যিশাইয় 40:20 - Chakma Bible

²⁰ নাঢা মান্‌জ্যে মুত্তি বানেবাত্তে যে তক্তাগান ন-পঁজে সিয়েনই বেঈ লন্। যিয়েনি ন-ভাঙিবো এবাবোত্যে মুত্তি বানেবাত্তে তে এক্কো কাবিদ্যেং কালিগর্ তগায়।

যিশাইয় 40:20 ပူးပေါင်းရင်းမြစ်များ

যিশাইয় 41:7

কালিগর্‌‌‌‌‌বো সনা বানেয়্যেবোরে উচ্চোমি তুলি দিবো; আদুড়োলোই যে সং গরে তে নেহাইয় উগুরে আঘাত গুরিয়্যেবোরে উচ্চোমি তুলি দিবো। তে জড়াবোত্ কাম দেগিনে কবদে, “গম্ ওইয়্যে।” তে পেরেক্কোই মুত্তিবো দরমর গুরিবো যেনে সিবে ন-পড়ে।

যিশাইয় 44:12

কামার্‌বো এক্কান মিশিন্ নেযায় আর সিয়েন্দোই জোল্ জোল্যে আঙারা ভিদিরে কাম গরে। তে মাত্তুল্লোই মূত্তিবোর সাইজ্‌চান বানায়, আর আঢ বল্লোই সিবে বানায়। সেক্কে তার পেট্ পুরে আর বল্ কুমি যায়; পানি ন-হেইনে তে বল্‌‌পোজ্যে ওই পড়ে।

যিশাইয় 46:7

তারা তারে কানাত্ তুলিনে বুয়োই নেযান্; তা জাগানত্ তারা তারে থিদেবর্ গরন আর তে সিয়েনত্ থায়। সে জাগানত্তুন্ তে আর লুড়ি ন-পারে। কনজনে তা কায়কুরে কানিলেয়ো তে জোব্ দি ন-পারে, তা দুখ্ কষ্টত্তুন্ তারে রোক্ষ্যে গুরি ন-পারে।

দানিয়েল 5:23

সিয়েনর বদলে তুই নিজোরে স্বর্গর্ প্রভুর বিরুদ্ধে থিয়্যেয়োচ। গোজেন ঘরত্তুন আন্যে পিলেগুন তুই আনিবাত্যে বাজেই দুয়োচ্ আর তুই, তর্ আজল্ মানুচ্চুন, তঅ মোগ্‌‌কুনে আর যেরেদি ঘর মোগ্‌‌কুনে সিগুন্দোই আংগুর-রস হেইয়োন। তুই রূবো, সনা, পিদোল, লুয়ো, তক্তা আর পাত্তর্‌লোই বানেয়্যে যে দেবেদাগুনে ন-দেগন, ন-শুনোন্ আর ন-বুঝোন্ তারারে নাঙ্ গিনোদন। মাত্তর্ তুই গোজেনরে বাঈনী ন-গরচ্, যিবে আঢত্ আঘে তঅ জিংকানিগান আর তর্ বেক পথ্‌‌তানি।

দানিয়েল 5:4

তারা আংগুর-রস খাদে খাদে সনা, রূবো, পিদোল্, লুয়ো, তক্তা আর পাত্তর্‌‌‌‌‌‌লোই বানেয়্যে দেব-দেবেদাগুনোরে বাঈনী গরা ধুরিলাক্।