যিশাইয় 40:15 - Chakma Bible

¹⁵ চঅ, জাদ্‌‌তুনে যেন কুমো ভিদিরে পানি ধোক্ক্যেন্ এক্কো ফুদো; পাল্লার ধূল্যেকণা ধোক্ক্যেন্ তারারে মনে গরা অয়। দূর্ দেজ মানুচ্চুনে তাইদু মিহি ধূ্ল্যে ধোক্ক্যেন পাদল্।

যিশাইয় 40:15 ပူးပေါင်းရင်းမြစ်များ

পত্থম 10:5

ইগুনো বংশর মানুচ্চুনে যেরেদি নানান্‌ ভাষা, পরিবার আর জাদ ইজেবে সাগর পার নানান্‌ দেজত্‌ ছিদি পড়িলাক্।

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গীতসংহিতা 62:9

সমাজর তলেন্দি মানুচ্চুন মেঘ ধোক্ক্যেন্, আর উগুরে মানুচ্চুন বাজে বাবোত্যে; পাল্লাত্ মাবিলে তারা বেক্কুনে মিলিনে বোইয়্যেরত্তুন বেশ্ পাদল।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 17:13

দর্‌‍‍গরেপারা বান পানি রঅ ধোক্ক্যেন যুনিয়ো মানুচ্চুনে গুজুরোদন্, তো তে ধমক্ দিলে তারা দূরোত্ ধেই যেবাক্। বোইয়্যের মুয়োত্ মুড়ো-মুড়ি উগুরেগান তুজো ধোক্ক্যেন, ঝড় মুয়োত্ ধূল্যে ধোক্ক্যেন তারারে ধাবেই দিয়্যে অবঅ।‍

যিশাইয় 2:22

তুমি মান্‌জ্য উগুরে নির্ভর্ গরানা ছাড়ি দুয়ো। মান্‌‌জ্যর পরাণান্ দঅ তা নাক্কোর্ এক্কো নিজেস্ বাদে আর্ কিচ্চু নয়; তার্ কনঅ দাম নেই।

যিশাইয় 29:5

মাত্তর্ তর্ সেই শত্রুগুন ধূল্যে ধোক্ক্যেন্ গুড়ি অবাক্, সেই চিৎনপুজ্যে দলুন্ অবাক্ উড়ি যেইয়্যে তুজো ধোক্ক্যেন্। আদিক্ক্যেন্‌গুরি, এক সময়োত্ বেগত্তুন্ খেমতাবলা লগেপ্রভু মেঘ গুজুরোনি, ভূজোল্, দাঙর্ রঅ, তুট্ট্যে বোইয়্যের্, বড়্ ঝড় আর আগুনো লেবেয়্যে জিল্লোই তারারে সাজা দিবো।

যিশাইয় 40:22

পিত্‌‌থিমীর গুল্ আগাজ উগুরে তেয়ই সিংহাসনত্ বুয়োই আঘে, পিত্‌থিমীর মানুচ্চুনে ফিরিঙো ধোক্ক্যেন্। চানান ধোক্ক্যেন গুরি তে আগাজ্‌‌চানরে বিজেই দিয়্যে, বজত্তি গুরিবার তাম্বুলো ধোক্ক্যেন্ গুরি সিয়েনি খাদেই দিয়্যে।

যিশাইয় 41:5

লগেপ্রভুর্ এ কামান দেগিনে দূর্ দেজ মানুচ্চুনে দোরেবাক্ আর পিত্‌‌‌‌থিমীর শেজ্ দুযির্ মানুচ্চুনে গির্‌গিরেবাক্। তারা উজেই এইনে এগত্তর্ অবাক্;‌‌‌

যিশাইয় 59:18

মানুচ্চুনে যিয়েনি গোজ্যন সিয়েনি তে তারারে ফিরেই দিবো; তা বিপক্ষগুনো উগুরে রাগ্ ঢালি দিবো আর শত্রুগুনোর ভান্ন্যেই কামর্ সাজা দিবো। দূর দেজ মানুচ্চুনোর যিয়েনি পাওনা সিয়েনি তে তারারে দিবো।

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

দানিয়েল 11:18

সে পরেদি উত্তর রাজা দূরোর দেজ্‌‌‌‌‌চানি ইন্দি মনযোগ দিবো আর ভালোক্কানি দেজ্ গজক্ গুরি নিবো, মাত্তর্ এক্কো সেনাপতি তার সেই জিদেনার বাড়্‌বোগান্ শেজ্ গুরি দিবো আর তার্ ঈচ্ গরানাগান তা উগুরে ফিরেই দিবো।

দানিয়েল 4:32

তরে মান্‌‌জ্য কায় কুরেত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; গোরু ধোক্ক্যেন তুই ঘাস হেবে। যেদক্ বিলোন সং তুই মানি ন ‌‌নেযেবে, দাঙর্ গোজেনে মান্‌জ্য রেজ্যগানি উগুরে কাবিদ্যঙ্‌‌গিরি গরে আর সেই বেক্ রেজ্যগানি যিবেরে আওজ্ তারে দে সেদক্ বিলোন সং সাত বজর্ যেবঅ।”

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।