যিশাইয় 40:22 - Chakma Bible

²² পিত্‌‌থিমীর গুল্ আগাজ উগুরে তেয়ই সিংহাসনত্ বুয়োই আঘে, পিত্‌থিমীর মানুচ্চুনে ফিরিঙো ধোক্ক্যেন্। চানান ধোক্ক্যেন গুরি তে আগাজ্‌‌চানরে বিজেই দিয়্যে, বজত্তি গুরিবার তাম্বুলো ধোক্ক্যেন্ গুরি সিয়েনি খাদেই দিয়্যে।

যিশাইয় 40:22 ပူးပေါင်းရင်းမြစ်များ

পত্থম 1:6

সে পরেদি গোজেনে কলঅ, “পানিগান ভিদিরে এক্কান ফারক্‌ জাগার সৃট্টি ওক্‌, আর সেনে পানিয়ান্‌ দ্বিভাগ ওই যোক্‌।”

ইয়োব 22:14

ঘুর্‌গুজ্যে মেঘ্‌কানে তারে নাঢি রাগেয়্যে, সেনত্তে তে ন-দেগের্‌; আগাজ উগুরে তে ঘুরি বেড়ায়।

ইয়োব 26:7

তে দেবাবো উত্তরেদি আগাজ্‌ছান ছিদি দিয়্যে; দেবাবো উগুরে পিত্‌থিমীগানরে টাঙেই রাগেয়্যে।

ইয়োব 36:29

কন্না বুঝি পারে তে কেধোক্ক্যেন গুরিনে মেঘকান ছিদি দে? বা তার থেবার ঘরত্তুন্ মেঘঅ ধোক্ক্যেন রঅ গরে ?

ইয়োব 37:18

ছাজিনে ঢাল্যে আনা ধোক্ক্যেন দরমর যে আগাজ্‌ছান সিয়েন কি তুই গোজেনর সমারে বিজেয়োজ্?

ইয়োব 9:8

তেয়ই দাঙর্‌ আগাজ্‌ছানরে ছিদি দিয়্যে, আর সাগরর্‌ তুবোল উগুরে আঢে।

গীতসংহিতা 104:2

কাবড় ধোক্ক্যেন্ গুরি তুই নিজোরে পহর্ লোই ঢাক্যচ্; দেবাবোরে তুই ছাল ধোক্ক্যেন্ গুরি ছিদি দুয়োচ্।

গীতসংহিতা 18:11

তে আন্ধারলোই নিজোরে ঘিরিলো; তা চেরোকিত্তে থেলদে আগাজর্ ঘুর্‌গুজ্যে ঝড় মেঘ।

গীতসংহিতা 19:4

তো তারার্ ডাগনিগান গোদা পিত্‌‌‌থিমীত্ ছিদি পোজ্যে; তারার্ কধানি ছিদি পোজ্যে পিত্‌‌থিমীর থুমোর্ দুযি সং। আগাজত্ বেলানত্তে তে এক্কান্ তাম্বুল্ ঠাঙেয়্যে;

গীতসংহিতা 2:4

লগেপ্রভু স্বর্গর সিংহাসনত্তুন্ আজের্; তে তারারে ঈচ্ গরের্।

গীতসংহিতা 29:10

দাঙর্ বান পানিগান লগেপ্রভুর অধীনোত্ এলঅ; তে উমরর্ রাজা, তে সিংহাসনত্ আঘে।

গীতসংহিতা 68:33

তে সেই পুরোণ দিনোর আগাজ ভিদিরেন্দি রদথ্ চড়িনে আঢা-উদো গরে। শুন, তে রঅ ছাড়িনে কধা কর্।

গম্ উপদেজ্ 8:27

তে যেক্কেনে দেবাবো থিদেবর্ গোজ্যে সেক্কেনে মুই সিদু এলুং; তে যেক্কেনে সাগর উগুরে চেরোকিত্তে দুযিগুন ঠিগ্ গোজ্যে, সেক্কেনে মুই সিয়েনত্ এলুং।

যিশাইয় 19:1

মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

যিশাইয় 37:16

“ও দ্বিস্বর্গদূদোর সংমোধ্যে থেইয়্যে বেগত্তুন্ খেমতাবলা লগেপ্রভু, ইস্রায়েলর গোজেন, তুই, বানা তুয়ই পিত্‌থিমীর বেক্ রেজ্যগানির গোজেন। তুই আগাজ্‌‌‌‌‌চান আর পিত্‌‌‌‌থিমীগানরে বানেয়োচ্।‌‌

যিশাইয় 40:15

চঅ, জাদ্‌‌তুনে যেন কুমো ভিদিরে পানি ধোক্ক্যেন্ এক্কো ফুদো; পাল্লার ধূল্যেকণা ধোক্ক্যেন্ তারারে মনে গরা অয়। দূর্ দেজ মানুচ্চুনে তাইদু মিহি ধূ্ল্যে ধোক্ক্যেন পাদল্।

যিশাইয় 40:17

বেক্ জাদ্‌‌‌তুনে তাইদু কিচ্ছু নয়; সিগুনোরে তে কিজু বিলিনে মনে ন-গরে; সিয়েনি তাইদু বাজে।

যিশাইয় 42:4

পিত্‌থিমীত ন্যায়বিচের থিদেবর্ ন-অনা সং তে বল্‌‌‌পোজ্যে ন-অবঅ বা ভাঙি ন-পুরিবো। দূরো মানুচ্চুনে তা উগুমান বাজ্জেই থেবাক্।”

যিশাইয় 42:5

লগেপ্রভু গোজেনে আগাজ্‌ছান বানেইনে মিলি দিয়্যে; তে পিত্‌‌‍‌‍থিমী আর যিয়েনি জোর্মেয়্যে সিয়েনি বেক্কানি বিজেই দিয়্যে; তে সিদুগোর্ মানুচ্চুনোরে নিজেস্ দে আর সিদু আঢাউদো গুরিনে তারারে জিংকানি দে। তে কোইয়্যেদে,

যিশাইয় 44:24

লগেপ্রভু, যিবে তর্ উদ্ধোরগুরিয়্যে, যিবে তরে পেদত্ দাঙর্ গোজ্যে তে কোইয়্যেদে, “মুই লগেপ্রভু; মুয়ই বেক্কানি বানেয়োং। মুই গায় গায় আগাজ্‌‌চানরে বিজেই দুয়োং আর নিজেই পিত্‌থিমীগানরে মেলি দুয়োং।‌

যিশাইয় 51:13

তমারে যিবে বানেয়্যে তারে কিত্তে তুমি ভুলি যেইয়ো? তে দঅ আগাজ্‌চানরে বিজেই দিয়্যে আর পিত্‌থিমীর গড়াগান গাড়েয়্যে। যে অত্যেচারিবো ভস্ত গুরিবাত্তে লাগি আঘে তার দর্‌গরেপারা রাগ্‌‍‍কানত্তে কিত্তে তুমি পত্তিদিন যে কনঅ সময় দোরে দোরেই বজত্তি গরর্? সেই অত্যেচারি দর্‌গরেপারা রাগ্‌‍‌কান কিচ্চু নয়। ‍‍

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

যিরমিয় 10:12

লগেপ্রভু নিজোর খেমতালোই পিত্‌‌‍‌‍‍থিমীগান বানেয়্যে, তারা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌চান বিজেই দিয়্যে।‌‍‌‍‍

সখরিয় 12:1

ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

গণাণা 13:33

আমি সিয়েনত্‌ নেফিলীয়গুনোরে দেক্ক্যেই। অনাকর্‌ বংশর মানুচ্চুনে দঅ জাদত্‌ নেফিলীয়। তারারে দেগিনে আমি নিজোরে মনে গুরিলোং ঘাস-ফিরিং আর তারায়ো আমারে সেধোক্ক্যেন মনে গুরিলাক।”