যিশাইয় 30:6 - Chakma Bible

⁶ নেগেভ এ্যামানুনো পৌইদ্যেনে আগাম্ কধা ইয়েন: সেই দূত্‌তুনে দুঘ্ আর দুদ্দজাত্ পোজ্যে দেজ ভিদিরেদি আর সিংহ আর সিংহী, বিষ্‌বলা সাপ আর উড়্‌বো বিষ্‌বলা সাপ দেজ ভিদিরেদি যা‍‌ন্।

যিশাইয় 30:6 ပူးပေါင်းရင်းမြစ်များ

পত্থম 12:9

পরেদি তে সিয়েনত্তুন্‌ যাদে যাদে নেগেভ নাঙে দোগিণেদি ধূল্যেচর-চাগালাত্ গেলঅ।

১ রাজাবলী 10:2

তে ভালোক্কুন্‌ মানুচ্‌ আর উটসুমুত্তো যিরূশালেমত্‌ এইনে লুমিলো। উটতুনোর্‌ পিদিত্‌ এলঅ তুম্বাজ্‌ মজলা, ভালোক্কানি সোনা আর মানেক্‌। তে শলোমন ইদু এইনে তা মনত্‌ যিয়েনি এলঅ সিয়েনি বেক্কানি তারে কলঅ।

২ বংশধর 16:2

সেক্কে আসা লগেপ্রভুর ঘর আর তার্‌ নিজোর্‌ রাজঘরর্‌ ভান্ডালত্তুন্‌ সোনা আর রূবো নিগিলেনে অরাম দেজর রাজা বিন্‌হদদ ইদু পাধেই দিলো। বিন্‌হদদ দামেস্ক শঅরত্‌ বজত্তি গুরিদো। আসা তারে কোই পাদেল,

২ বংশধর 9:1

শিবা দেজর্‌ রাণী শলোমনর্ সুনাঙ্‌ শুনিনে তারে আগাত্যে প্রশ্ন পুযোর্‌ গুরিনে পোরোক্ষ্যে গুরিবাত্তে যিরূশালেমত্‌ এলঅ। তে ভালোক্কুন্‌ মানুচ্‌ আর উট লোইনে শলোমন ইদু লুমিলো। উদো পিদোত্‌ এলদে তুম্বাজ্‌ মজলা, ভালোক্কানি সোনা আর মণি-মুক্তো। তে শলোমন ইদু এইনে তা মনত্‌ যিয়েনি যিয়েনি এলঅ সিয়েনি বেক্কানি তারে কলঅ।

ইয়োব 39:11

তার্ অমকদ বলানত্তে কি তা উগুরে তুই বিশ্বেজ্ গুরিবে? তর্ গুয়োর্ কামানি কি তুই তারে গুরিবাত্তে দিবে?

যাত্রা 1:14

খেদর্ অন্য বেক্‌ কামানি সমারে তারা সিগুনো উগুরে সিবিদি আর ইট্‌দলা বুয়োনা অমকদ দুগোর্‌ কামানিয়ো জোর্ গুরি দিলাক্ আর তারার জিংকানিগানি তিদে গুরি দিলাক্। এদক্কানি দুগোর্‌ কাম্‌ খাদেবাত্তে যেইনে মিসরীয়গুনে তারা উগুরে অমকদ চিৎ-নপুজ্যে বেবহার গুরিদাক্।

যিশাইয় 14:29

ও পলেষ্টীয়া, যে লুদিক্কো তরে আঘাত্ গুরিদো সিবে ভাঙি যেইয়্যে বিলি তুমি কনজনে ফুত্তি ন-গোজ্য। সাপ গাদত্তুন্ নিগিলি এবঅ কেউটে সাপ, আর সেই সাপ্পোত্তুন্ নিগিলি এবঅ উড়্‌বো বিষবলা সাপ।

যিশাইয় 15:7

সেনত্তে তারার্ তুবেয়্যে ধন-সোম্বোত্তিগানি তারা উইলো গাজর্ গঙারর্ উই কিত্তেন্দি নেযাদন্।

যিশাইয় 19:4

এক্কো কড়া গিরোজ আঢত্ মুই মিসরীয়গুনোরে তুলি দিম্; এক্কো দর্‌‌‌‌গরেপারা রাজা তারারে শাজন্ গুরিবো।” ইয়েন অলঅ বেগত্তুন্ খেমতাবলা প্রভু লগেপ্রভুর্ কধা।

যিশাইয় 35:9

সিয়েনত্ কনঅ সিংহ ন-থেবাক্, কনঅ চিৎনপুজ্যে য়েমানে সেই পধেদি ন-যেবাক্। সিয়েনত্ তারারে দেগা ন-যেবঅ, মাত্তর্ বানা মুক্তি পেইয়্যে মানুচ্চুনে সেই পধেদি আঢিবাক্,

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিশাইয় 57:9

তুই জলপাইয়র তেল্ মাজিনে রাজা ইদু যেইয়োচ্ আর অমকদ তুম্বাজ্ জিনিস্ বেবহার গোজ্যস্। তঅ দূত্‌তুনোরে তুই দূর্ দেজত্ পাদেয়োচ্, এমন্ কি, মরণ জাগা সং পাদেয়োচ্।‌‌‌

যিশাইয় 8:22

সে পরেদি তারা পিত্‌‌‌‌থিমীগান ইন্দি রিনি চেইনে দেগিবাক্ বানা দুঘ্, আন্ধার আর দর্‌‌গরেপারা যন্ত্রণা। গুর্‌‌গুজ্যে আন্ধার ভিদিরে তারারে দূর্ গুরি দিয়্যে অবঅ।

যিরমিয় 11:4

যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

যিরমিয় 2:6

তারা পুযোর্‌অ ন-গরন, সেই লগেপ্রভু কুধু যিবে মিসরত্তুন আমারে নিগিলেনে এমন্ ধূল্যেচর-চাগালা ভিদিরেদি আন্যে যিয়েন এলদে পানি নেইয়্যে, ফুল্যে-কাট্য, শুগুনো আর আন্ধার? সিয়েনত্ দঅ কনজনে যানা-এজানা আর বজত্তি ন-গুরিদাক্।

যিহিষ্কেল 20:46

“ও মান্‌‌‌‌‌‌জ্যর পুয়োবো, তঅ মুয়োন তুই দোগিণেদি রাগেইনে সেই দেজ বিরুদ্ধে কধা কঅ আর সিদুগোর্ ঝারান বিরুদ্ধে আগাম্ কধা কঅ।

হোশেয় 12:1

ইফ্রয়িমে বোইয়্যের্ খায়; তে গোদাদিন্নো পূগো বোইয়্যেরানরে লড়াই আর মিজে কধা আহ্ অত্যেচার বাড়ায়। তে আসিরিয়া লগে আত্ মিলেয়্যে আর মিসররে জলপাইয়র তেল পাধেয়্যে।”

হোশেয় 12:2

যিহূদার বিরুদ্ধে লগেপ্রভুর এক্কান আবিত্তি আঘে; যাকোবর আচার-বেবহার মজিম্ তে তারে সাজা দিবো আর তার্ কাম মজিম্ ফল দিবো।

মীখা 6:14

তুমি হেলে ঈল্ ন-অবঅ; তমা পেদত্ পেট্ পরা থেবঅ। তুমি পযাপিরানি এক জাগাত্তুন্ অন্য জাগাত্ নেযেবা মাত্তর্ কিচ্ছু রোক্ষ্যে গুরি ন-পারিবা, কিত্যেই তুমি যুনি বা কিজু রোক্ষ্যে গরঅ সালে সিয়েনি মুই যুদ্ধো আনিনে ভস্ত গুরিম।

সখরিয় 6:6

কালা ঘোড়ার্ রথ্‌‌তান উত্তোরেদি দেজ ইন্দি যার্, ধুব্ ঘোড়ার্ রথ্‌‌তান পোজিমেদি যার্ আর চিদিরে-বদরা রঙর্ ঘোড়ার্ রথ্‌‌তান যার্ দোগিণেদি।”

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

গণাণা 21:8

ইয়েনর্ জোবত্‌ লগেপ্রভু মোশিরে কলঅ, “তুই এক্কো সাপ বানেইনে এক্কো তুনি উগুরে থঅ। যিবেরে সাবে কামেড়েব তে সিবেন্দি রিনি চেলে বাঁজিবো।”

মথি লেখ্যে গম্ হবর্ 12:42

বিচের দিনোত্ দোগিণ দেজর্ রাণী উদিনে এ কালর্ মানুচ্চুনোরে দুষ্ দেগেই দিবো, কিয়া শলোমন রাজার জ্ঞানর্ কধাবাত্তা শুনিবাত্তে তে পিত্‌থিমীর শেজ দুযিত্তুন্ এচ্চ্যে। আর চঅ, ইয়েনত্ শলোমনত্তুন্অ বেশ্ আরঅ দাঙর্ এক্কো আঘে।

দ্বি’লম্বর বিররণ 17:16

সে রাজাবো যেনে নিজোত্তে ভালোক্কুন ঘোড়া যুগুলোনার ইন্দি মন্‌ ন-দে আর যেরেন্দি আরঅ ঘোড়া যুগুলেবাত্তে ইস্রায়েলীয়গুনোরে মিসর দেজত্‌ ন পাদায়, কিত্যে লগেপ্রভু তমারে কোইয়্যেদে, তুমি সেই পথ্‌তানন্দি আর্‌ ফিরি ন যেবা।

দ্বি’লম্বর বিররণ 4:20

মনত্‌ রাগেয়ো, লগেপ্রভু তমারে বেঈ লোইয়্যে আর লুয়ো গোলাইদে হাপর ধোক্ক্যেন যে মিসর দেজ্‌ছান সিয়েনত্তুন্‌ তমারে নিগিলেই আন্যে যেনে তুমি তার্‌ মানুচ্‌ ওই পারঅ, আর তুমি ইক্কিনে সেধোক্কেন্‌ ওইয়ো।

দ্বি’লম্বর বিররণ 8:15

তে তমারে এক্কো দাঙর্‌, দর্‌গরেপারা, শুগুনো, পানিনেইয়্যে আর বিষবলা সাপ আর কাঁঙারা-বিজেলোই ভোজ্যে ধূল্যেচর-চাগালার্‌ ভিদিরেন্দি আন্যে। তে দরঅ পাত্তর ভিদিরেত্তুন্‌ তমাত্তে পানি নিগিলেই দিয়্যে।