যিশাইয় 35:7 - Chakma Bible

⁷ শুগুনো ভূইয়ানি পুয়োর্ অবঅ, আর তিরেস্ পেইয়্যে মাদিগানিত্ পানির পয়নালা উদিবো; যিয়েনত্ শিয়েলুনে পড়ি থেদাক্ সে জাগানত্ জোর্মেবদে নল-খাগড়ার ঝার্।

যিশাইয় 35:7 ပူးပေါင်းရင်းမြစ်များ

গীতসংহিতা 107:35

তে ধূল্যেচর-চাগালাগানরে পুয়োর্ বানায় আর শুগুনো জাগানরে গরে পয়নালা।

যিশাইয় 13:22

সিদুগোর্ ঘরানি ভিদিরে শিয়েল ডুগুরিবাক্ আর শিয়েলুনে দোল্ দোল্ ঘরানি ভিদিরে থেবাক্। বাবিলোর সময় এচ্চ্যে, তার দিনুন্ আর বাড়েই দিয়্যে ন-অবঅ।”

যিশাইয় 19:6

নালাগুনোত্ পজাবাজ্ অবঅ; মিসরর গাঙানি চিগোন ওইনে শুগেই যেবঅ; নল আর খাগড়াগানি শুগেই যেবঅ;

যিশাইয় 29:17

কয়েক্ দিনো ভিদিরে দঅ লেবাননর্ ঝার্ এক্কান বোল্‌বোল্যে ওই উদিবো আর বোল্‌‌‌‌‌‌বোল্যে ভূইয়ান ঝার ধোক্ক্যেন মনে গুরিবা।‌‌‌‌‌

যিশাইয় 30:25

সেই দযার্ দিনোত্ যেক্কে ভালোক্ জনরে মারে ফেলা অবঅ আর ঘরানি ভাঙি পড়িবো সেক্কে বেক্ মুড়ো-মুড়িগুনো উগুরেদি বেইনে পানি গঙারান্ বেঈ যেবঅ।

যিশাইয় 34:13

কাদাগাজে সিয়েনর্ দাঙর্ দাঙর্ ঘরানি নাঢা যেবঅ, আর তাম্বুলানি নাঢা যেবঅ বিছুটি আর কাদাঝুব্‌পোই। সে দেজ্‌‌চান অবঅ শিয়েল আর উটপেখ্‌কুনোর থেবারজাগা।

যিশাইয় 41:18

মুই গাজ্-বাজ্ নেইয়্যে মুড়োগুনো উগুরে গাঙ্ ওইনে বেঈ যেম্ আর কলগর্ নানান জাগাত্ তান্জাং গুরি দিম। মুই ধূল্যেচরত্ পুয়োর্ বানেই দিম, আর শুগুনো মাদিত্ পয়নালা খুলি দিম।

যিশাইয় 43:20

ঝার্‌বো য়েমান, শিয়েল আর উটপেখ্‌কুনে মরে বাঈনী গুরিবাক্, কিত্তে মঅ মানুচ্চুনোরে, মর্ বেঈ লোইয়্যে মানুচ্চুনোর হেবাত্তে মুই ধূল্যেচর চাগালার্ পানি যোগেই দিম আর ধূল্যেচরত্ গাঙ্ বোজেই দিম।‌‌

যিশাইয় 48:21

যেক্কেনে তে ধূল্যেচর ভিদিরেদি তারারে নেযার্ সেক্কেনে তারা পানি তিরেজে দুঘ্ ন-পান, কিত্তে তে পাত্তরত্তুন্ তারাত্তে পানি নাল্ দিয়্যে; তে পাত্তর ফাদি দিয়্যে আর সিবেত্তুন্ পানিগান নিগিলি এচ্চ্যে।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিহিষ্কেল 47:8

তে মরে কলঅ, “এ পানিগান পূগেদি বেঈ যার্ আর অরাবার ভিদিরেদি ধূল্যে-সাগরত্ যেইনে লুম্মেগোই। যেক্কে সিয়েন যেইনে সাগরত্ পোজ্যে সেক্কে সিদুগোর্ পানিগান মিদে ওই যায়।

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

লূকে লেখ্যে গম্ হবর্ 13:29

পূগ্, পোজিম্, উত্তোর্ আর দোগিণোত্তুন্ মানুচ্ এইনে গোজেন রেজ্যত্ হেবাত্যে ববাক্।

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 7:38

যে মঅ উগুরে বিশ্বেজ্ গরে, পবিত্র বোইবোর্ কধা মজিম্ তা মনত্তুন্ জেদা পানির গাঙ্ বেঈ যানাত্ থেবঅ।”

ফগদাং পেইয়্যে 18:2

তে জোরে রঅ ছাড়িনে কলঅ, “ভস্ত ওইয়্যে, সেই নাঙ্-গোজ্জ্যে বাবিলান ভস্ত ওইয়্যে! সিয়েন ইক্কিনে ভান্ন্যেই আত্মাগুনোর থেবার্ জাগা ওইয়্যে আর পত্তি ভান্ন্যেই আত্মাগুনোর্ আড্ডাখানা আর অসিজি আর জঘন্য পেগ্‌খুনোর্ বাহ্ ওইয়্যে,

বিচের গুরিয়্যেগুন 6:38

পরেন্দি সিয়েনই গুদিলো; তার কেল্যে গিদিয়োনে বেন্যেপোত্যে ঘুমোত্তুন্‌ উদিনে সেই ভেড়াছাগলর কেশ্‌চানিত্তুন্‌ নিগিরেনেই শিরোপানিগান নিগিলেল। সেক্কে এক কদরা পানি অলঅ।