যিশাইয় 34:11 - Chakma Bible

¹¹ ধূল্যেচর-পেজা, কুদুক্-কাদাক্, হুতুম পেজা আর গাঙ্ কবাগুনে সেই দেজ্‌‌চান গজক্ গুরিবাক্ আর সিয়েনত্ বজত্তি গুরিবাক্। লগেপ্রভু ভেজাল্যে মাবর্ দুড়ি আর শূন্যতার্ ওলনদুড়ি ইদোম উগুরে বিজেই দিবো।

যিশাইয় 34:11 ပူးပေါင်းရင်းမြစ်များ

২ শমূয়েল 8:2

দায়ূদে মোয়াবীয়গুনোরেয়ো ওদেই দিলো। তে মোয়াবীয়গুনোরে মাদিত্‌ কায়-কুই গুরি পোড়েইনে এক ডাগেত্তুন ধুরি অন্য ডাগর্ থুম্ সং দুড়িলোই মাবিলো। পত্তমে দ্বিয়েন দুড়িলোই মাপ্যে মানুচ্চুনোরে মারে ফেলা অলঅ আর সে পরেন্দি এক্কান দুড়িলোই মাপ্যে মানুচ্চুনোরে বাঁজেই রাগা অলঅ। ইয়েনর্ পরেন্দি মোয়াবীয়গুনে দায়ূদো অধীন ওইনে তারে হাজানা দিয়্যে ধুরিলাক্।

২ রাজাবলী 21:13

শমরিয়ার বিরুদ্ধে যে মাব দুড়িগান্‌ আর আহাব বংশগুনো বিরুদ্ধে যে ওলন দুড়িগান্‌ বেবহার গরা ওইয়্যে সিয়েন্‌ মুই যিরূশালেম বিরুদ্ধে বেবহার গুরিম। যেধোক্ক্যেন গুরিনে একজনে থাল্লো পুজিবাত্তে এপিট ওপিট গরে সেধোক্ক্যেন গুরিনে মুই যিরূশালেমরে বাদ দিম্‌।

গীতসংহিতা 102:6

মুই ধূল্যেচর-পেজা ধোক্ক্যেন্ ওইয়োং, ঘর পোড়া পেজা ধোক্ক্যেন্ ওইয়োং।

যিশাইয় 14:23

মুই তারে কুদুক্-কাদাগর্ জাগায়ান্ আর পানি জাগায়ান্ গুরি দিম্। ভস্ত অনা চোরোন্ দরালোই মুই তারে ছুরি দিম্। মুই বেগত্তুন্ খেমতাবলা লগেপ্রভু এ কধাগান্ কঙর্।”

যিশাইয় 24:10

শঅরান ভস্ত ওই পড়ি থেবঅ। বেক্ ঘরানি বন্ধ ওই যেবঅ; ভিদিরে যার ন-যেবঅ।

যিশাইয় 34:17

তে পোরোক্ক্যে গুরিনে আর মাবেদে দুড়িলোই মাবিনে সে জাগায়ান তারারে ভাগ্ গুরি দিবো। সিয়েনি জিংকানিবর্ তারার্ থেবঅ; বংশর্ পর বংশ ধুরি তারা সিয়েনত্ বজত্তি গুরিবাক্।

আবিলেচ্ 2:8

সিয়োন-ঝিবোর্ চেরোকিত্তে দেবালানি ভাঙি ফেলেবার লগেপ্রভু থির্ গোজ্যে। তে মাবেদে দুড়িলোই মাপ্যে আর ভস্ত গুরিবার কামত্ নিজো আঢ্‌তানিরে থামেই ন-রাগায়। তে সিয়োনর তাম্বুল আর দেবালানিরে আবিলেচ্ গুরিবাত্যে দিয়্যে; সিয়েনি এক সমারে বল্‌পোজ্যে ওইয়্যে।

আমোষ 7:8

তে মরে কলঅ, “আমোষ, তুই কি দেগর্?” জোবত্ মুই কলুং, “এক্কান ওলনদুড়ি।” সেক্কে প্রভু কলঅ, “মঅ মানুচ্ ইস্রায়েলর মাধ্যমে মুই এক্কান ওলনদুড়ি থোইয়োং; মুই আর্ তারারে ছাড়ি ন-দিম।

সফনিয় 2:14

সিদু গোরু আর ভেড়া পাল্ আহ্ বেগ্ জাদর্ প্রাণীগুন পড়ি থেবাক্। ধূল্যেচর-পেজা আর ভূতুম পেজা তা খুদোগুনো উগুরে ঘুম যেবাক্, আর জানালাদি তারার্ রগুন্ শুনো যেবঅ। ঘরানি ভস্ত ওই যেবঅ আর ঘরর্ এরস গাজর্ তক্তানি লুদ্ ওই যেবঅ।

ফগদাং পেইয়্যে 18:2

তে জোরে রঅ ছাড়িনে কলঅ, “ভস্ত ওইয়্যে, সেই নাঙ্-গোজ্জ্যে বাবিলান ভস্ত ওইয়্যে! সিয়েন ইক্কিনে ভান্ন্যেই আত্মাগুনোর থেবার্ জাগা ওইয়্যে আর পত্তি ভান্ন্যেই আত্মাগুনোর্ আড্ডাখানা আর অসিজি আর জঘন্য পেগ্‌খুনোর্ বাহ্ ওইয়্যে,