যিশাইয় 37:18 - Chakma Bible

^18-19 ও লগেপ্রভু, এ কধাগান সত্য যে, আসিরিয়ার রাজাগুনে তারার্ নিজো দেজ্‌চান ভস্ত গোজ্যন আর সেই জাদ্‌‌‌তুনোরে ভস্ত গুরিনে তারার্ দেবেদাগুনোরে তারা আগুনোত্ ফেলেইনে বর্‌‌বাত গুরি দুয়োন্। সিগুন দঅ গোজেন নয়, মান্‌‌‌জ্যর আঢে বানেয়্যে বানা গাজ্ আর পাত্তর; সেনত্তে তারা তারারে ভস্ত গুরি পাজ্যন্।

যিশাইয় 37:18 ပူးပေါင်းရင်းမြစ်များ

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ রাজাবলী 16:9

আসিরিয়ার রাজা রাজী ওইনে দামেস্কগান্ আক্রমণ গুরিনে সিয়েন্‌ গজক গুরি নেযেল। তে সিদুগোর্‌ মানুচ্চুনোরে বন্দী গুরিনে কীরোত্‌ নেযেল আর রৎসীনরে মারে ফেলেল।

২ রাজাবলী 17:24

আসিরিয়ার রাজা ইস্রায়েলর মানুচ্চুনোর জাগায়ানি পূরেই দিবাত্তে বাবিল, কূথা, অব্বা, হমাৎ আর সফর্বয়িমত্তুন্‌ মানুচ্‌ আনিনে শমরিয়ার শঅর্‌ আর আদামানিত্‌ বোজেই দিলাক্। তারা সেই বেক্‌ জাগায়ানিত্‌ বজত্তি গরা ধুরিলাক।

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

১ বংশধর 5:26

সেক্কে ইস্রায়েল গোজেন আসিরিয়ার রাজা পূলর, অত্তাৎ তিগ্লৎ-পিলেষর মনত্ রাগ উদিলো। তে রূবেণীয়, গাদীয় আর মনঃশি-গুট্টির অদ্দেক্‌ মান্‌জ্যরে বন্দী গুরিনে হেলহ, হাবোর আর হারা চাগালাত্‌ আর গোষণ গাঙর্‌ পারত্‌ নেযেল; এজঅ সং তারা সিদু আগন্‌।

যিশাইয় 49:17

তঅ পুয়োগুনে ফিরি এবাত্তে তাড়াহুড়ো গত্তন্, আর যিগুনে তরে ভস্ত গুরিনে ফেলেই রাগেয়োন তারা তঅ মুজুঙেত্তুন্ যেবাক্কোই।