যিশাইয় 33:24 - Chakma Bible

²⁴ সিয়োনত্ বজত্তিগুরিয়্যে কনজনে ন-কবাক্, “মুই অসুগ্।” যিগুনে সিয়েনত্ বজত্তি গরন্ তারার পাপ্‌‌পানি খেমা গরা অবঅ।

যিশাইয় 33:24 ပူးပေါင်းရင်းမြစ်များ

২ বংশধর 30:20

লগেপ্রভু হিষ্কিয়োর তবনাগান শুনিনে মানুচ্চুনোরে খেমা গুরিলো।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

যিশাইয় 30:26

যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

যিশাইয় 58:8

সালে তমা পহ্‌রান বেন্যে মাদান ধোক্ক্যেন ফগদাং অবঅ‍ আর যাদিমাদি তুমি গম্ অবা; তমা সততাগানি তমা আগে আগে যেবঅ আর মর্ বাঈনী গরানাগান্ তমা পিজে পিজে রোক্ষ্যে গুরিয়্যে অবঅ।‌

যিরমিয় 30:17

মাত্তর্ তো মুই তর্ কিয়্যেগান ফিরেম্ আর তঅ ঘা গান গম্ গুরি দিম।’ ”

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

দ্বি’লম্বর বিররণ 28:27

লগেপ্রভু মিসরীয়গুনোরে সেই ফোড়া, আবাং, কাচ্‌ছোনি আর খস্‌ পিড়েলোই তমারে দুখ্‌ দিবো যিয়েনত্তুন কনজনে তমারে গম্‌ গুরি ন-পারিবো।

দ্বি’লম্বর বিররণ 7:15

লগেপ্রভু বেক্‌ পিড়েনিত্তুন্‌ তমারে উদ্ধোর্‌ গুরিবো। মিসরত্‌ যেদক্কানি অমকদ পিড়ে তুমি দেক্কো সিয়েনি তে তমা উগুরে অবাত্তে ন-দিবো, মাত্তর্‌ যিগুনে তমারে ঘিনান্‌ তারা উগুরে সিয়েনি অবাত্তে দিবো।

যাকোব 5:14

তে নাঙ্ গিনেদে গীদ্ গোক্। কেঅ কি অসুগ্? তে মন্ডলীর আজল্ নেতাগুনোরে দাগোক্। তারা প্রভুর নাঙে তা মাঢাবোত্ তেল্ দিইনে তাত্যেই তবনা গোত্তোক্।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”