যিশাইয় 40:26 - Chakma Bible

²⁶ তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিশাইয় 40:26 ပူးပေါင်းရင်းမြစ်များ

পত্থম 1:14

সিয়েন পরেদি গোজেনে কলঅ, আগাজ ইধু পহ্‌র অয়্‌ এবাবোত্যে বেক্কুন দেগা যোগ্‌, আর সিগুনে রেদত্তুন্ দিন্নোরে ফারক্ গোত্তোক্‌। সিগুনে যুদো যুদো দিন, ঋতু আর বজরত্যে চিহ্ন ওই থাদোক্‌।

পত্থম 1:16

গোজেনে দ্বিবে দাঙর পহ্‌র বানেল। সিগুনো ভিদিরে দাঙরবোরে দিন উগুরে রাজাগিরি গুরিবাত্যে, আর চিগোন্নোরে রেদো উগুরে রাজাগিরি গুরিবাত্যে বানেল। সিগুন বাদে তে-তারায়ো বানেল।

গীতসংহিতা 102:25

ভালোক্ বজর আগে তুই পিত্‌থিমীর গড়াগান গারেয়োচ্; দেবাবোয়ো তঅ আঢ্‌তোই বানেয়্যে।

গীতসংহিতা 119:91

তর্ সুদোম মজিম্ এজঅ বেক্কানি থির্ আঘে, কিত্তে সিয়েনি তঅ খেমতা ভিদিরে আঘে।

গীতসংহিতা 121:1

মুই সেই মুড়োবো ইন্দি রিনি চেম্; কুত্তুন্ মর্ এজাল্ এবঅ?

গীতসংহিতা 19:1

আগাজ্‌‌ছানে গোজেনর মহিমাগানরে ফগদাং গরের্, আর আগাজ্‌‌ছানে তুলি ধরের্ তা আঢর্ কামানি।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

যিশাইয় 34:16

তুমি লগেপ্রভুর বোইবোত্ তোগেই চঅ আর পড়। সিয়োত্ লেগা আগেদে-ইগুনোত্তুন্ এক্কোয়ো আজিই ন-যেবঅ, এক্কোর্‌অ সমাজ্যের্ অভাব ন-অবঅ; কিত্তে মঅ মুয়োদি লগেপ্রভু সেই উগুমান্ দিয়্যে, আর তা আত্মাগানে তারারে একলগে এগত্তর্ গুরিবো।

যিশাইয় 42:5

লগেপ্রভু গোজেনে আগাজ্‌ছান বানেইনে মিলি দিয়্যে; তে পিত্‌‌‍‌‍থিমী আর যিয়েনি জোর্মেয়্যে সিয়েনি বেক্কানি বিজেই দিয়্যে; তে সিদুগোর্ মানুচ্চুনোরে নিজেস্ দে আর সিদু আঢাউদো গুরিনে তারারে জিংকানি দে। তে কোইয়্যেদে,

যিশাইয় 44:24

লগেপ্রভু, যিবে তর্ উদ্ধোরগুরিয়্যে, যিবে তরে পেদত্ দাঙর্ গোজ্যে তে কোইয়্যেদে, “মুই লগেপ্রভু; মুয়ই বেক্কানি বানেয়োং। মুই গায় গায় আগাজ্‌‌চানরে বিজেই দুয়োং আর নিজেই পিত্‌থিমীগানরে মেলি দুয়োং।‌

যিশাইয় 45:12

মুয়ই পিত্‌থিমীগানরে বানেইনে তা উগুরে মানুচ্চুনোরে বানেয়োং; মুই নিজো আঢে আগাজ্‌চানরে বিজেই দুয়োং আর আগাজর বেলান্, চানান্ আর তারাগুনোরে বোজেই দুয়োং। ‌‌‌‌‌‌‍‌‌‌‌‌‌

যিশাইয় 45:7

মুয়ই পহ্‌‌র আর আন্ধারানরে বানেয়োং; মুয়ই ভালেদি আনং আর সর্বনাশ সৃট্টি গরং। মুই লগেপ্রভু ইয়েনি গুরি থাং।

যিশাইয় 48:12

ও যাকোব, ও মর্ বেঈ লোইয়্যে ইস্রায়েল, তুমি মঅ কধাগান শুনো। মুয়ই সিবে; মুয়ই পত্তম্ আর মুয়ই থুম্।

যিশাইয় 48:13

মুই নিজো আঢে পিত্‌‍থিমীর গড়াগান থিদেবর্ গোজ্যং আর ডেন্ আঢে আগাজ্‌‌ছানরে বিজেই দুয়োং; মুই ডাগিলে ইগুনে বেক্কুনে একসমারে থিয়্যেন্।

যিশাইয় 51:6

তুমি আগাজ ইন্দি রিনি চঅ আর তলেদি পিত্‌থিমীগান ইন্দি রিনি চঅ। আগাজ্‌‌‌চান ধূমো ধোক্ক্যেন অদাদত্ লুগিবো, পিত্‌‌‌‌থিমীগান কাবড় ধোক্ক্যেন পুরোণ ওই যেবঅ আর তা আদাম্মেগুনেয়ো মুরি যেবাক্। মাত্তর্ মর্ দিয়্যে উদ্ধোরান উমরত্তে থিদেবর্ অবঅ আর মর্ সততাগান উমরত্তে থেবঅ।‌

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।