যিশাইয় 33:20 - Chakma Bible

²⁰ আমার বেক্ পরব্‌পুন পালেয়্যে শঅর্ সিয়োন ইন্দি রিনি চাহ্। তঅ চোগ্‌‌কুনে দেগিবাক্ যিরূশালেমানরে, এক্কান সুগ্-শান্দিয়্যে ভরা থেবার জাগানরে, এক্কান তাম্বুলোরে যিয়েন্ সরা ন-অবঅ। তার খুদোগুন্ কনদিন্অ তুলো ন-অবঅ আর সিয়েনর কনঅ দুড়িয়ো ন-ছিনিবো।

যিশাইয় 33:20 ပူးပေါင်းရင်းမြစ်များ

গীতসংহিতা 128:5

সিয়োনত্তুন্ লগেপ্রভু তরে বর্ দিবো; জিংকানিবর্ তুই যেন যিরূশালেমর ভালেদি দেগচ্।

গীতসংহিতা 46:5

গোজেনে সেই শঅরানত্ থায়, সেনত্তে সিয়েন থির্ থেবঅ; বেন্যেপোত্যে গোজেনে তারে বল্ দিবো।

গীতসংহিতা 46:6

জাদ্‌তুনে বেক্কুনে রঅ ছাড়দন, রেজ্যগানি ভাঙি পড়ে; তে গুজুরি উদে, পিত্‌থিমীগান গুলি যায়।

যিশাইয় 32:18

মঅ মানুচ্চুনে সুগে-শান্দিয়্যে থেবার জাগানত্, গমেডালে ঘর-বাড়ি আর যাগুলুক্ নেইয়্যে জিরেবার্ জাগানত্ বজত্তি গুরিবাক্।

যিশাইয় 33:6

যুগে যুগে তেয়ই তারার্ রোক্ষ্যে গরানা, উদ্ধোর্, জ্ঞান আর বুঝিবার খেমতার ভান্ডাল্ ওই এজের্। লগেপ্রভু উগুরে ভোক্তিবলা দরান্ অলঅ তারার্ ধন।

যিশাইয় 37:33

“সেনত্তে আসিরিয়ার রাজা পৌইদ্যেনে লগেপ্রভু এ কধাগান কোইয়্যে, ‘তে এ শহরত্ ন-সোমেব বা ইয়েনত্ এক্কো সেল্অ ন-মারিবো। তে ঢাল্লোই ইয়েন মুজুঙোত্ ন-এবঅ বা ঘিরিনে উদোনা-লামানা গুরিবাত্তে কিচ্চু ন-বানেব।

যিশাইয় 4:5

লগেপ্রভু সেদিন্যে সিয়োন মুড়োবোর্ বেক জাগায়ান উগুরে আর যিগুনে সিদু এগত্তর্ অবাক্ তারা উগুরে দিনোত্ ধূমো আর রেদোত্ জোল্‌জোল্যে আগুনো পহ্‌র গুরি দিবো; সিয়েন অবদে বেক্ ইস্রায়েলর মহিমাগান উগুরে যেন এক্কো চান্।‍‍‍‍‍

যিশাইয় 54:2

তঅ তাম্বুলানর্ জাগায়ান আরঅ বাড়া; তঅ তাম্বুলানর্ পর্দাগান আরঅ পাদাজ্যে গর্, কুলি ন-গুরিচ্। তঅ তাম্বুলানর দুড়িগানি লাম্বা গর্ আর খুদোগুন দরমর গর্,

যিশাইয় 66:14

ইয়েনি দেগিনে তমা মনানি হুজি অবঅ আর তুমি ঘাস ধোক্ক্যেন উদিবে। লগেপ্রভুর চাগরুনে তা খেমতাগান দেগিবাক্, আর তা শত্রুগুনে তা রাগ্‌‌‌‌কান দেগিবাক্।

যিহিষ্কেল 48:35

শঅর চেরোকিত্তে দেবাল মাব্‌‌পান অবঅ আদার আজার্ মাবেদে কাদি। সে অক্তত্তুন্ ধুরি শঅরানর্ নাঙ্ অবঅ, ‘লগেপ্রভু ইয়েনত্ আঘে।’ ”

যিহিষ্কেল 48:8

যিহূদার দুযির্ দোগিণে পূগেত্তুন্ পোজিমেদি সং থেবঅ সেই জাগায়ান যিয়েন তুমি বিশেষ কামত্তে যুদো গুরি রাগেবা। সিয়েন পাদাজ্যেদি অবদে পোজোশ্ আজার্ মাবেদে কাদি আর লাম্বায় অবদে অন্য গুট্টিগুনো ভাগ ধোক্ক্যেন দেজর্ পূগেদিত্তুন্ পোজিমেদি সং; সেজাগানর্ সংমোধ্যে থেবদে উবোসনা-ঘর।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

দ্বি’লম্বর বিররণ 12:5

মাত্তর্‌ তমার গোজেন লগেপ্রভু নিজোরে ফগদাং গুরিবাত্তে তমার বেক্‌ গুট্টিগুনোরে দিয়্যে জাগাত্তুন্‌ যে জাগাগান তার থেবার জাগা ইজেবে বেঈ নেযেবা তুমি সিয়োদোই তার উবোসনাত্তে যেবা।

দ্বি’লম্বর বিররণ 16:16

তমার গোজেন লগেপ্রভুর বেঈ লোইয়্যে জাগানত বজরে তিনপল্লা, অত্তাৎ সদাছাড়া পিদের পরবর্‌ সলাবোত্‌, সাত সাপ্তার্ পরবর্‌ সলাবোত্‌ আর নাদা মান্‌জ্যর-ঘরর পরবর্‌ সলাবোত্‌ তমার বেক্‌ মরদ্‌তুনে লগেপ্রভুর মুজুঙোত্‌ আঝিল্ উয়ো পুরিবো। কনজনে যেনে খালি আঢ্‌তোই লগেপ্রভুর মুজুঙোত্‌ আঝিল্ ন অয়।

ফগদাং পেইয়্যে 3:12

যে জিদিবো তারে মুই মর্ গোজেন ঘরর্ এক্কো খুদো বানেম; তে আর কনদিন্‌অ বারেদি ন-যেবঅ। মুই তা উগুরে মর্ গোজেনর্ নাঙান্ আর মর্ গোজেনর্ শঅরানর্ নাঙান লিগিম। নুয়ো যিরূশালেমানই সেই শঅরান্। স্বর্গ ভিদিরেত্তুন্ মঅ গোজেন ইত্তুন এ শঅরান্ লামি এবঅ। যে জিদিবো মুই তা উগুরে মর্ নুয়ো নাঙান্অ লিগিম।