যিশাইয় 30:32 - Chakma Bible

³² লগেপ্রভু তারা লগে যুদ্ধো গুরিবার অক্তত্ যেক্কে তার্ নেযেয়্যে লুদিক্কো তারা উগুরে আঘাত্ গুরিবো সেক্কে ঝোন্‌জোনি আর বীণা বাঁজিবো।

যিশাইয় 30:32 ပူးပေါင်းရင်းမြစ်များ

পত্থম 31:27

কিত্তে তুই চালাগি গুরি মরে ন-কোইনে চুর্‌গুরি ধেই এবে? মরে কলে দঅ মুই হজিয়্যে, গিদে-রেঙে, জোনজোনি আর বীণা বাজেইনে তরে বিদেই দিদুং।

২ বংশধর 32:8

তা লগে আগন্‌ বানা মান্‌জ্যর্‌ বলানি, মাত্তর্‌ আমারে বল্‌ দিবাত্তে আর আমা পক্ষেদি যুদ্ধো গুরিবাত্তে আমা লগে আগে আমা গোজেন লগেপ্রভু।” মানুচ্চুনে যিহূদার রাজা হিষ্কিয়র কধাগান শুনিনে তা কধা উগুরে বিশ্বেজ্ গুরিলাক্‌।

ইয়োব 16:12

মুই গমেডালে এলুং মাত্তর্‌ তে মরে দি ভাগ্ গোজ্যে; মঅ গত্তনাবো ধুরিনে তে মরে আজার্‌ মাজ্যে। তে মরে তা সেল্লো তাগেদে জাগায়ান বানেয়্যে।

যিশাইয় 10:24

সেনত্তে বেগত্তুন্ খেমতাবলা প্রভু লগেপ্রভু কোইয়্যেদে, “ও মঅ মানুচ্চুন্, তুমি যিগুনে সিয়োনত্ থাগঅ, যুনিয়ো আসিরিয়গুনে মিসর দেজ ধোক্ক্যেন্ গুরি তমারে লুদিক্কোই পিদোন্ আর তমা বিরুদ্ধে গদা তুলোন্ তো তুমি তারারে ন-দোরেবা।

যিশাইয় 10:26

বেগত্তুন্ খেমতাবলা লগেপ্রভু ওয়েব মুড়োবোত্ মিদিয়নরে আঘাত্ গুরিবার সময়োত্ যেবাবোত্যে গোজ্যে সেবাবোত্যে গুরি তে চাবুক্কোই আসিরিয়গুনোরে মারিবো। মিসরত্ যেবাবোত্যে গোজ্যে সেবাবোত্যে গুরি তে পানি উগুরে তা লুদিক্কো তুলিবো।

যিশাইয় 11:15

লগেপ্রভু সুয়েজ সাগরান্ শুগেই ফেলেব; তে গরম শুগুনো বোইয়্যের্‌লোই ইউফ্রেটিস গাঙ উগুরে তা খেমতাগান্ দেগেব। তে সিয়েন ভাগ্ গুরিনে সাত্‌তো নালা বানেব, যেন মান্‌জ্যে জদা পিনিনে পার্ ওই পারন্।

যিশাইয় 19:16

সেদিন্যে মিসরীয়গুনে মিলে ধোক্ক্যেন অবাক্। তারা বিরুদ্ধে বেগত্তুন্ খেমতাবলা লগেপ্রভু আঢ্ তুলিবো আর সিয়েন দেগিনে তারা দরে গির্‌গিরেবাক্।‍

যিশাইয় 2:19

লগেপ্রভু যেক্কে পিত্‌থিমীর মানুচ্চুনোরে দর্‌বুক্ দেগেবাত্তে এবঅ সেক্কে তার্ দর্‌গরেপারা আর মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে সেদিন্যে মোন্-মুড়ো সেরে সুরুঙোত্ আর মাঢি গাদত্ ধেই যেবাক্।

যিশাইয় 24:1

চঅ, লগেপ্রভু পিত্‌থিমীগানরে এক্কুবারে খালি গুরিবাত্যে আর ভস্ত গুরিবাত্যে যার্। তে তার্ উগুরে ভাগ্‌কান উল্ল্যে ফেলেইনে তা আদাম্মেগুনোরে ছিদি দিবো।

যিশাইয় 24:8

ঝোন্‌ঝোনির ফুত্তি, রঅ ছাড়িয়্যেগুনোর রঅ আর বীণার হুজির গান বেক্কানি থামেব।

যিশাইয় 30:29

সুদ্ধো-সাংগ পরব্ পালানা রেদো ধোক্ক্যেন্ তুমি গান গেবা। মান্‌জ্যে যেক্কে বাশিলোই লগেপ্রভুর্ মুড়োবো উগুরে উদিনে ইস্রায়েলর আশ্রয়-মুড়োবো ইদু এজন্ সেক্কে যেবাবোত্যে হুজি অন্ সেবাবোত্যেগুরি তমার্ মনানিয়ো হুজি অবঅ।

যিশাইয় 31:4

লগেপ্রভু মরে এ কধাগান কোইয়্যেদে, “সিংহ তার শিগের এ্যামান্নোলোই গুজুরিবার্ অক্তত্ গরক্কুনোর্ দলুনে তা বিরুদ্ধে রঅ ছাড়িলেয়ো আর কিজিক্ কাজাক্ গুরিলেয়ো তে দর্ বা মানা ন-পায়। ঠিগ্ সেধোক্ক্যেন্ গুরি বেগত্তুন্ খেমতাবলা লগেপ্রভু যুদ্ধো গুরিবাত্তে সিয়োন মুড়োবোত্ আর তার অজল্ জাগায়ানিত্ লামি এবঅ।

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

যিহিষ্কেল 28:13

তুই গোজেনর বাগান এদনত্ এলে। নানান্ বাবোত্যে মংগা মংগা পাত্তর্, সার্দীয়মুণি, সূর্যকান্তমণি, নীলকান্তমণি, চুনী, পান্না আর সোনালোই তুই সাজেয়্যে এলে; তর্ সিরিস্টির্ দিনোত্ ইগুনোরে যুক্কোল্ গরা ওইয়্যে।

যিহিষ্কেল 32:10

মুই তঅ উগুরে যিয়েনি গুরিম সিয়েনি দেগিনে ভালোক্কুন্ জাদে আমক্ অবাক্। মুই যেক্কেনে তারা মুজুঙোত্ মঅ লাম্বা ছুরিগান্ ঘুরেম সেক্কে তারার রাজাগুনে দরে গির্‌‌‌‌‌‌‌গিরেবাক। তর্ পতনর দিনোত্ তারার পত্তিজনে তা নিজোর পরাণান দরে আমিযে গির্‌‌‌‌‌‌‌গিরে গির্‌‌‌‌‌‌‌গিরে থেবাক্।

ইব্রীয় 12:26

সেক্কে গোজেনর্ মুয়ো কধালোই জগদ্‌তানরে লাড়েই দিয়্যে, মাত্তর্ ইক্কিনে তে এ এগেমান্ গোজ্জ্যেদে, “মুই যে বানা আর একবার পিত্‌থিমীগানরে লাড়েম্ সিয়েন নয়, মাত্তর্ আগাজ্‌‌চানরেয়ো লাড়েম।”

১ শমূয়েল 10:5

সে পরেন্দি তুই গিবিয়োৎ-হা-এলোহিম শঅরত্‌ যেবে। সিয়েনত পলেষ্টীয় সৈন্যগুনোর এক্কান তাম্বুল্ আঘে। শঅরত্‌ লুমোনার পরেন্দি এন্‌ এক ঝাক্‌ ভাববাদী সমারে তর্‌ দেগা অবঅ যিগুনে গোজেনর দিয়্যে কধা কদে কদে উবোসনার উজু জাগাত্তুন্ লামি এচ্ছোন। তারার দলর্‌ মুজুঙো মানুচ্চুনে বীণা, জুড়ি আর বাঁশি আর হার্‌মোনি বাজাদে বাজাদে আদিবাক্‌।

১ শমূয়েল 18:6

দায়ূদে সেই পলেষ্টীয় গলিয়াত্‌রে মারে ফেলানার পরেন্দি মানুচ্চুনে যেক্কে ঘরত্‌ ফিরি এত্তন্‌ সেক্কে ইস্রায়েলর বেক্‌ আদাম আর শঅরানিত্তুন্‌ মিলেগুনে নাজি নাজি হুজির্‌ গান গেইনে আর ঝোন্‌‌ঝোনী আহ্‌ তিনতারা বাজাদে বাজাদে রাজা শৌলরে ভালেদি জানেবাত্তে নিগিলি এলাক্।