যিশাইয় 37:20 - Chakma Bible

²⁰ ইক্কিনে ও আমার গোজেন লগেপ্রভু, আসিরিয়ার রাজা আঢত্তুন্ তুই আমারে রোক্ষ্যে গর্, যেনে পিত্‌থিমীর বেক্ রেজ্যগানিয়ে জানি পারে, তুই, বানা তুয়ই লগেপ্রভু।”

যিশাইয় 37:20 ပူးပေါင်းရင်းမြစ်များ

১ রাজাবলী 8:43

সেক্কে তর্‌ থেবারঘর স্বর্গত্তুন্‌ তুই সিয়েনি শুনিচ্‌। তে যিয়েনি চায় তাত্তে সিয়েনি গুরিচ্‌ যেনে পিত্তিমীর বেক্‌ মানুচ্চুনে তরে হবর্ পান্‌ আর তঅ নিজোর মানুচ্‌ ইস্রায়েলীয়গুনো ধোক্ক্যেন তারায়ো তরে ভোক্তিগুরি দরান্‌ আর হবর্‌ পান, মর্‌ বানেয়্যে এ ঘরান্‌ তঅ ঘর্‌।

১ রাজাবলী 8:59

মুই যেদক্কানি কধা কোইনে লগেপ্রভু ইদু তবনা গোজ্যং সিয়েনি দিন্‌-রেত্‌ আমা গোজেন লগেপ্রভুর মনত্‌ থোক্‌ যেনে তে তার্‌ চাগর্‌বোরে আর তা মানুচ্‌ ইস্রায়েলীয়গুনোরে পত্তিদিনোর দরকার মজিম বেবস্থা গরে।

১ রাজাবলী 8:60

ইয়েন্দোই পিত্তিমীর্‌ বেক্‌ জাদ্‌তুনে হবর্‌ পেবাক, লগেপ্রভু গোজেন আর তে বাদে আর্‌ কনজন গোজেন নেই।

গীতসংহিতা 46:10

লগেপ্রভু কয়দে, “তুমি থাম; তুমি এ কধাগান জানি লঅ, মুয়ই গোজেন; বেক্ জাদ্‌তুনে মরে বাঈনী গুরিবাক্, বাঈনী দান গুরিবো পিত্‌থিমীগানে।”

গীতসংহিতা 59:13

তুই রাগে তারারে ভস্ত গর্, ভস্ত গর্ যেনে তারা আর্ ন-থান; ইয়েন্দোই পিত্‌থিমীর শেজ্ দুযি সং বেক্কুনে হবর্ পেবাক্, গোজেনে যাকোবর বংশবো উগুরে রাজাগিরি গুরিবো।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 33:22

লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 37:16

“ও দ্বিস্বর্গদূদোর সংমোধ্যে থেইয়্যে বেগত্তুন্ খেমতাবলা লগেপ্রভু, ইস্রায়েলর গোজেন, তুই, বানা তুয়ই পিত্‌থিমীর বেক্ রেজ্যগানির গোজেন। তুই আগাজ্‌‌‌‌‌চান আর পিত্‌‌‌‌থিমীগানরে বানেয়োচ্।‌‌

যিশাইয় 42:8

“মুই লগেপ্রভু, ইয়েনই মঅ নাঙান্। মুই অন্যজনরে মর্ বাঈনী বা মূত্তিরে মর্ পাওনা নাঙ্ গিনেনাগান্ পেবাত্তে ন-দিম।

যিশাইয় 45:5

মুয়ই লগেপ্রভু, অন্য আর কনজন নেই; মুই বাদে অন্য গোজেন নেই। তুই মরে ন-চিনিলেয়ো মুই তরে বল্ দুয়োং,

যিহিষ্কেল 36:23

যে নাঙান্ জাদ ভিদিরে অসর্মান গরা ওইয়্যে মর্ সেই মহৎ নাঙানর্ পবিত্রতাগান মুই দেগেম; তুমি তারা ভিদিরে সেই নাঙান্ অপবিত্র গোজ্য। যেক্কে মুই তারা চোগো মুজুঙোত্ তমা ভিদিরেদি নিজোর্ পবিত্রতাগান দেগেম্ সেক্কে জাদ্‌‌‌‌‌‌‌‌‌‌‌তুনে হবর্ পেবাক্ যে, মুয়ই লগেপ্রভু।

যিহিষ্কেল 39:21

“মুই জাদ ভিদিরে মর্ মহিমাগান ফগদাং গুরিম আর মর্ খেমতাবলা আঢ্‌‌‌‌‌‌তানিলোই তারারে যে সাজাগান দিম্ সিয়েন বেক্ জাদ্‌‌‌‌‌‌তুনে দেগিবাক্।

যোয়েল 2:17

যিগুনে লগেপ্রভুর মুজুঙোত্ সেবা-কাম গরন্ সেই ধর্মগুরুগুনে উবোসনা-ঘরর্ বারান্দা আর পুজোবোর্ সংমোধ্যে কানোদোক্। তারা কোদোক্, “ও লগেপ্রভু, তঅ মানুচ্চুনো উগুরে তুই দোয়্যে গর্। তঅ সোম্বোত্তিগানরে ঈচ্ গরেপারা ন-গুরিচ্, জাদ ভিদিরে তারার্ নাঙানি ঈচ্ গরেপারা কধা অবাত্তে ন-দিচ্। অন্য জাদ মানুচ্চুনে কিত্তে কবাক্, ‘তারার্ গোজেনে কুদু?’ ”

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।