যিশাইয় 30:16 - Chakma Bible

¹⁶ তুমি কলা, “না, আমি ঘোড়াত্ চড়িনে ধেই যেবং।” সেনত্তে তমাত্তুন্ ধেই যাহ্ পুরিবো। তুমি কলা, “যে ঘোড়াবো জদবদে জুরে যায় সিয়োত্ চড়িনে আমি যেবং।” সেনত্তে যিগুনে তমারে লোড়েবাক্ তারা উজেই এবাক্।

যিশাইয় 30:16 ပူးပေါင်းရင်းမြစ်များ

২ রাজাবলী 25:5

তার্‌ বেক্‌ সৈন্যগুনে তাত্তুন্‌ ফারগ্ ওই যেইনে ছিদি পোজ্যন্‌ আর সে অক্তত্‌ বাবিলীয় সৈন্যদলুনে রাজার পিজেন্দি লোড়েইনে যিরীহোর সঙ্‌ জাগানত্‌ তারে ধুরি ফেলেলাক্‌।

ইয়োব 39:11

তার্ অমকদ বলানত্তে কি তা উগুরে তুই বিশ্বেজ্ গুরিবে? তর্ গুয়োর্ কামানি কি তুই তারে গুরিবাত্তে দিবে?

গীতসংহিতা 147:10

ঘোড়া বল্লোই তে হুজি ন-অয়, যুদ্ধোগুরিয়্যেবোর টেঙর্ বলানত্অ তার হুজি নেই;

গীতসংহিতা 33:17

রোক্ষ্যে পেবাত্তে ঘোড়া উগুরে বিশ্বেজ্ গরানা মিজে আজা; অমকদ বল্ থেলেয়ো ঘোড়াবো রোক্ষ্যে গুরি ন-পারে।

যিশাইয় 2:7

তারা দেজ্‌ছান সোনা আর রূবোলোই ভরা, তারার ধন-সম্পদর শেজ্ নেই। তারা দেজ্‌ছান ঘোড়ালোই সয়সাগর আর তারার্ রথ্‌অ ভালোক্কানি।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 31:3

মিসরীয়গুনে দঅ মানুচ্, তারা গোজেন নয়; তারার্ ঘোড়াগুন য়েরাবলা, সিগুন আত্মা নয়। লগেপ্রভু যেক্কে তা আঢ্‌তান তুলিবো সেক্কে সাহায্যগুরিয়্যেগুনে উজোত্ হেবাক্ আর যিগুনে সাহায্য পান্ তারা পড়িবাক্; তারা বেক্কুনে একসমারে ভস্ত ওই যেবাক্।

যিরমিয় 39:4

যিহূদার রাজা সিদিকিয় আর তার বেক্ সৈন্যগুনে তারারে দেগিনে ধেই গেলাক্; তারা রেদো অক্তত্ রাজার বাগান পথ্‌তান ধুরিনে দি দেবাল গেদো ইন্দি শঅরান ছাড়িনে অরাবা ইন্দি গেলাক্।

যিরমিয় 4:13

চঅ, তে মেঘ ধোক্ক্যেন গুরি উজেই এজের্। তার রথ্‌‌তানি টুত্যে বোইয়্যের ধোক্ক্যেন এজের্ আর তার ঘোড়াগুন ধবাচিল পেগোত্তুন্‌অ জোরে দাবা দুয়োন্। হায়, হায়, আমি ভস্ত ওই গেলং!

যিরমিয় 46:6

যিগুনে যাদিমাদি ধাবা দি পারন তারায়ো ধেইযেই ন-পাত্তন্; খেমতাবলা গুনেয়ো ধেইযেই ন-পাত্তন্। উত্তোরেদি ইউফ্রেটিস নাঙ ইধু তারা উজোত্ হেইনে পড়ি যেয়োন।

যিরমিয় 52:7

পরেদি শঅর দেবালর্ এক্কান জাগা ভাঙি গেলঅ। যুনিয়ো বাবিলীয়গুনে সেক্কেয়ো শঅরান্ ঘিজ্যে এলাক্ তো রেদোত্ যিহূদার বেক্ সৈন্যগুন রাজার বাগান ইধু দ্বিদেবাল গেদোদি ধেই যেইনে অরাবার ইন্দি গেলাক্।

আবিলেচ্ 4:19

আমারে যিগুনে লোড়েদাক্ তারা আগাজ ঈগল পেগোত্তুন্‌অ বেশ্ জোরে যেদাক্; তারা মুড়োই মুড়োই আমারে লোড়েদাক্ আর ধূল্যেচর-চাগালাত্ হাফ্ দি থেদাক্ আমাত্তে।

আমোষ 9:1

মুই প্রভুরে পূজোবো কায়-কুরে থিয়্যেই থাগদে দেগিলুং। তে কলদে, “খুদোগুনো মাঢাত্ আঘাত্ গরঅ যেনে সিগুন গির্‌‌‌গিরে উদিনে সিদুগো বেক মানুচ্চুনোর মাঢা উগুরে ভাঙি পড়ন্। যিগুনে বাঁজি থেবাক্ যুদ্ধোত্ মুই তারারে মারে ফেলেম। কনজনে যেই বা ধেই ন-পারিবাক্।

মীখা 1:13

ও লাখীশোত্ বজত্তি গুরিয়্যে মানুচ্চুন, তুমি রথ সমারে ঘোড়াগুনোরে লাগেই দুয়ো। ইস্রায়েলর অন্যেয়ান পত্তমে তমা ভিদিরে পাহ্ যেইয়্যে বিলি সিয়োন-ঝিবোরে তুমি পাপর্ পধেদি নেযেয়ো।

হবক্‌‌‌‌কূক 1:8

তারার্ ঘোড়াগুন হোক্যে বাঘত্তুন্অ বেশ্ যান, সিগুন সাজোন্যে নেকড়ে বাঘত্তুন্অ বেশ্ দর্‌‌‌গরেপারা। তারার্ ঘোড়া চালেয়্যেগুনে দূরত্তুন্ দাবা এজন্; গিলিবাত্তে তারা শকুনো ধোক্ক্যেন যাদিমাদি এজন্।

দ্বি’লম্বর বিররণ 28:25

লগেপ্রভু এধোক্ক্যেন গুরিবো যেনে তুমি তমার শত্রুগুনোর মুজুঙোত্‌ উদিই যঅ। তুমি এককিত্তেন্দি তারারে আক্রমণ গুরিবা মাত্তর্‌ তারা মুজুঙোত্তুন ধেই যেবাক সাত কিত্তেত্তুন। পিত্‌থিমীর অন্য বেক্‌ রেজ্যর্‌ মানুচ্চুনে তমা অবস্থা দেগিনে দরে গির্‌গিরেবাক।

দ্বি’লম্বর বিররণ 28:49

লগেপ্রভু দূরোত্তুন, পিত্‌থিমীর শেজ্‌ দুঝিত্তুন এমন্‌ এক্কো জাদরে তমার বিরুদ্ধে লোই আনিবো যিগুনোর কধানি তুমি ন-বুঝিবা। ঈগল পেগো ধোক্ক্যেন গুরি সে জাত্তো ছোঁ মারিনে তমা উগুরে লামি এবঅ।