যিশাইয় 37:37 - Chakma Bible

³⁷ সেনত্তে আসিরিয়ার্ রাজা সন্‌হেরীবে তা সৈন্যদলুন্দোই গেলঅ আর নীনবী শঅরত্ ফিরি যেইনে সিদু থাহ্ ধুরিলো।‌‍‌

যিশাইয় 37:37 ပူးပေါင်းရင်းမြစ်များ

২ রাজাবলী 19:1

রাজা হিষ্কিয় এ কধাগান শুনিনে নিজো কাবড়ানি ফাদিলো আর বস্তার্‌ সিলুম্‌ উরিনে লগেপ্রভুর ঘরত্‌ গেলঅ।

২ বংশধর 32:1

হিষ্কিয় বিশ্বেজ্ গুরিনে বেক্কানি গরানার্‌ পরেন্দি আসিরিয়ার রাজা সন্‌হেরীবে এইনে যিহূদা আক্রমণ গুরিলো। তে দেবাল-ঘিজ্যে শঅর্‌ আর আদামানি ঘিরিলো, ভাবিলোদে সিয়েনি তে নিজোত্তে জিদিই নিবো।

যিশাইয় 31:8

লগেপ্রভু কোইয়্যেদে, “মান্‌জ্যর নয় এমন্ এক্কান তলোয়ারত্ আসিরিয়া পুরিবো; সেই তলোয়ারানে তারে গিলিবো। তা মানুচ্চুনে তলোয়ার মুজুঙেত্তুন্ ধেই যেবাক্ আর তারার গাবুজ্যে পুয়োগুনোরে জোর্ গুরিনে খাদা অবঅ।

যিশাইয় 31:9

তারার্ রাজাবো দরে ধেই যেবঅ; তার সেনাপতিগুনে বাবতাগান্ দেগিনে অমকদ দোরেবাক্।” সিয়োনত্ যিবের আগুন আঘে, আর যিরূশালেমত্ আগেদে চুলো, সেই লগেপ্রভু এ কধাগান কোইয়্যে।

যিশাইয় 33:19

সেই দেমাগ-ভরা মানুচ্চুনোরে তুই আর্ ন-দেগিবে; ন-দেগিবে সেই ন-জান্যে ভাষা কোইয়্যে মানুচ্চুনোরে, যিগুনোর্ কধা অদ্ভুদ আর বুঝো ন-যায়।

যিশাইয় 37:29

তুই মঅ বিরুদ্বে রাগ্ গোজ্যস্ বিলিনে আর তঅ দেমাগর্ কধা মঅ কানত্ এচ্চ্যে বিলিনে মুই তঅ নাগ্‌কোত্ মঅ হেবাবো লাগেম্, আর যে পথ্‌তানন্দি তুই এচ্চ্যস্ সে পথ্‌‌তানন্দি ফিরি যেবাত্তে মুই তরে বাধ্য গুরিম।

যিশাইয় 37:7

শুন, মুই তা ইধু এমন্ এক্কান মনভাব জাগেই দিম্ যিয়েনত্তে তে এক্কান হবর্ শুনিনে নিজো দেজত্ ফিরি যেবঅ, আর সিয়েনত্ মুই তারে তলোয়ার্‌‌‌লোই শেজ্ গুরি দিম্।’ ”

যোনা 3:3

লগেপ্রভুর কধামজিম যোনা নীনবীত্ গেলঅ। নীনবী অলদে জদবদে দাঙর্ শঅর; তা এক কিত্তেত্তুন্ অন্য কিত্তেদি আঢিনে বেক্ জাগানত্ যাদে তিন দিন লাগিদো।

যোনা 4:11

মাত্তর্ নীনবীত্ এক লাখ্ কুড়ি আজারর্‌অ বেশ্ চিগোন গুরো আগন্ যিগুনে হবর্ ন-পান কুবোন ডেন্ আত্ আর কুবোন বাং আত্; ইগুন বাদেয়ো বোউত্ গোরু-ভেড়ায়ো আগন্। সালে মুই কি গুরিম? মুই কি সেই দাঙর্ শঅরানত্তে মেয়্যে ন-গুরিম?

মীখা 5:6

তারা যুদ্ধোর্ মাধ্যমে আসিরিয়া দেজ্‌‌‌চান অত্তাৎ, নিম্রোগুনোর দেজ্‌‌‌চান শাজন্‌ গুরিবাক। আসিরিয়গুনে আমা দেজ্‌‌‌চান আক্রমন গুরিলে আর আমা দুযিগান টেঙোই মাড়িলে তারা আঢত্তুন্ আমা শাজন্‌ গুরিয়্যেবো আমারে উদ্ধোর্ গুরিবো।

নহূম 1:1

নীনবী পৌইদ্যেনে লগেপ্রভুর কধা। ইল্‌কোশ আদামর নহূমে যে দর্শনান্ পেইয়্যে সিয়েন ইয়েনত্ লেগা আঘে।

সফনিয় 2:13

লগেপ্রভু উত্তোরেদিগুনো বিরুদ্ধে আঢ্ বাবেইনে আসিরিয়াগান ভস্ত গুরিবো আর নীনবীগানরে এক্কুবারে মানুচ্ নেইয়্যে আর ধূল্যেচর ধোক্ক্যেন শুগুনো গুরি দিবো।

মথি লেখ্যে গম্ হবর্ 12:41

বিচের দিনোত্ নীনবী শঅর মানুচ্চুনে উদিনে এ কালর্ মানুচ্চুনোরে দুষ্ দেগেই দিবাক্, কিয়া নীনবীর মানুচ্চুনে যোনার প্রচারর্ কারনে পাপত্তুন্ মনানি ফিরেয়োন্। আর চঅ, ইয়েনত্ যোনাত্তুন্অ আরঅ দাঙর্ এক্কো আঘে।