যিশাইয় 37:36 - Chakma Bible

³⁶ সে পরেদি লগেপ্রভুর দূত্‌তো নিগিলিনে আসিরিয়গুনোর্ তাম্বুলোর্ এক লাখ্ পাচাশি আজার্ মান্‌‌‌জ্যরে মারে ফেলেল। তার্ কেল্যে বেন্যে অক্তত্ মানুচ্চুনে যেক্কে উদিলাক্ সেক্কে দেগা গেলদে বেক জাগানিত্ বানা মরা মানুচ্।‌‍‌

যিশাইয় 37:36 ပူးပေါင်းရင်းမြစ်များ

২ শমূয়েল 24:16

যিরূশালেমান ভস্ত গুরিবাত্তে স্বর্গদূত্তো যেক্কে আঢ্‌তান্‌ বাড়েল সেক্কে লগেপ্রভু সে জদবদে সাজা দেনাত্তুন মনান্‌ ফিরেল। যে স্বর্গদূত্তো মানুচ্চুনোরে ভস্ত গোজ্যে তে তারে কলদে, “থোক্‌, যদেষ্ট ওইয়্যে। তঅ আঢ্‌তান্‌ বুদি নেযা।” সে অক্তত্‌ লগেপ্রভুর দূত্তো যিবূষীর অরৌণার খামার ইদু এলঅ।

২ রাজাবলী 19:35

সে রেদোত্‌ লগেপ্রভু দূত্তো নিগিলিনে আসিরিয়গুনো তাম্বুলোর্‌ এক লাখ্‌ পাজাশি আজার্‌ মান্‌জ্যরে মারে ফেলেল। তার্‌কেল্যে বেন্যে মানুচ্চুনে যেক্কে ঘুমোত্তুন উদিলাক্‌ সেক্কে দেগা গেলদে বেক্‌ জাগানিত্‌ বানা মরামানুচ্।

১ বংশধর 21:12

তিন বজর্‌ ধুরিনে ভাদঅ রাত্‌, বা তঅ শত্রুগুনো ইদু উদি যেইনে তারা মুজুঙোত্তুন্‌ তিন মাস সং ধেই ধেই বেড়ানা, বা তিন দিন সং লগেপ্রভুর তলোয়ারান, অত্তাৎ দেজ ভিদিরে ভানা পিড়ে। সে তিন দিন লগেপ্রভুর দূত্‌তো ইস্রায়েলর বেক্‌ জাগানিত্‌ ভস্তর্ কাম্‌ গুরি বেড়েব। ইক্কিনে তুই কঅ, যিবে মরে পাদেয়্যে তারে মুই কি জোব্‌ দিম্‌?”

১ বংশধর 21:16

এ ভিদিরে দায়ূদে উগুরেত্তুন্‌ রিনি চেইনে দেগিলোদে, লগেপ্রভুর দূত্‌তো আগাজ ইদু থিয়্যেই এলঅ আর তা আদত্‌ রোইয়্যে যিরূশালেম উগুরে মেল্যে গুরি-ধোজ্যে খুলো তলোয়ারান্‌। ইয়েন্‌ দেগিনে দায়ূদ আর বুড়ো নেতাগুনে বস্তা সিলুম্‌ উজ্যে অবস্থায় মাদি উগুরে আদু পাড়িনে পড়িলাক্‌।

ইয়োব 24:24

কিজু সময়োত্তে তারার ভালেদি অয়, সে পরেদি তারা আর ন-থান। তারারে তলে ফেলা অয়, ঘাস ধোক্ক্যেন তারা শুগেই যান, আর ধান শীজে ধোক্ক্যেন তারা শুগেই যান।

ইয়োব 34:20

তারা অদাদত্ মুরি যান, মুরি যান রেদসম্বাগত্; তারারে লাড়েলে তারা ভস্ত অন্; কনজনে কিজু ন-গুরিলেয়ো বোলীগুনে মুরি যান।

যাত্রা 12:23

মিসরীয়গুনোরে আঘাত্‌ গুরিবার লক্কে লগেপ্রভু যেক্কে মিসর দেজ ভিদিরেদি যেবঅ সেক্কে তমা দোরান তক্তানিত্‌ লো দেগিনে তে তমা দোরান বাদ্‌ দিইনে উজেই যেবঅ। যিবে এ ভস্তর্‌ কামান্‌ গুরিবো তারে তে তমা ঘরত্‌ সোমেইনে তমারে আঘাত গুরিবাত্তে ন-দিবো।

যাত্রা 12:30

সেই রেদোত্‌ ফরৌণে আর তার্‌ বেক্‌ কাম্‌গুরিয়েগুন্‌ আর মিসরর্‌ পত্তি মানুচ্চুন ঘুমোত্তুন্‌ জাগি উদিলাক্; আর পুরো মিসর্‌ দেজত্‌ এক্কো কানানির কিজেক্‌ পড়ি গেলঅ, কিত্তে এমন্‌ এক্কান্অ ঘর বাদ ন-যায় যিয়েনত্‌ কনজন্‌ মুরি ন-যান্‌।

যিশাইয় 10:12

প্রভু সিয়োন মুড়ো আর যিরূশালেম বিরুদ্ধে তার্ বেক কামানি থুম্ গুরিনে কবদে, “আসিরিয়া রাজার অহংকারী মনর্ কামানি আর তার বাড়্‌‌বো চোগ্‌‌কুনোত্তে মুই তারে সাজা দিম্,

যিশাইয় 10:25

তমা উগুরে মঅ রাগ্‌কান খুব যাদিমাদি থুম্ অবঅ, আর সিয়েনে আসিরিয়গুনোরে ভস্ত গুরিবো।”

যিশাইয় 10:26

বেগত্তুন্ খেমতাবলা লগেপ্রভু ওয়েব মুড়োবোত্ মিদিয়নরে আঘাত্ গুরিবার সময়োত্ যেবাবোত্যে গোজ্যে সেবাবোত্যে গুরি তে চাবুক্কোই আসিরিয়গুনোরে মারিবো। মিসরত্ যেবাবোত্যে গোজ্যে সেবাবোত্যে গুরি তে পানি উগুরে তা লুদিক্কো তুলিবো।

যিশাইয় 27:7

ইস্রায়েলর্ আঘাত গুরিয়্যেগুনোরে যেধোক্ক্যেন্ গুরি লগেপ্রভু আঘাত গোজ্যে সেধোক্ক্যেন্ গুরি তে ইস্রায়েলরে আঘাত ন-গরে; যিগুনে তারে মারে ফেল্যন্ তারা ধোক্ক্যেন্ গুরি তে তারে মারে ন-ফেলায়।

যিশাইয় 29:5

মাত্তর্ তর্ সেই শত্রুগুন ধূল্যে ধোক্ক্যেন্ গুড়ি অবাক্, সেই চিৎনপুজ্যে দলুন্ অবাক্ উড়ি যেইয়্যে তুজো ধোক্ক্যেন্। আদিক্ক্যেন্‌গুরি, এক সময়োত্ বেগত্তুন্ খেমতাবলা লগেপ্রভু মেঘ গুজুরোনি, ভূজোল্, দাঙর্ রঅ, তুট্ট্যে বোইয়্যের্, বড়্ ঝড় আর আগুনো লেবেয়্যে জিল্লোই তারারে সাজা দিবো।

যিশাইয় 31:8

লগেপ্রভু কোইয়্যেদে, “মান্‌জ্যর নয় এমন্ এক্কান তলোয়ারত্ আসিরিয়া পুরিবো; সেই তলোয়ারানে তারে গিলিবো। তা মানুচ্চুনে তলোয়ার মুজুঙেত্তুন্ ধেই যেবাক্ আর তারার গাবুজ্যে পুয়োগুনোরে জোর্ গুরিনে খাদা অবঅ।

দানিয়েল 3:28

সেক্কে নবূখদ্‌নিৎসরে কলঅ, “শদ্রক, মৈশক আর অবেদ্‌-নগোর গোজেনর বাঈনী ওক্, যিবে তা স্বর্গদূত্বোরে পাধেইনে তা চাগরুনোরে উদ্ধোর্ গুরিলো। ইগুনে তা উগুরে বিশ্বেজ্ গুরিনে রাজার উগুমান ন-পালান্ আর তারার্ নিজো গোজেন বাদে অন্য কনঅ দেবেদারে সেবা আর পূজো গরানার বদলে মুরিবাত্তেয়ো রাজি এলাক্।

মীখা 5:6

তারা যুদ্ধোর্ মাধ্যমে আসিরিয়া দেজ্‌‌‌চান অত্তাৎ, নিম্রোগুনোর দেজ্‌‌‌চান শাজন্‌ গুরিবাক। আসিরিয়গুনে আমা দেজ্‌‌‌চান আক্রমন গুরিলে আর আমা দুযিগান টেঙোই মাড়িলে তারা আঢত্তুন্ আমা শাজন্‌ গুরিয়্যেবো আমারে উদ্ধোর্ গুরিবো।

নহূম 1:12

লগেপ্রভু কত্তে, “ও যিহূদা, যুনিয়ো আসিরিয়গুনে বলেদি ঠিগ্ আগন্ আর জনেদি বেশ্ তো তারারে মারে ফেলা অবঅ। মুই তরে দুঘ্ দৈং ঠিগ, মাত্তর্ আর্ দুঘ্ ন-দিম।

নহূম 3:3

ঘোড়া বাহিনীগুনে আক্রমন গত্তন্, লাম্বা ছুরিগানি ঝিমিলের্, সেলুন্ ঝিক্ ঝিক্ গরের্। চঅ, বোউত্ আহত মানুচ্ আর মরা কিয়্যের্ কুড়্, গুণি ন-ফুরেইয়্যে মরাকিয়্যে, মান্‌জ্যে মরা কিয়্যে উগুরে উজোত্ খাদন্।

প্রেরিত্‌ 12:23

হেরোদে গোজেনর বাঈনী ন-গরে বিলি সেক্কে প্রভুর্ এক্কো দূত্ তারে আঘাত্ গুরিলো, আর চিরোর্ জালায় তে মুরি গেলঅ।