যিশাইয় 35:6 - Chakma Bible

⁶ সেক্কে লেং-আঢুড়ুনে উরিঙো ধোক্ক্যেন্ ফাল্যেবাক্, বোবাগুনোর জিলানি হুজিয়ে রঅ ছাড়িবো। ধূল্যেচর-চাগালার তলেত্তুন্ জোরে পানি নিগিলি এবঅ, আর ধূ্ল্যেচরর নানান্ জাগাত্ গঙার্ বেবঅ।

যিশাইয় 35:6 ပူးပေါင်းရင်းမြစ်များ

নহিমিয় 9:15

পেট্‌পরা বুগ্‌মারেবাত্তে তুই স্বর্গত্তুন্‌ তারারে হানা দুয়োচ্‌ আর পানিতিরেজ্ মারেবাত্তে পাত্তরত্তুন্‌ পানি নিগিলেই দুয়োজ্‌। যে দেজ্‌ছান দিবাত্তে তুই শমক্‌ খেইয়োজ্‌ সিদু যেইনে সিয়েন্‌ অধিকার্‌ গুরিবাত্তে তুই তারারে উগুম্‌ দুয়োজ্‌।

গীতসংহিতা 107:35

তে ধূল্যেচর-চাগালাগানরে পুয়োর্ বানায় আর শুগুনো জাগানরে গরে পয়নালা।

গীতসংহিতা 46:4

এক্কান গাঙ্ আঘে যিয়েনর ভালোক্কানি ছড়া আঘে গোজেনর শঅরানরে হুজিয়ে রাজিয়ে রাগায়, হুজিয়ে রাগায় সেই সুদ্ধো-সাংগ জাগায়ান যিয়েনত্ দাঙর্ গোজেনে থায়।

গীতসংহিতা 51:15

ও প্রভু, মর্ মুয়োন খুলি দে, মুই তর্ নাঙ্ গিনেনা ফগদাং গুরিম।

যাত্রা 17:6

সে পরেদি মুই হোরেব মুড়োবোর্‌ ইদু তঅ মুজুঙোত্‌ এক্কো পাত্তর উগুরে যেইনে ঠিয়েম্‌। তুই সেই পাত্তর্‌বোত্‌ আঘাত্‌ গুরিবে আর সেক্কে মানুচ্চুনে হেবাত্তে সিয়োত্তুন্‌ পানি নিগিলি এবঅ‌।” ইস্রায়েলীয় বুড়ো নেতাগুনো মুজুঙোত্‌ মোশি সিয়েনোই গুরিলো।

যিশাইয় 30:25

সেই দযার্ দিনোত্ যেক্কে ভালোক্ জনরে মারে ফেলা অবঅ আর ঘরানি ভাঙি পড়িবো সেক্কে বেক্ মুড়ো-মুড়িগুনো উগুরেদি বেইনে পানি গঙারান্ বেঈ যেবঅ।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 32:4

যিগুনে চিদে-চজ্জা ন-গুরিনে কাম্ গরন্ তারা জ্ঞান লাভ গুরিবাক্, আর কনত্ বাস্যেগুনে গমেডালে কধা কবাক্।

যিশাইয় 33:23

ইক্কিনে তমা পাল হেবাগুন্ শস্ ওই যেইয়োন্; সিয়েনত্ মাত্তুলুন দরমর গুরি আক্‌‌সোয়ে নেই, পালান্অ টাঙা ন-যায়। পরেদি লুদেয়্যে বোউত্ পযাপিরা ভাগ্ গরা অবঅ; এমন্ কি, লেং-আদুড়ুনেয়ো লুদেয়্যে পযাপিরা নেযেবাক্।

যিশাইয় 35:1

ধূল্যেচর-চাগালা আর শুগুনো ভূইয়ানি হুজি অবঅ; ধূল্যেচর জাগায়ানিয়ে হুজি অবঅ আর ফুল ফুদেব। ফাগোন্-চৈত্ মাজত্ পত্তম ফুলো ধোক্ক্যেন সিয়েনিত্ বোউত ফুল ধুরিবাক্; ধূল্যেচরানিয়ে বোউত্ হুজি অবঅ আর হুজিয়ে রঅ ছাড়িবো। সিয়েনরে লেবানন ধোক্ক্যেন বাঈনী গরা অবঅ, দিয়্যে অবঅ কর্মিল আর শারোণর দোল্ জিনিস্‌‌চান; মানুচ্চুনে লগেপ্রভুর বাঈনীগান্ দেগিবাক্, দেগিবাক্ আমা গোজেনর দোল্ জিনিস্‌চান।

যিশাইয় 42:11

ধূল্যেচর-চাগালা আর শঅরানিয়ে জোরে জোরে নাঙ্ গিনোক্; কেদরীয়গুনোর্ আদামানিয়ে সিয়েনি গোরোক্, শেলার মানুচ্চুনে হুজিয়ে গিদ্ গাদোক্, মুড়োগুনোর্ মাঢাত্তুন্ হুজিয়ে রঅ ছাড়দোক্।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 48:21

যেক্কেনে তে ধূল্যেচর ভিদিরেদি তারারে নেযার্ সেক্কেনে তারা পানি তিরেজে দুঘ্ ন-পান, কিত্তে তে পাত্তরত্তুন্ তারাত্তে পানি নাল্ দিয়্যে; তে পাত্তর ফাদি দিয়্যে আর সিবেত্তুন্ পানিগান নিগিলি এচ্চ্যে।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যোয়েল 3:18

“সেদিন্যে দাঙর্ দাঙর্ মুড়োগুনোত্তুন্ বোউত্ আংগুর-রস পাহ্ যেবঅ আর চিগোন চিগোন মুড়োগুনোত্তুন্ বোউত্ দুধ পাহ্ যেবঅ। যিহূদার বেক্ পানি গাঢ্‌‌‌‌তুনোদি পানি বেঈ যেবঅ। লগেপ্রভুর ঘরত্তুন্ এক্কো পয়নালা উদিনে শিটীমোর কলগ্‌‌‌‌কানরে পানি দান গুরিবো।

সখরিয় 14:8

সে অক্তত্ হরান্ন্যে আর ঝার্‌কালত্ যিরূশালেমত্তুন্ মিদে পানি নিগিলিনে অদ্দেক্কান পূগেদি সাগর ইন্দি আর অদ্দেক্কান্ পোজিমেদি সাগর ইন্দি বেঈ যেবঅ।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

গণাণা 20:11

এই কধাগান্‌ কোইনে মোশি আত্‌ তুলিনে তার্‌ লুদিক্কোলোই সেই পাত্তর্‌বোরে দ্বিবার্‌ বারি দিলো; সেক্কে সিয়োত্তুন্‌ জোরে বোউত্‌ পানি নিগিলি এজা ধুরিলো আর ইস্রায়েলীয়গুনে আর তারার্‌ য়েমানপালুনে সিয়েন্‌ খেলাক।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মথি লেখ্যে গম্ হবর্ 12:22

পরেদি মানুচ্চুনে ভুদে পেইয়্যে এক্কো মান্‌জ্যরে যীশু ইধু আনিলাক্ যিবে চোগ্ কান্ আর ববা এলঅ কিয়া তারে অসিজি আত্মায় পেইয়্যে। যীশু তারে গম্ গুরিলো।

মথি লেখ্যে গম্ হবর্ 21:14

ইয়েনর্ পরেদি কান্ আর লেং মানুচ্চুনে উবোসনা-ঘরত্ যীশু ইধু এলঅ, আর তে তারারে গম্ গুরিলো।

লূকে লেখ্যে গম্ হবর্ 1:64

আর সেক্কে সখরিয় মুয়োন্ আহ্ জিলান্ খুলিলো আর তে কধা কনা আহ্ গোজেনরে বাঈনী গরা ধুরিলো।।

লূকে লেখ্যে গম্ হবর্ 11:14

যীশু এক্কো ববা অসিজি আত্মারে ধাবেই দিলো। অসিজি আত্মাবো ধাবেই দেনার্ পরেদি ববা মানুচ্চো কধা কুয়ো ধুরিলো। সেক্কে মানুচ্চুনে আমক্ অলাক্,

প্রেরিত্‌ 3:2

মানুচ্চুনে পত্তিদিন এক্কো মান্‌জ্যরে বুয়োই আনিনে উবোসনা-ঘরর দোল্ নাঙে দোরান কুরে থদাক্। তে জর্মত্তুন্ ধুরি লেং এলঅ। যিগুনে উবোসনা-ঘরত্ যেদাক্ তারা ইধু ভিক্ষ্যে মাগিবাত্যে তারে সিয়েনত্ থুয়ো অদঅ।

প্রেরিত্‌ 8:7

ভালোক্ জন ভিদিরেত্তুন্ ভান্ন্যেই আত্মাবো রঅ ছাড়িনে নিগিলি গেলঅ আর ভালোক্কুন্ বেশৎ রুগি আর লেং গম্ অলাক্।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।