যিশাইয় 37:22 - Chakma Bible

²² ইয়েনত্তে তা বিরুদ্ধে লগেপ্রভু এ কধাগান কোইয়্যে, গাবুজ্যে মিলে সিয়োনে তরে ঈচ্ গুরিবো আর ঠাট্টা-মশ্‌‌কারী গুরিবো। যিরূশালেমর মানুচ্চুনে তঅ পিজেন্দিত্তুন্ মাঢাবো লাড়েবাক্।

যিশাইয় 37:22 ပူးပေါင်းရင်းမြစ်များ

২ রাজাবলী 19:21

তা বিরুদ্ধে লগেপ্রভু কোইয়্যেদে, গাবুজ্যে মিলে সিয়োনে তরে ঈচ্ গুরিবো আর ঠাট্টা-তামাজা গুরিবো। যিরূশালেম মানুচ্চুনে তঅ পিজেন্দিত্তুন্‌ মাধাবো লাড়েবাক্‌।

ইয়োব 16:4

তমা অবস্থাগান যুনি মঅ ধোক্ক্যেন্ অদঅ সালে মুইয়ো তমা ধোক্ক্যেন্ কধা কোই পাত্তুং, তমা বিরুদ্ধে বোউত্‌ কধা কোই পাত্তুং আর তমারে দেগিনে মাধাবোয়ো লারে পাত্তুং।

গীতসংহিতা 31:18

বার্‌বো আর ঘিনাইদে মনভাবপোই যিগুনে গোজেন ভক্তগুনো বিরুদ্ধে অসর্মানর কধা কন্, তারার্ মিজেকধালোই ভরা মুয়োনি নাঢা যোক্।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

যিশাইয় 1:8

সিয়োন-ঝিবোরে এমন গুরিনে ফেলেই রাগা ওইয়্যে যেনে তে আংগুর খেদর্ চুগিদার-ঘর, যেন খিরে খেদর্ বাজেই-ঘর, যেন শত্রুলোই ঘিজ্যে এক্কান্ শঅর।

যিশাইয় 10:32

এচ্চ্যে আসিরিয়গুনে নোবত্ যেইনে থামেবাক্; তারা সিয়োন-ঝিবোর মুড়োবো ইদু, অত্তাৎ যিরূশালেম মুড়োবো ইন্দি ঘুষি বাগাদন্।

যিশাইয় 23:12

তে কোইয়্যেদে, “ও সীদোনর মানুচ্চুন্, তমার্ ফুত্তিগানি থুম্ ওইয়্যে, কিত্তে তুমি দঅ অত্যেচারিত ওইয়ো। উদো, পার্ ওইনে সাইপ্রাস দ্বিবোত্ যঅ; সিদুয়ো তুমি জিরেন্ ন-পেবা।”

যিশাইয় 47:1

লগেপ্রভু কত্তে, “ও গাবুজ্যে মিলে বাবিল, তুই তলেদি লামিনে ধূল্যেত্ বস্; ও বাবিল, তুই সিংহাসনান্ ছাড়িনে মাদিত্ বস্। তরে আর নরম আহ্ সুগী বিলিনে কুয়ো ন-যেবঅ।

যিশাইয় 62:11

লগেপ্রভু পিত্‌থিমীর শেজ্ দুযি সং ফগদাং গোজ্যে, “সিয়োন-মিলেবোরে কঅ, ‘চাহ্, তঅ উদ্ধোর্ গুরিয়্যেবো এজের্। চাহ্, তে যে বক্‌‌শিজ্‌‌চান পেইয়্যে সিয়েন তা সমারে আঘে; তার পাওনাগান তা ইদু আঘে।’ ”

যিরমিয় 14:17

“তুই মানুচ্চুনো ইধু এ কধাগান কঅ, ‘মঅ চোগো পানি ন-থামেইনে দিন-রেদ মঅ চোগ্‌‍‍‍‍কুনোত্তুন উগুরি পোড়োক্, কিত্তে মঅ জাদর্ মানুচ্চুনে অমকদ আঘাত্, চুরমার-গোজ্যে আঘাত্ পেইয়োন।‍

যিরমিয় 18:16

সেনত্তে তারা দেজ্‌চান পুরি থেইয়্যে ভূই আর এক্কান জনমর্ ঈচ্ গরেদে জিনিস ওইনে থেবঅ; যিগুনে সে কুরেদি যেবাক্ তারা আমক্ ওইনে মাঢাবো লারেবাক্।‌‌‍‍

আবিলেচ্ 1:15

লগেপ্রভু মঅ ভিদিরে বেক যোদ্ধাগুনোরে বাদ্ দিয়্যে; মর্ গাবুজ্যেগুনোরে ভস্ত গুরিবাত্তে মঅ বিরুদ্ধে এক্কান সময় ঠিগ্ গোজ্যে। আংগুর মাড়েদে গাদত্ গাবুজ্যে মিলে যিহূদারে তে টেঙোই মাজ্যে।

আবিলেচ্ 2:13

ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্‌‌তান সাগর ধোক্ক্যেন দাঙর্; কন্না তরে গম্ গুরি পারে?

আবিলেচ্ 2:15

যিগুনে তঅ কায়-কুরেদি যান তারা তরে দেগিনে আঢ্‌তালি দুয়োন; তারা যিরূশালেম-ঝিবোরে দেগিনে ঠাট্টা-মশ্‌কারি গরন্ আর মাঢাগুন লাড়েইনে কন্, “ইয়েন কি সেই শঅর্ যিয়েনরে কুয়ো অদঅ বেগত্তুন্ দোল্‌বি, যিয়েনরে নিইনে গোদা পিত্‌‌থিমীগানে ফুত্তি গুরিদো?”

আমোষ 5:2

“গাবুরী ইস্রায়েলে পড়ি যেইয়্যে, তে আর কনদিন্‌অ ন-উদিবো; তারে তা নিজো মাদিত্ ফেলেই রাগা ওইয়্যে, তারে তুলিবার কনজন নেই।”

সফনিয় 3:14

ও সিয়োন-ঝিবো, গান গাহ্; ও ইস্রায়েল, জয় ধুনি দুয়ো; ও যিরূশালেম-ঝিবো, তুই হুজি অ আর তর্ বেক মনান্ দিইনে ফুত্তি গর্।

সখরিয় 2:10

লগেপ্রভু কত্তে, “ও সিয়োন-ঝিবো, ফুত্তি গুরিনে গান গাহ্ আর হুজি অ, কিত্যে মুই এজঙর্, আর মুই তমাইদু বজত্তি গুরিম।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

মথি লেখ্যে গম্ হবর্ 21:5

“তুমি সিয়োন ঝিবোরে কঅ, তঅ রাজাবো তইধু এজের্। তে চিদে। তে গাধা উগুরে, গাধী ছঅ উগুরে চড়িনে এজের্।”

মথি লেখ্যে গম্ হবর্ 27:39

যিদুক্কুন্ মানুচ্ সেই পথ্‌তানদি যাদন্ তারা মাঢাগুন্ লাড়েইনে যীশুরে অগমান্ গুরিলাক্,

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”