যিশাইয় 32:4 - Chakma Bible

⁴ যিগুনে চিদে-চজ্জা ন-গুরিনে কাম্ গরন্ তারা জ্ঞান লাভ গুরিবাক্, আর কনত্ বাস্যেগুনে গমেডালে কধা কবাক্।

যিশাইয় 32:4 ပူးပေါင်းရင်းမြစ်များ

যাত্রা 4:11

মাত্তর্‌ লগেপ্রভু তারে কলঅ, “মান্‌‌জ্যর মুয়োনি কন্না বানেই দিয়্যে? কন্না তারে বুব্‌, বহ্‌রা, চোখ কান্‌ গোজ্যে? আর কন্না বা তারে চোগোদি দেগিবার্‌ খেমতাগান্‌ দিয়্যে? সিবে কি মুই লগেপ্রভু নয়?

পরমগীত 7:9

আর তঅ মুয়োন্ ওক্ বেগত্তুন্ গম্ আংগুর-রস। সেই আংগুর-রস্‌চান সোজাগুরি মঅ পরাণ্যের্ গত্তনাবোত্ লামি যোক্, ‌‌‌ যেধোক্ক্যেন্ ঘুমোত্ পোজ্যে মানুচ্চুনোর্ ঠুদো ভিদিরেদি আংগুর-রস সহজে যায়।

যিশাইয় 29:24

যিগুনে গমেডালে বুঝি ন-পারন্ তারা গমেডালে বুঝি পারিবাক্, আর যিগুনে অখুজিগান্ ফগদাং গরন্ তারা শিক্ষ্যে লবাক্।”

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 35:5

সেক্কে কান্ মানুচ্চুনোর চোগ্‌কুন খুলি যেবঅ,‌ বরাগুনোর্ কানানি নাঢা যেইয়্যে ন-থেবঅ।

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

মথি লেখ্যে গম্ হবর্ 16:17

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

প্রেরিত্‌ 6:7

এবাবোত্যেগুরি গোজেনর কধানি ছিদি পড়া ধল্ল, আর যিরূশালেমত্ শিচ্চ্যগুন্ জনেদি বোউত্ বাড়িলাক্ আর ধর্মগুরুগুনো ভিদিরে ভালোক্ জনে খ্রীষ্টীয় ধর্ম-বিশ্বেজ্‌চানরে মানি ললাক্।

গালাতীয় 1:23

তারা বানা এ কধাগান্ শুন্ন্যন্, “যে মানুচ্চো আমা উগুরে অত্যেচার গত্ত তে ইক্কিনে খ্রীষ্ট উগুরে বিশ্বেজর্ কধা প্রচার গরের্, অদচ সিয়েন তে আগে ভস্ত গুরিবাত্যে চেইয়্যে।”