যিশাইয় 36:8 - Chakma Bible

⁸ “তুমি মর্ ওইনে তমা রাজাবোরে আরঅ কঅ, ‘তুই যুনি পারস্ সালে মর্ গিরোজ্ আসিরিয়ার রাজা সমারে এ বাঁজি ধর্, মুই তরে দ্বি আজার ঘোড়া দিম্ যুনি তুই সিগুনোত্ চড়িবাত্তে মানুচ্ দি পারস্।

যিশাইয় 36:8 ပူးပေါင်းရင်းမြစ်များ

১ রাজাবলী 20:10

বিন্‌হদদে সেক্কে আহাব ইদু এ হবরান্‌ পাদেল, “মর্‌ বেক্‌ মানুচ্চুনোরে এক মুঠ্‌ গুরিনে দিবার্‌ ধোক্ক্যেন্ ধূল্যেয়ো যুনি শমরিয়াত্‌ থায় সালে দেবেদাগুনে যেনে মরে সাজা দুয়োন্‌ আর সিয়েন্‌ অমকদ গুরিনে দুয়োন্‌।”

১ রাজাবলী 20:18

তে কলঅ, “তারা আত্‌ মিলেবাত্তে এলে তারারে জেদা ধরা অবঅ, আরঅ যুদ্ধোত্তে এলেয়ো তারারে জেদা ধরা অবঅ।”

২ রাজাবলী 14:14

লগেপ্রভুর ঘরত্‌ আর রাজঘরর্‌ ধনভান্ডালত্‌ যেদক্কানি সোনা, রূবো আর অন্য পযাপিরা এলঅ তে সিয়েনি বেক্কানি নেযেল। ইয়েনিবাদে তে বন্ধক্‌ ইজেবে কয়েক্কো মান্‌জ্যরে লোইনে শমরিয়াত্‌ ফিরি গেলঅ।

২ রাজাবলী 18:13

রাজা হিষ্কিয়োর রাজাগিরির চৌদ্দো বজরত্‌ আসিরিয়ার রাজা সন্‌হেরীব যিহূদার বেক্‌ দেবাল-ঘিজ্যে শঅরানি আক্রমণ গুরিনে সিয়েনি গজক গুরি নেযেল।

২ রাজাবলী 18:23

“তুমি মর্‌ ওইনে তমা রাজাবোরে আরঅ কঅ, ‘তুই যুনি পারচ্‌ সালে মঅ গিরোজ্‌ আসিরিয়া রাজার লগে এ চুক্তিবো গর্‌, মুই তরে দ্বি’আজার ঘোড়া দিম্‌ যুনি তুই সেক্কে চোরেবাত্তে মানুচ্‌ দি পারচ্‌।

যিশাইয় 36:2

সে পরেদি আসিরিয়ার রাজা রব্‌শাকিরে দাঙর্ একদল সৈন্যলোই লাখীশত্তুন্ যিরূশালেমত্ রাজা হিষ্কিয়র্ ইদু পাদেল। রব্‌শাকি যেইনে কাবড়্ ধোয়্যেবোর মাদর্ পধ পারত্ অজল্ পুয়োর্‌বো লগে বাস্যে পানি গাদ্‌‌তো ইদু থামেল।

যিশাইয় 36:7

মাত্তর্ তুমি যুনি মরে কঅ, তুমি তমার গোজেন লগেপ্রভু উগুরে বিশ্বেজ্ গোজ্য, সালে তে কি সেই গোজেন নয় যিবের পূজোর অজল্ জাগায়ান আর ডালিপূজোগুন্ হিষ্কিয় ভস্ত গোজ্যে আর যিহূদা আর যিরূশালেম মানুচ্চুনোরে কোইয়্যেদে যিরূশালেমর্ এ পূজোবোর মুজুঙোত্ তারারে উবোসনা গরা পুরিবো?

যিশাইয় 36:9

যুনি সিয়েন ন-পারস্ সালে মঅ গিরোজ্‌সো কামগুরিয়্যেগুনো ভিদিরে বেগত্তুন্ যে চিগোন তারে বা তুই কেধোক্ক্যেন গুরি মানা গুরিবে, যুনিয়ো তুই মিসরর্ রথ আর ঘোড়া চালেয়্যেগুনো উগুরে বিশ্বেজ্ গরর্?‍‍