যিশাইয় 33:14 - Chakma Bible

¹⁴ সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

যিশাইয় 33:14 ပူးပေါင်းရင်းမြစ်များ

ইয়োব 18:11

দরান্‌ তা চেরোকিত্তে থেবঅ; তা পত্তি পোইধেত্‌ সিয়েনে তার্‌ পিজে থেবঅ।

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

গীতসংহিতা 21:9

তর্ ফগদাং অবার্ অক্তত্ তুই তারারে তুলিবে ছুলোর্ ধোক্‌‌ধোক্যে আঙারা ধোক্ক্যেন। লগেপ্রভু রাগে তারারে গিলি ফেলেব, তা আগুনানে তারারে পুড়ি ফেলেব।

গীতসংহিতা 50:3

আমা গোজেনে এজের্, তে মুয়োন খুলিবো; আগুনানে তার্ আগে আগে বেক্কানি জ্বালেইনে পুড়িনে দি দিবো; আর তার্ চেরোকিত্তে অমকদ ঝড় বেবঅ।

গীতসংহিতা 53:5

তর্ আক্রমণগুরিয়্যে গুনোর আড়্‌‌গড়াগুন তে সোড়েই রাগেয়্যে; আগে তারার দর্-ভর্ ন-এলঅ, তো তারা ইক্কিনে অমকদ দোরেলাক্; গোজেনে তারারে বাদ দিয়্যে, সেনত্তেই তুই তারারে লাজত্ ফেলেয়োচ্।

গম্ উপদেজ্ 28:1

কনজনে ন-লোড়েলেয়ো পাজি মান্‌‌জ্যে ধেই যান, মাত্তর্ গোজেন ভক্ত মান্‌‌জ্যে সিংহ ধোক্ক্যেন্ ন-দোরেয়্যেগুরি বজত্তি গরে।

যিশাইয় 1:28

মাত্তর্ উল্লোমীগুনে আর পাপীগুনে বেক্কুনে একসমারে ভস্ত অবাক্, আর যিগুনে লগেপ্রভুরে ছাড়ি যেইয়োন্ তারা শেজ্ ওই যেবাক্।

যিশাইয় 10:16

সেনত্তে বেগত্তুন্ খেমতাবলা প্রভু লগেপ্রভু আসিরিয়ার্ বোলী যোদ্ধাগুনে উগুরে এক্কান ক্ষয়-নেযাইদ্যে রোগ্ পাধেই দিবো; তার জাক্‌জমক্কান তলে জোল্-জোল্যে জিলো ধোক্ক্যেন্ গুরি আগুন জ্বালা অবঅ।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

যিশাইয় 32:11

ও আরাম গুরি-থেইয়্যে মিলেগুন আর চিদে-চজ্জা নেইয়্যে মিলেগুন, তুমি দরে গির্‌‌গিরো; তমা কাবড়-চুগোড়ানি খুলিনে কমরত্ বস্তা পাদা পিনো।

যিশাইয় 34:9

ইদোমর্ পানি গঙারুন্ মাত্যে তেল্‌লোই ভুরি যেবঅ, সিয়েনর্ ধূল্যেগানি অবঅ গন্ধক্‌‌‌কোই ভরা, সেনত্তে দেজর্ মাদিগান অবঅ জোল্‌জোল্যে মাত্যেতেল্।‌

যিশাইয় 47:14

তারা নাড়া ধোক্ক্যেন; আগুনানে সিয়েনিরে পুড়ি ফেলেব। তারা আগুনো খেমতার আঢত্তুন্ নিজোরে রোক্ষ্যে গুরি ন-পারন্। এ আগুনান এমন আঙারার্ আগুন নয় যিয়েনর মুজুঙোত্ বোইনে কনজনে আগুন পুয়োই পারন্ বা যিয়েনত্তুন্ পহ্‌র পেই পারন্। ‌‌‍

যিশাইয় 5:24

সেনত্তে আগুনো জিলানে যেধোক্ক্যেন্ দার্‌‌‌বো পুড়ি ফেলায় আর আগুনো ভিদিরে শুগুনো ঘাস পুড়ি যায়, সেধোক্ক্যেন্ গুরি তারার্ গড়াগান্ পুযি যেবঅ আর ধূল্যে ধোক্ক্যেন্ তারার্ ফুলুন্ উড়ি যেবাক্; কিত্তে তারা বেগত্তুন্ খেমতাবলা লগেপ্রভুর্ উগুম এলাফেলা গোজ্যন্ আর ইস্রায়েলর সেই পবিত্র মানুচ্চোর্ কধাগানরে টেঙোই ঠেল্যন্।

যিশাইয় 66:24

তারা নিগিলিনে সেই বেক্ মানুচ্চুনোর মরা কিয়্যেগানি দেগিবাক্ যিগুনে মঅ বিরুদ্ধে উল্লোমী গোজ্যন। যিদুক্কুন পুগে তারার্ মরা কিয়্যেনি হান্ সিগুনে ন-মুরিবাক্ আর যে আগুনানে তারারে পুড়ে সিয়েন ন-মুরিবো, আর তারা বেক্ মানুচ্চুনোর ঈচ্ গরেদে মানুচ্ অবাক্।”

যিশাইয় 7:2

সেক্কে দায়ূদ বংশর মানুচ্চুনোরে কুয়া অলঅ, “অরামর্ সৈন্যদলুনে সমাজ্যে ইজেবে ইফ্রয়িমত্ তাম্বুল ফেলেইনে আগন্।” এ কধাগান শুনিনে আহসে আর তা মানুচ্চুনোর্ মনানি দরে বোইয়্যেরে দুলি পোজ্যে ঝার গাজ ধোক্ক্যেন্ দুলি উদিলো।

যিশাইয় 9:17

সেনত্তে প্রভু গাবুজ্যেগুনোরে নিইনে কনঅ ফুত্তি ন-পেবঅ, আর মা-বাপ নেইয়্যেগুনোরে, রানি মিলেগুনো উগুরে তে কনঅ দোয়্যে ন-গুরিবো; কিত্তে বেক্কুনে গোজেন উগুরে ভোক্তি নেইয়্যে আর পাজি, বেক্কুনে বজং কধা কন্। ইয়েনি অলেয়ো তা রাগ্‌কান ন-থামেব; এজঅ সং তা আঢ্‌তান তুল্যে আঘে।‌‌

যিশাইয় 9:18

ঘেচ্চেক্‌গুরি পাজি কামানি আগুনো ধোক্ক্যেন্ জ্বলে, সিয়েনে কাদাঝুপ আর কাদাগাজ্ পুড়ি ফেলায়। সিয়েনে ঝারর্ বেক ঘন ঝুব্‌পুন জ্বালেই দে আর সেক্কে ধূমোগানে পাক্ হেই হেই উগুরে উদে।‌‌

যিশাইয় 9:19

বেগত্তুন্ খেমতাবলা লগেপ্রভুর অমকদ রাগে দেজ্‌‌‌চান জুলি যেবঅ, আর মানুচ্চুন্ আগুনোত্তে দার্‌বো গাজ ধোক্ক্যেন অবাক্। কনজনে তা ভেইবোরেয়ো দোয়্যে ন-গুরিবো।‌‌

আমোষ 9:10

মর্ বেক পাপী মানুচ্চুনো ভিদিরে যিগুনে কন্, ‘অমংগলে আমারে লাগত্ ন-পেবঅ বা আমা ইধু ন-এবঅ,’ তারা বেক্কুনে যুদ্ধোত্ মুরিবাক্।”

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

মালাখি 3:2

মাত্তর্ তার এবার্ দিন্নো কনজনে সোজ্য গুরি ন-পারিবাক্; তে আজিল্ অলে কনজনে থিয়্যেই থেই ন-পারিবাক্; কিত্যে তে অবদে রূবো যাচাই গুরিবার আগুন বা ধোপাগুনো সাগোন ধোক্ক্যেন।

মথি লেখ্যে গম্ হবর্ 18:8

তঅ আঢ্‌তানি বা টেঙানিয়ে যুনি তঅ বিশ্বেজ্‌চান আরেই দে সালে সিয়েনি কাবিনে ফেলেই দে। দ্বিয়েন্ আঢ্ আর দ্বিয়েন্ টেঙোই জনমত্তে আগুনোত্ পড়ানাত্তুন্ বরং লেং বা আঢুড়্ ওইনে জিংকানিত্ সমানা তত্যেই গম্।

মথি লেখ্যে গম্ হবর্ 22:12

এক্কো মানুচ্ মেলা কাবড়্ ন-পিনিনে সিধু এচ্চ্যে। রাজা তারে পুযোর্ গুরিলো, ‘সমাজ্যেবো, মেলা কাবড়্ ন-পিনিনে কেধোক্ক্যেন্ গুরি ইধু সুমিলে?’ তে ইয়েনর্ কনঅ জোব্ দি ন-পারিলো।

মথি লেখ্যে গম্ হবর্ 24:51

সেক্কে তে তারে কাবিনে দি'কট্টা গুরি ফক্করুনো সমারে তা জাগায়ান্ ঠিগ্ গুরিবো। সিয়েনত্ মানুচ্চুনে কানাকুদি গুরিবাক্ আর যন্ত্রণালোই দাত্ কামেরেবাক্।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

দ্বি’লম্বর বিররণ 4:24

কিত্যে তমা গোজেন লগেপ্রভু অলদে বেক্কানি পুড়ি ফেলেই দিয়্যে আগুন; তার্‌ পাওনা ভোক্তি পৌইদ্যেনে তে অমকদ খুজি।

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।