যিশাইয় 40:28 - Chakma Bible

²⁸ তুমি কি হবর্ ন-পঅ? তুমি কি ন-শুনো? লগেপ্রভু, যিবে জনম ভরা গোজেন, যিবে পিত্‌‌‌থিমীর শেজ্ দুযিগান বানেয়্যে, তে বল্ পোজ্যে ন-অয়, মন্ মরায়ো ন-অয়; তা বুদ্ধির গভীনান্ কনজনে মাবি ন-পারে।

যিশাইয় 40:28 ပူးပေါင်းရင်းမြစ်များ

পত্থম 21:33

অব্রাহাম বের্‌-শেবাত্ লগেপ্রভুরে, অত্তাৎ যিবের আরাম্ভ আর থুম্ নেই সে গোজেনরে তা যগাজ্যে সর্মান্‌ দিলাক্। তে সিয়েনত্‌ এক্কো ঝাউ গাজ্‌ লাগেল।

ইয়োব 38:18

পিত্‌থিমীগান কত্তমান দাঙর্ সিয়েন কি তুই আন্দাজ্ গুরি পাজ্যস্? যুনি তুই ইয়েনি হবর্ পাচ্ সালে কঅ।

গীতসংহিতা 138:8

লগেপ্রভু মত্তে যিয়েন ঠিগ্ গুরি রাগেয়্যে সিয়েন পূরোণ গুরিবো। ও লগেপ্রভু, তর্ কোচ্‌পানাগান জনমত্তে থিদেবর্ গোজ্যে; তুই নিজো আঢে যে কামানি গোজ্যস্ সিয়েনি থুম্ গর্।

গীতসংহিতা 139:6

তর্ এ জ্ঞানান্ মুই বুঝি ন-পারঙর্; সিয়েন অমকদ উগুরে, মঅ খেমতার বারেদি।

গীতসংহিতা 145:3

লগেপ্রভু দাঙর্ আর বেক্কুনোত্তুন্ বেজ্ নাঙ্ গিনে হেবার্ যগাজ্যে; কনজনে তার গমান্ ন-বুঝোন্।

গীতসংহিতা 147:5

আমা গোজেনে দাঙর্, তার খেমতা বজমান্; তা জ্ঞান-বুদ্ধির শেজ্ নেইয়্যে।

গীতসংহিতা 90:2

যেক্কেনে মুড়ো-মুড়ির সিরিষ্টি ন-অয়, দুনিয়ে আর পিত্‌থিমীর সিরিষ্টি ন-অয়, সিয়েনির আগেত্তুন্ ধুরি উমর সং তুয়ই গোজেন।

যিশাইয় 37:26

তুই কি ন-শুনোচ্, বোউত্ আগে মুই সিয়েনি ঠিগ্ গুরি রাগেয়োং, বোউত্ আগেদি মুই সিয়েনির পরিকল্পনা গোজ্যং? আর ইক্কিনে মুই সিয়েনি ঘোদেলুং। সেনত্তে দঅ তুই দেবাল্-ঘিজ্যে শঅরানি পাত্তরর কুর্ গুরি পাজ্যস্।

যিশাইয় 40:21

তুমি কি হবর্ ন-পঅ? তুমি কি ন-শুনো? পৌইল্যেত্তুন্ ধুরি কি তমারে সে কধানি কুয়ো ন-অয়? পিত্‌থিমী থিদেবর্ গুরিবার সময়ত্তুন্ ধুরি তুমি ন-বুঝো?

যিশাইয় 42:4

পিত্‌থিমীত ন্যায়বিচের থিদেবর্ ন-অনা সং তে বল্‌‌‌পোজ্যে ন-অবঅ বা ভাঙি ন-পুরিবো। দূরো মানুচ্চুনে তা উগুমান বাজ্জেই থেবাক্।”

যিশাইয় 45:22

“ও পিত্‌থিমীর বেক্ শেজ্ দুযিগানি, মইন্দি ফিরো আর উদ্ধোর পহ্, কিত্তে মুয়ই গোজেন, আর কনঅ গোজেন নয়।‌

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 59:1

চঅ, লগেপ্রভুর আঢ্‌‍‌‌‌তান এদক্ বাদি নয়দে যে, তে উদ্ধোর্ গুরি ন-পারে; তা কানান্‌অ এদক্ গুয়োর্ নয় যে, তে ন-শুনে।

যিশাইয় 66:9

মুই তর্ গোজেন লগেপ্রভু কঙর্, ‘জর্মর মুহূর্ত সং উজেই নেযেইনে মুই কি জর্ম দিবাত্তে ন-দিম? মুই যেক্কে জর্ম দিবাত্তে বেবস্থা গোজ্যং সেক্কে কি মুই জর্ম দিবাত্তে ন-দিম?’ ”

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

মার্ক 16:14

ইয়েনর্ পরেদি যীশু তার্ এগারজন শিচ্চ্য ইধু দেগা দিলো। সেক্কে তারা হানা খাদন্। বিশ্বেজর্ অভাব আর মনানি দরমর বিলি তে তারারে গেইল্ দিলো, কিয়া তে মরণত্তুন্ জেদা ওই উদোনার্ পরেদি যিগুনে তারে দেখ্যন্ সিগুনোর্ কধানি তারা বিশ্বেজ্ ন-গরন্।

মার্ক 9:19

সেক্কে যীশু কলঅ, “অবিশ্বেজি মানুচ্চুন! আর কয়দিন মুই তমা সমারে থেইম্? কয়দিন তমারে সোজ্য গুরিম্? পুয়োবোরে মইধু আন।”

লূকে লেখ্যে গম্ হবর্ 24:25

সেক্কে যীশু তারারে কলঅ, “তুমি কিচ্চু ন-বুঝো। তমা মনানি এমন্ বাজে যে, ভাববাদীগুনে যিয়েন কোইয়োন সিয়েন তুমি বিশ্বেজ্ ন-গরঅ।

যোহন 14:9

যীশু তারে কলঅ, ফিলিপ, এদক্ দিন মুই তমা সমারে সমারে আঘং, তো কি তুই মরে ন-চিনোচ্? যে মরে দেক্ক্যে তে বাবারেয়ো দেক্ক্যে। তুই কেধোক্ক্যেন্ গুরি কত্তে, বাবারে দেগা?

যোহন 5:17

সেক্কে তে সেই নেতাগুনোরে কলঅ, “ম বাপ্পো নিত্য কাম গরের্ আর মুইয়ো গরঙর্।”

প্রেরিত্‌ 13:47

ইয়েনর্ কারনান্ অলঅ, প্রভু আমারে এ কধাগান কোইয়্যেদে, ‘মুই অন্য জাদ্‌‌তুনো ইধু তরে পহ্‌‌র ধোক্ক্যেন্ গোজ্জ্যং, যেন তর্ মাধ্যমে গোদা দুনিয়ের্ মানুচ্চুনে পাপত্তুন্ উদ্ধোর্ পান।’ ”

রোমীয় 16:26

মাত্তর্ ইক্কিনে গম্ হবরানর্ মাধ্যমে সিয়েন ফগদাং ওইয়্যে আর সেবাবোত্যেগুরি মুই প্রচার গরঙর্। উমর গোজেনর্ উগুম মজিম ভাববাদীগুনোর্ লেঘার্ মাধ্যমে বেক্ জাদর্ মানুচ্চুনো ইধু সিয়েন জানা ওইয়্যে, যেন তারা খ্রীষ্ট উগুরে বিশ্বেজ্ গুরিনে গোজেনর্ বাধ্য ওই পারন্।

১ করিন্হীয় 2:16

পবিত্র বোইবোত্ লেগা আঘে, কন্না প্রভুর্ মনান্ বুঝি পাজ্জ্যে যে, তে তারে উবদেশ্ দি পারে? মাত্তর্ খ্রীষ্ট মনান্ আমা মনত্ রোইয়্যে।

১ করিন্হীয় 6:16

তুমি কি কোই ন-পারঅ, বেশ্যে সমারে যে এগত্তর্ অয় তে তা সমারে এক কিয়্যে অয়? কিয়া পবিত্র বোইবোত্ লেগা আঘে, “তারা দ্বিজনে এক কিয়্যে অবাক্।”

১ করিন্হীয় 6:19

তুমি কি কোই ন-পারঅ, তমা মনত্ যে বজত্তি গরে আর যিয়েনরে তুমি গোজেনত্তুন্ পেইয়ো, সেই পবিত্র আত্মার্ থেবার্ ঘরান্ অলঅ তমার কিয়্যেগান? তুমি তমার্ নিজোর্ নয়;

১ করিন্হীয় 6:9

যিগুনে অন্যেয় গরন্ সিগুনে যে গোজেন রেজ্যর্ অধিকারী ন-অবাক্, সিয়েন কি তুমি কোই ন-পারঅ? তুমি ভুল্ ন-গোজ্জ্য। যিগুনোর্ খাচ্চ্যত্ ভান্ন্যেই, যিগুনে মূর্ত্তি পুজো গরন্, যিগুনে বেগেয়্যে গরন্, যিগুনে মরদ-বেগেয়্যে, যে মরদ্‌তুনে মরদ্‌অ সমারে বেগেয়্যে গরন্,

দ্বি’লম্বর বিররণ 33:27

যিবে আগকালর গোজেন তেয়ই তর্‌ আশ্রয়; তার উমরর্ আদত্‌ তেয়ই তরে ধুরি আঘে। তর্‌ মুজুঙোত্‌ যিদুক্কুন শত্রু আগন্‌ তে তারারে ধাবেই দিবো; তে কবঅ, ‘ইগুনোরে ভস্ত গরঅ।’

ফিলিপীয় 1:6

মর্ এ বিশ্বেজ্‌‌চান আঘে, তমা অন্তরত্ যিবে গম্ কাম গুরিবাত্যে আরাম্ভ গোজ্জ্যে তে খ্রীষ্ট যীশুর্ এবার্ দিন্নো সং সিয়েন চালেইনে থুম্ গুরিবো।

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

১ শমূয়েল 2:10

লগেপ্রভুর শত্রুগুনে ভস্ত ওই যেবাক্, তে আগাজত্‌ তারার বিরুদ্ধে গুজুরিবো; পিত্‌থিমীর থুম দুঝি সং তে মানুচ্চুনোর বিচের্‌ গুরিবো। তে তার রাজাবোরে বল্‌ দিবো আর তার বর্‌ দিয়্যে মানুচ্চুনোরে ঝিদেই দিবো।”