যিশাইয় 38:17 - Chakma Bible

¹⁷ “ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যিশাইয় 38:17 ပူးပေါင်းရင်းမြစ်များ

ইয়োব 29:18

মুই মনে গুরিদুং মর্ নিজো মানুচ্চুনো ভিদিরে মুই মুরি যেম্, ধূল্যেচর ধোক্ক্যেন্ মঅ দিনুন্ গুণি ন-পুরেইয়্যে অবঅ;

ইয়োব 33:24

সালে তে তা উগুরে দয়্যেলু ওইনে হোক্, মরণর জাগাত লামে নেযানাত্তুন তারে বাদ দুয়ো; মুই তাত্তেই উদ্ধোর দাম পেইয়োং।

গীতসংহিতা 10:2

পাজি মানুচ্চুনে বার্‌‌বো গরানার্ কারনে দুঘি মানুচ্চুনোরে লড়ান্, মাত্তর্ নিজো কুজুরোমিয়ে তে নিজে ধরা পড়ে।

গীতসংহিতা 103:12

পোজিমেত্তুন্ ধুরি পূগেন্দি যেত্তমান্ দূরোত্, আমা বেক পাপ্পানি তে সেত্তমান্ দূরোত্ সোরেই দিয়্যে।

গীতসংহিতা 103:3

তর্ বেক পাপ্পানি তে খেমা গরে; তে তর্ বেক পিড়েগানি গম্ গুরি পারে।

গীতসংহিতা 103:4

তে মরণ জাগাত্তুন্ তঅ জিংকানিগান উদ্ধোর্ গরে; তে তরে অমকদ কোচ্‌পানালোই আর মেয়্যেলোই ঘিরি রাগায়।

গীতসংহিতা 30:3

ও লগেপ্রভু, তুই মরে মরণর জাগাত্তুন্ তুলি আন্যচ্; তুয়ই মরে বাঁজে রাগেয়োচ্ যেনে সেই গাত্তোত্ মত্তুন্ লামা ন-পড়ে।

গীতসংহিতা 40:2

তে মরে তুলি আনিলো মুরি যাইদে গাঢত্তুন্, সেই এলাফেলালোই ভোজ্যে গাঢত্তুন্। তে মরে পাত্তর উগুরে থিয়্যেবাত্তে দিলো আর দর মাঢি উগুরে আঢিবাত্তে দিলো।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 85:2

তঅ মানুচ্চুনোর অন্যেয়ানি তুই খেমা গোজ্যস্; তুই তারার বেক পাপ্পানি ঢাগি রাগেয়োচ্।

গীতসংহিতা 86:13

মঅ উগুরে তর্ অমকদ কোচ্‌পানার শেজ্ নেই; মরণর বেগত্তুন্ তলে জাগানত্তুন্ তুই মঅ পরাণান রোক্ষ্যে গোজ্যস্।

যিশাইয় 38:15

মাত্তর্ মুই কি কোম্? তে মঅ লগে কধা কোইয়্যে আর নিজে ইয়েন গোজ্যে। মঅ পরাণর এ দুঘ্‌কানত্তে মুই জিংকানির বাদবাগি বেক্ বজরুন নম্র ওইনে চুলিম।‌‍‌‌‌‌

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যোনা 2:6

মুই ডুবিনে মুড়োবো গড়াগান সং গেলুং; মরণ জাগায়ানে উমরত্তে মরে আক্‌‌‌‌সোই রাগেল। মাত্তর্ ও মর্ গোজেন লগেপ্রভু, তুই সিয়েনত্তুন্ মরে তুলি আনিলে।

যোনা 2:7

“ও লগেপ্রভু, মঅ পরাণান্ যেক্কে যাং যাং ওইয়্যে সেক্কে মুই তরে ইদোত্ তুলিলুং, আর মঅ তবনাগান তইদু, তঅ সুদ্ধো-সাংগ ঘরত্ উঠ্যেগোই।