যিশাইয় 33:13 - Chakma Bible

¹³ তুমি যিগুনে দূরোত্ আগঅ, মুই যিয়েন গোজ্যং সিয়েন শুনো; তুমি যিগুনে কায়-কুরে আগঅ মঅ খেমতাগানরে স্বিগের্ গুরি নেযঅ।

যিশাইয় 33:13 ပူးပေါင်းရင်းမြစ်များ

গীতসংহিতা 148:14

তা মানুচ্চুনোরে তে খেমতাবলা গোজ্যে; সিয়েন তার বেক্ ভক্তগুনোর্ বাঈনী, তার কোচ্‌পেইয়্যে জাদ্ ইস্রায়েলর বাঈনী। লগেপ্রভুরে নাঙ্ গিনে ওক্।

গীতসংহিতা 48:10

ও গোজেন, তঅ পৌইদ্যেনে যেধোক্ক্যেন বেক্ মানুচ্চুনে হবর্ পান সেধোক্ক্যেন তর্ নাঙ্ গিনেনা পিত্‌থিমীর শেজ্ দুযি সং আঘে; তর্ ডেন্ আঢ্‌তান ন্যায়র কাম গুরিবার বল্লোই পরিপূরোণ।

গীতসংহিতা 97:8

ও লগেপ্রভু, তর্ ন্যায়বিচেরর কধা শুনিনে সিয়োনানে হুজি ওইয়্যে, যিহূদার আদামানিয়ে হুজি ওইয়্যে।

যাত্রা 15:14

সেই কধানি শুনিনেই অন্য জাদ্‌তুনে জদবদে দরে গির্‌গিরেবাক্‌, আর পলেষ্টীয়গুনোর্‌ মনানি অমহদ দুগে নরম্‌ অবঅ‌।

যিশাইয় 18:3

ও জগদর্ মানুচ্চুন্, ও পিত্‌‍‍‍‍থিমীত বজত্তিগুরিয়্যে বেক্ মানুচ্চুন্, তুমি চঅ, কক্কে মুড়ো-মুড়ি উগুরে বাবতা তুলো অবঅ, আর শুনো, কক্কে তূরী বাজা অবঅ।

যিশাইয় 37:20

ইক্কিনে ও আমার গোজেন লগেপ্রভু, আসিরিয়ার রাজা আঢত্তুন্ তুই আমারে রোক্ষ্যে গর্, যেনে পিত্‌থিমীর বেক্ রেজ্যগানিয়ে জানি পারে, তুই, বানা তুয়ই লগেপ্রভু।”

যিশাইয় 49:1

ও দূর্ দেজর মানুচ্চুন্, মঅ কধাগান শুনো; দূরোর জাদ্‌তুন, কানানি পাদঅ। মর্ জর্মেবার আগেদি লগেপ্রভু মরে ডাক্যে; তে মা পেদত্তুন্ ধুরি মঅ নাঙান কোই কোই এজের্।‌‌‌

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিশাইয় 57:19

সেক্কে তারা কবাক্, ‘কায়কুরে আর দূরো বেক্কুনোর ভালেদি ওক্।’ মুই লগেপ্রভু কঙত্তে, মুই তারারে গম্ গুরিম।”

দানিয়েল 3:27

সেক্কে রেজ্যগানির শাজন্‌গুরিয়্যেগুনে আর আজল্ পরিচালক্কুন, বিভাগর শাজন্‌গুরিয়্যেগুন আর অন্য বেক্ দাঙর্ পদথ্ কামগুরিয়্যেগুনে তারা ইধু এইনে ভির্ গুরিলাক্। তারা দেগিলাক্ আগুন তারার কিয়্যেগানিরে কনঅ খেতি ন-গরে, তারা মাঢাগুনোত্তুন্ এক্কান চুল্‌অ ন-পড়ে, কাবড়-চুগোর্‌অ বর্‌‌বাত ন-অয় আর তারা কিয়্যেত্ আগুনোর্ বাচ্অ নেই।

১ শমূয়েল 17:46

লগেপ্রভু এচ্চ্যে দিনোত্‌ তরে মর্‌ আঢত্‌ তুলি দিবো। মুই তরে আঘাত গুরিম আর তর্‌ মাঢাবো কাবি নেযেম্‌। এচ্চ্যেই মুই পলেষ্টীয় সৈন্যগুনোর মরাকিয়্যেনি আগাজর পেক্কুনোরে আর পিত্‌থিমীর য়েমানুনোরে হেবাত্তে দিম। সিয়েনি দেগিনে পিত্‌থিমীর বেক্কুনে জানি পারিবাক্, ইস্রায়েলীয়গুনোর পক্ষে গোজেন বিলিনে একজন আঘে।