যিশাইয় 39:8 - Chakma Bible

⁸ জোবত্ হিষ্কিয় কলঅ, “লগেপ্রভুর যে কধাগান্ তুই কলে সিয়েন গম্।” তে এ কধাগান কলঅ, কিত্তে তে মনে গোজ্যদে তা জিংকানিগানত্ তে সুগে শান্দিয়্যে আর গমেডালে থেই পারিবো।

যিশাইয় 39:8 ပူးပေါင်းရင်းမြစ်များ

২ শমূয়েল 15:26

মাত্তর্‌ যুনি তে কয়, ‘মুই তঅ উগুরে হুজি নয়,’ সালে তে যিয়েন গম্‌ মনে গরে সিয়েনই মঅ উগুরে গোরোক্‌।”

২ বংশধর 32:26

সেক্কে হিষ্কিয় তা মনর্‌ বাড়্‌বো গরানার্ কধানি বুঝি পারিনে নিজোরে তলে গুরিলো আর যিরূশালেম মানুচ্চুনেয়ো সেধোক্ক্যেন গুরিলাক্‌। সেনত্তে হিষ্কিয়োর সময়োত্‌ লগেপ্রভুর রাগ্‌কান তারা উগুরে লামি ন-এলঅ।

২ বংশধর 34:28

সেনত্তে মুই যাদিমাদি তরে তর্‌ পূরোণি মানুচ্চুনো ইদু নেযেম্‌ আর তুই সুগে শান্দিয়্যে গোরান্ পেবে। এ জাগায়ান উগুরে আর যিগুনে ইদু বজত্তি গত্তন্‌ তারা উগুরে মুই যেদক্কানি দজা আনিম্‌ তঅ চোখ্‌কুনে সিয়েনি ন-দেগিবাক্‌।’ ” তারা হুল্‌দার জোব্‌পান লোইনে রাজা ইদু ফিরি গেলাক্‌।

ইয়োব 1:21

“মা পেদত্তুন্‌ মুই লাংটা-বাংটা এচ্ছোং আর লাংটা-বাংটা যেম্‌। লগেপ্রভুই দিয়্যে আর লগেপ্রভুই নেযেয়্যে; লগেপ্রভুর বাঈনী ওক্‌।”

গীতসংহিতা 39:9

মুই জুরো গুরি আগং, মুয়োন ন-খুলিম, কিয়া তুয়ই এ দুঃখানি অবাত্তে দুয়োচ্।

আবিলেচ্ 3:22

লগেপ্রভুর অমকদ কোচ্‌পানাত্তে আমি ভস্ত ন-ওর্, কিত্তে তার্ মেয়্যেগান কনদিন্‌অ শেজ্ ন-অয়;

আবিলেচ্ 3:39

পাপত্তে সাজা পানার্ পরেদি মান্‌‌‌জ্যে কিত্তেই সিয়েন্দোই আবিত্তি গুরিবাক্?

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

সখরিয় 8:16

এই বেক্ উগুমানি তমাত্তুন্ মানা পুরিবো-তুমি একজন আর একজন ইধু সত্য কধা কবা আর তমা আদালদত্ ন্যায়বিচের্ গুরিবাক্ যেনে মানুচ্চুনো ইধু শান্তি অয়;

সখরিয় 8:19

চের্, পাচ্, সাত্ আর দশ মাজর্ উবোস্ থানা যিহূদাত্তে ফুত্তি গরানার্, হুজির্ আর ভালেদির পরব্ ওই উদিবো। সেনত্তে তুমি সত্য আর শান্তিগানরে কোচ্‌পেবা‌‌।

১ পিতর 5:6

সেনত্যে গোজেন খেমতার্ মুজুঙোত্ নিজোরে তলে গরঅ, যেন ঠিগ্ সময়োত্ তমারে অজল্ গরে।

১ শমূয়েল 3:18

সেক্কে শমূয়েল এলিরে বেক্‌ কধানি ভাঙি কলঅ, কিচ্ছু ন-লুগেল। সিয়েনি শুনিনে এলি কলঅ, “তেয়ই লগেপ্রভু; তাইদু যিয়েন গম্‌ লাগে তে সিয়েনই গোরোক্।”