যিশাইয় 32:6 - Chakma Bible

⁶ কিত্তে চিগোন মন মানুচ্চো ভান্ন্যেই কধা কয় আর তা মনান্ ভান্ন্যেয় পৌইদ্যেনে লুদুপুদু গুরি থায়। তে জঘন্য জঘন্য কাম গরে আর লগেপ্রভু পৌইদ্যেনে অগমানর্ কধা ছড়ায়। তে এমন্ বেবস্থা গরে যেনে পেট্ পুজ্যে মানুচ্চুনে হানা ন-পান্ আর পানি তিরেস্ পেইয়্যে মানুচ্চুনে পানি ন-পান্।

যিশাইয় 32:6 ပူးပေါင်းရင်းမြစ်များ

গীতসংহিতা 141:4

মঅ মনানরে কনঅ ভান্ন্যেই জিনিজোন্দি ঠিলি ন-দিচ্, যেনে অন্যেয়গুরিয়্যেগুনো সমারে ভান্ন্যেই কামত্ ন-মিজেং; তারার গম্ গম্ হানানি যেন মুই ন-হাং।

গম্ উপদেজ্ 19:3

মান্‌জ্যর নিজোর ভুলানে তারে ভান্ন্যেয়দি নেযায়, মাত্তর্ তো তা মনান্ লগেপ্রভু বিরুদ্ধে যায়।

গম্ উপদেজ্ 24:7

জ্ঞানান্ বাজে-বিবেক্ মান্‌জ্যর নাগাল বারেদি; শঅর-গেদো তেম্মাঙত্ তার কিজু কবার যোগ্যতা ন-থায়।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 26:10

পাজিগুনোরে দোয়্যে দেগা অলেয়ো তারা গম্ শিক্ষ্যে ন-গরন্; এমন্ কি, ন্যায়র্ দেজত্‌অ তারা অন্যেয় গুরি থান্ আর লগেপ্রভুরে বাঈনী গরানাগান্ স্বিগের্ ন-গরন্।

যিশাইয় 3:15

তুমি কিত্তে মঅ মানুচ্চুনোরে শেজ্ গোজ্য আর নাঢা মানুচ্চুনোরে মারে ফেল্য?” এ কধাগান্ বেগত্তুন্ খেমতাবলা প্রভু লগেপ্রভু কোইয়্যে।

যিশাইয় 31:2

মাত্তর্ তার কি কনঅ জ্ঞান নেই? তে দঅ দজা ঘোদেব; তা কধাগান তে ফিরেই ন-নিবো। তে পাজিগুনোর্ বিরুদ্ধে আর তারার সাহায্যগুরিয়্যেগুনোর্ বিরুদ্ধে উদিবো।

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যিশাইয় 9:17

সেনত্তে প্রভু গাবুজ্যেগুনোরে নিইনে কনঅ ফুত্তি ন-পেবঅ, আর মা-বাপ নেইয়্যেগুনোরে, রানি মিলেগুনো উগুরে তে কনঅ দোয়্যে ন-গুরিবো; কিত্তে বেক্কুনে গোজেন উগুরে ভোক্তি নেইয়্যে আর পাজি, বেক্কুনে বজং কধা কন্। ইয়েনি অলেয়ো তা রাগ্‌কান ন-থামেব; এজঅ সং তা আঢ্‌তান তুল্যে আঘে।‌‌

যিরমিয় 13:23

কূশ দেজর্ মান্‌‌‍‍‍জ্যে কি তা কিয়্যে রঙান্ বা হোক্ক্যে বাঘে কি তা কিয়্যের্ ফুদো ফুদো দাগ্‌‌‍‍‍‍‍‍কানি বুদুলি ফেলেই পারে? তুইয়ো সেধোক্ক্যেন গম্ কাম গুরি ন-পারচ্, কিত্তে তুই ভান্ন্যেই কাম্ গরানা অভ্যেস্ গুরি ফেলেয়োচ্।‍

যিহিষ্কেল 34:18

তমা তপ্পে গম্ চোরেয়্যে ভূইয়োত্ হানা কি যগাজ্যে ন-অর্? আরঅ বাদবাগি ঘাস্‌চানিয়ো কি টেঙোই মাড়া পড়িবো? তমা তপ্পে সাব্ পানি হানা কি যগাজ্যে ন-অর্? আরঅ বাদবাগি পানিগান্‌অ কি টেঙোই কুলুগ্ গরা পড়িবো?

দানিয়েল 12:10

ভালোক্ জনরে শুদ্ধো, থুদো নেইয়্যে আর খাটি গরা অবঅ, মাত্তর্ পাজিগুনে ভান্ন্যেই কাম্ গরা ধুরিবাক্। পাজিগুনে কনজনে বুঝি ন-পারিবাক্, মাত্তর্ জ্ঞানীগুনে বুঝিবাক্।

আমোষ 8:6

রূবোলোই নাঢা মান্‌‌‌‌জ্যরে আর এক জড়া জদালোই অভাবীরে কিনি নেযেম আর ঝান্দালোই ফেলে দিয়্যে গমুন্ তারা ইধু বেজি দিম।”

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।

১ শমূয়েল 24:13

পুরোণি মানুচ্চুনোর্ ঢাগঅ কধাত্‌ আগেদে, পাজির্ ভিদিরেত্তুন এজেদে পাজি কামানি, সেনত্যেই মুই তর্‌ বিরুদ্ধে আঢ্ তুলিবাত্তে ন-যেম্‌।