইনে গেলাক্।