যিশাইয় 39:6 - Chakma Bible

⁶ লগেপ্রভু কোইয়্যেদে, এবাবোত্যে দিন এবঅ যেক্কেনে তর্ রাজঘরর্ বেক্কানি আর তর্ পুরোণি মানুচ্চুনোর্ জোমেয়্যে যিয়েনি এচ্চ্যে সং আঘে বেক্কানি বাবিলোত্ নেযা অবঅ, কনকিজু পোজ্যে ন-থেবঅ।

যিশাইয় 39:6 ပူးပေါင်းရင်းမြစ်များ

২ রাজাবলী 24:13

লগেপ্রভু যেধোক্ক্যেন কোইয়্যে সেধোক্ক্যেন গুরিনে নবূখদ্‌নিৎসরে লগেপ্রভুর ঘরানত্তুন্‌ আর রাজঘরত্তুন্‌ বেক্‌ ধন-সোম্বোত্তিগানি নেযেল আর ইস্রায়েলর রাজা শলোমন লগেপ্রভুর ঘরানত্তে সোনালোই যেদক্কানি পযাপিরা বানেয়্যে সিয়েনি তে কাবিনে কট্টা কট্টা গুরিলো।

২ বংশধর 36:10

বজরর্‌ শেজত্‌ রাজা নবূখদ্‌নিৎসরে মানুচ্‌ পাদেইনে তারে আর তা লগে লগেপ্রভুর ঘরর্‌ মংগা পযাপিরানিয়ো বাবিলোত্‌ নেযেল, আর যিহোয়াখীনোর কুত্‌তো সিদিকিয়রে যিহূদা আর যিরূশালেমর রাজা বানেল।

২ বংশধর 36:18

বাবিলোর রাজাবো গোজেনর ঘরর চিগোন্‌-দাঙর্‌ বেক্‌ পযাপিরানি আর ধন-সোম্বোত্তিগানি আর রাজা আর তার্‌ কাম্‌গুরিয়্যেগুনোর্‌ ধন-সোম্বোত্তিগানি বাবিলোত্‌ নেযেল।

যিরমিয় 20:5

মুই এ শঅরর্ বেক ধন-সোম্বোত্তিগানি, অত্তাৎ তারার খেদর্ শোজ্য আর মংগা মংগা জিনিস আর যিহূদার রাজাগুনোর বেক্ ধনভান্ডালুন্ তারার শত্রুগুনো আঢত্ তুলি দিম। তারা সিগুন লুদেইনে বাবিলোত্ নেযেবাক্।

যিহিষ্কেল 23:26

তারা তর্ কাবড়-চুগোরানি খুলি ফেলেবাক্ আর তর্ দোল্ গহনানি নেযেবাক্।

দানিয়েল 1:2

প্রভু তা আঢত্ যিহূদার রাজা যিহোয়াকীমরে তুলি দিলো আর তা লগে গোজেন ঘরর্ কয়েক্কো লদায়ো তুলি দিলো। তে সেই লদাগুন বাবিলোত্ তা দেবেদাগুনো মন্দিরোত্ নেযেইনে সিদুগোর্ ধনভান্ডালত্ থোই দিলো।

দানিয়েল 1:3

পরেদি রাজা তার্ আজল্ রাজার্ কামগুরিয়্যে অসপনসরে উগুম দিলো যেনে তে ইস্রায়েলীয় রাজাপরিবার আর মানী গোর্‌বোগুনো ভিদিরেত্তুন্ কয়েক্কো গাবুজ্যেরে আনে।