যিশাইয় 37:6 - Chakma Bible

⁶ সেক্কে যিশাইয় তারারে কলদে, “তমা গিরোজ্‌সোরে কবাদে, লগেপ্রভু কোইয়্যেদে, ‘তুই যিয়েনি শুন্ন্যচ্, অত্তাৎ আসিরিয়ার্ রাজার কামগুরিয়্যেগুনে মঅ বিরুদ্ধে যেদক্কানি অগমানর কধা কোইয়োন সিয়েনি ন-দোরেচ্।

যিশাইয় 37:6 ပူးပေါင်းရင်းမြစ်များ

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 37:5

রাজা হিষ্কিয়োর কামগুরিয়্যেগুনে যেক্কে যিশাইয় ইদু এলাক্,

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিশাইয় 7:4

তারে এ কধাগান কঅ, ‘উজিয়ার্ অ, থির্ থাক্ আর ন-দোরেচ্। ধূমো উঠ্যে সেই দ্বিবে তক্তার্ শেজ্ ভাগ্‌কান দেগিনে, অত্তাৎ রৎসীন, অরাম আর রমলিয় পুয়োবোর দর্‌গরেপারা রাগ্‌‌‌‌‌‌‌‌‌কান দেগিনে মন্‌মরা ন-ওচ্।‌‌‌‌‌‌

লেবীয় 26:8

বানা পাচজনে মিলিনে তুমি একশতজন শত্রুরে আর একশতজন মিলিনে দশ আজার শত্রুরে লোড়েবা, আরঅ শত্রুগুনে তমা মুজুঙোত্ মুরি যেবাক্।

মার্ক 4:40

তে শিচ্চ্যগুনোরে কলঅ, “তুমি দরর্ কিত্তে? এজঅ কি তমার্ বিশ্বেজ্ ন-অয়?”

মার্ক 5:36

সে মানুচ্চুনোর্ কধা শুনিনে যীশু যায়ীররে কলঅ, “ন-দোরেচ্, বানা বিশ্বেজ্ গর্।”

যিহোশূয় 11:6

সেক্কে লগেপ্রভু যিহোশূয়রে কলঅ‌, “তুই তারারে ন-দোরেচ্‌, কিত্যে এযেত্যে কেল্যে মুই এই সময়ো ভিদিরে ইস্রায়েলীয়গুনোর মুজুঙোত্‌ তারারে বেক্কুনোরে শেজ্‌ গুরি দিম্‌। তুই তারার্‌ ঘোড়াগুনোরে টেঙঅ রক্কুন্‌ কাবি দিবে আর রথ্‌তানি পুড়ি দিবে।”