যিশাইয় 38:13 - Chakma Bible

¹³ বেন্যে পহ্‌র ন-অনা সং মুই নিজোরে শান্ত রাগেলুং। সিংহ ধোক্ক্যেন গুরি মঅ আড়ুন তুই ভাঙি দিলে; এক দিনো ভিদিরে তুই মরে শেজ্ গুরি দিবে।‌‍‌‌‌

যিশাইয় 38:13 ပူးပေါင်းရင်းမြစ်များ

১ রাজাবলী 20:36

সেক্কে সে ভাববাদীবো কলঅ, “তুই লগেপ্রভুর কধালোই বাধ্য ন-অলে সেনত্তে মরে ছাড়ি যানার্‌ লগে লগে ইক্কো সিংহ তরে মারে ফেলেব।” মানুচ্চো যানার্‌ পরেন্দি ইক্কো সিংহ তারে দেগিনে মারে ফেলেল।

ইয়োব 7:6

মঅ দিনুন্‌ তাত্‌ বুনিয়্যের্‌ আঢত্তুন্‌ বেশ্‌ যাদিমাদি চলের্‌; কনঅ আজা নেইয়্যে গুরিনে সিগুন্‌ থুম্‌ ওই যাদন্‌।

গীতসংহিতা 32:4

কিত্যে সেক্কেনে দিনে-রেদে মঅ উগুরে তর্ আঢঅ চাপ্পান্ গুয়োর্ এলঅ; হরান্যেকালর্ গরমে যেধোক্ক্যেন্ অয় সেধোক্ক্যেন গুরি মর্ কি্য়্যের্ বলান কুমি যার্।

গীতসংহিতা 39:10

মঅ উগুরেত্তুন্ তর্ সাজাগান তুই সোরেই নেযা; তর্ আঢে মের্ খেইনে মুই পেরাই শেজ্ ওই যেইয়োং।

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

গীতসংহিতা 51:8

মরে হুজির্ রঅ আর রঙ্গ-ফুত্তির রঅ শুনিবাত্তে দে; তর্ গুড়ি গোজ্যে মর্ এই আড়ুনে ফুত্তি গোরোদোক্।

গীতসংহিতা 7:2

সিয়েন ন-অলে সিংহ ধোক্ক্যেন গুরি তারা মরে ছিনি ফেলেবাক্; তারা মরে কট্টা কট্টা গুরি ফেলেবাক্, মরে বাজেবার্ কনজন ন-থেবাক্।

গীতসংহিতা 90:5

তুই মানুচ্চুনোরে যেনে বান পানিয়ে ভাজেই নেজর্, তারা স্ববন ধোক্ক্যেন্; তারা যেনে বেন্যেমাদান ঘাস ধোক্ক্যেন্, নুয়ো গুরি বাড়ি উঠ্যে ঘাস।

আবিলেচ্ 3:4

মর্ চামানি আর য়েরাগানরে তে শুগেই ফেলেয়্যে আর আড়ুন্ ভাঙি দিয়্যে।

দানিয়েল 6:24

যে মানুচ্চুনে ইংসে গুরিনে দানিয়েলরে দুষ দুয়োন্ রাজার উগুমে তারারে আনা অলঅ আর মোগ্ আহ্ ঝি-পুয়ো সুমুত্তো তারারে সেই সিংহ গাদত্ ফেলেই দিয়্যে অলঅ। তারা সেই গাদত্ পত্তে ন-পত্তে সিংহগুনে তারারে আক্রমণ গুরিনে তারার্ আড়্‌গোড়াগুন সং নিগুজ্ গুরি দিলাক্।

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।