যিশাইয় 37:32 - Chakma Bible

³² বাঁজি থেইয়্যে মানুচ্চুনে যিরূশালেমত্তুন্ এবাক্ আর সিয়োন মুড়োবোত্তুন্ এবাক্ রোক্ষ্যে পেইয়্যে একদল মানুচ্। বেগত্তুন্ খেমতাবলা লগেপ্রভুর আওজ্‌‌‌চানে ইয়েনি গুরিবো।‌

যিশাইয় 37:32 ပူးပေါင်းရင်းမြစ်များ

২ রাজাবলী 19:31

বাঁজি থেইয়্যে মানুচ্চুনে যিরূশালেমত্তুন্‌ এবাক্‌, আর সিয়োন্‌ মুড়োবোত্তুন্‌ এবাক্‌ রোক্ষ্যে পেইয়্যে এক দল্‌ মানুচ্‌। লগেপ্রভুর আওজে ইয়েনি অবঅ।

যিশাইয় 10:20

সেদিন্যে ইস্রায়েলর বাঁজি থেইয়্যে মানুচ্চুন্, অত্তাৎ যাকোব বংশর বাদ-বাগি মানুচ্চুন্ তারারে আঘাত্ গুরিয়্যেগুনো উগুরে আর্ বিশ্বেজ্ ন-গুরিবাক্, মাত্তর্ লগেপ্রভু উগুরে, ইস্রায়েলর সেই পবিত্র মানুচ্চো উগুরে ঘেচ্চেক্‌গুরি বিশ্বেজ্ গুরিবাক্।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 37:20

ইক্কিনে ও আমার গোজেন লগেপ্রভু, আসিরিয়ার রাজা আঢত্তুন্ তুই আমারে রোক্ষ্যে গর্, যেনে পিত্‌থিমীর বেক্ রেজ্যগানিয়ে জানি পারে, তুই, বানা তুয়ই লগেপ্রভু।”

যিশাইয় 37:4

আসিরিয়ার্ রাজা জেদা গোজেনরে ঠাট্টা-মশ্‌‌‌কারি গুরিবাত্তে রব্‌শাকিরে পাদেয়্যে, মাত্তর্ তর্ গোজেন লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্ তারাত্তে তুই তবনা গর্।”

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 42:13

এক্কো খেমতাবলা মান্‌জ্য ধোক্ক্যেন গুরি লগেপ্রভু নিগিলি এবঅ, তে যোদ্ধা ধোক্ক্যেন তা আওজ্‌‌ছানরে বাড়েই দিবো; তে রঅ ছাড়িনে যুদ্ধোর্ ডাগ্ দিবো আর শত্রুগুনো উগুরে জিদিবো।

যিশাইয় 59:17

তে বুগ্‌‌কো রোক্ষ্যে গুরিবাত্তে ন্যায্যতাগান গুরিলো আর মাঢাবো রোক্ষ্যে গুরিবাত্তে উদ্ধোরান মাঢাত্ দিলো। তে হেনা সুজিবার কাবড়ানি উরিলো আর চাদর ধোক্ক্যেন গুরি আওজ্‌‌চান কিয়্যেত্ উরিলো।

যিশাইয় 63:15

ও লগেপ্রভু, স্বর্গত্তুন, তর্ পবিত্র আর বাঈনী গুরিবার জাগানত্তুন্ তুই রিনি চাহ্। তর্ আওজ্‌চান আর তর্ খেমতাবলা কামানি কুদু? তর্ নরমভাব আর মেয়্যেগানি আমাত্তুন্ তুই সোরেই রাগেয়োচ্।‌

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যোয়েল 2:18

সেক্কে লগেপ্রভু তা দেজ্‌‌‌চানত্তে আওজি অবঅ আর তা মানুচ্চুনো উগুরে মেয়্যে গুরিবো।

সখরিয় 1:14

সেনত্তে সেই স্বর্গদূত্‌‌‌‌তো মরে কলঅ, “তুই এই কধাগান ফগদাং গর্ যে, বেগত্তুন খেমতাবলা লগেপ্রভু কোইয়্যেদে, ‘যিরূশালেমত্তে, অত্তাৎ সিয়োনত্তে মর্ মনত্ অমকদ জ্বলের্।