যিশাইয় 30:1 - Chakma Bible

¹ লগেপ্রভু কোইয়্যেদে, “অভিশাব্ দুয়োং সেই একবুচ্চ্যে পুয়োগুনোরে, যিগুনে পরিকল্পনা মজিম্ কাম্ গরন্ মাত্তর্ মঅ পরিকল্পনা মজিম্ নয়। তারা সমাজ্যে বানান্ মাত্তর্ মঅ আত্মাগানর্ আওজ্ মজিম্ নয়। এবাবোত্যেগুরি তারা পাপ উগুরে পাপ বেশ্ গরন্।

যিশাইয় 30:1 ပူးပေါင်းရင်းမြစ်များ

২ রাজাবলী 18:21

তুই দঅ বিশ্বেজ্ গোজ্যস্‌ সেই বুদি যেইয়্যে নল, অর্থাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আত্তান্‌ কানা গুরি দিবো। মিসর রাজা ফরৌণ উগুরে যিগুনে বিশ্বেজ্ গরন্‌ তারা উগুরে তে সেধোক্ক্যেন গরে।

২ রাজাবলী 18:24

যুনি সিয়েন ন-পারচ্‌ সালে মঅ গিরোজ্‌সো কাম্‌গুরিয়্যেগুনো ভিদিরে বেগত্তুন্‌ যে চিগোন্‌ তারে বা তুই কেধোক্ক্যেন গুরিনে মানা গুরিবে, যুনিয়ো তুই মিসর রথ আর ঘোড়া সৈন্যগুনো উগুরে বিশ্বেজ্ গরর্‌?

গীতসংহিতা 61:4

তর্ তাম্বুলোত্ যেন মুই জিংকানিবর বজত্তি গুরি পারং; তর্ ডুয়োগান তলে যেন আশ্রয় পাং।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

যিশাইয় 28:20

লাম্বা ওইনে ঘুম্ যেবাত্তে তমার্ বিচ্ছোনান্ বাদি, আর কিয়্যেত্ উরিবাত্তে কম্বলান্অ চিগোন।

যিশাইয় 29:15

অভিশাব্ পোড়োক্ সেই মানুচ্চুনোর্, যিগুনে লগেপ্রভু ইত্তুন্ তারার্ পরিকল্পনাগানি লুগেবাত্তে জদবদে চেট্ট্যা গরন্। তারা আন্ধারত্ তারার্ কামানি গরন্ আর ভাবন্, “কন্না আমারে দেখ্যে? কন্না কোই পারিবো?”

যিশাইয় 30:9

এ মানুচ্চুনে উল্লোমী আর মিজে কধা কোইয়্যে; তারা লগেপ্রভুর্ শিক্ষ্যেনি শুনিবাত্তে রাজি নয়।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 4:5

লগেপ্রভু সেদিন্যে সিয়োন মুড়োবোর্ বেক জাগায়ান উগুরে আর যিগুনে সিদু এগত্তর্ অবাক্ তারা উগুরে দিনোত্ ধূমো আর রেদোত্ জোল্‌জোল্যে আগুনো পহ্‌র গুরি দিবো; সিয়েন অবদে বেক্ ইস্রায়েলর মহিমাগান উগুরে যেন এক্কো চান্।‍‍‍‍‍

যিশাইয় 5:18

অভিশাব্ পোড়োক্ সেই মানুচ্চুনোর্, যিগুনে ছলনার্ দুড়িলোই ভান্ন্যেয়ানরে টানি আনন্, আর পাপ জিনিস্‌ছানরে টানি আনন্ যেন গোরু গাড়ি দুড়িলোই।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিশাইয় 65:2

একবুস্যে মানুচ্চুনো ইন্দি মুই সারা দিন মঅ আঢ্‌তান বাবেই রাগেয়োং। তারা নিজো নিজো কল্পনার পিজেদি যেইনে ভান্ন্যেই পধেদি চলন্।

যিশাইয় 8:11

লগেপ্রভু তা খেমতাবলা আঢ্‌‌‌তান মঅ উগুরে রাগেইনে মঅ সমারে কধা কলঅ। তে মরে উজিয়ার্ গুরি দিলো যেন মুই এ মানুচ্চুনোর্ পধেদি ন-আঢং। তে কলঅ,

যিশাইয় 8:12

“এ মানুচ্চুনে যিয়েনিরে কুজুরোমি কন্ তুমি সিয়েনির কনগানরে কুজুরোমি ন-কোয়ো। তারা যিয়েন দরান্ তুমি সিয়েন ন-দোরেয়ো; সিয়েন দর্‌গরেপারা বিলিনে মনে ন-গোজ্য।‍

যিশাইয় 8:19

মান্‌জ্যে যেক্কে তমারে সেই মানুচ্চুনো ইদু যেবাত্তে কন্ যিগুনে মরা আর ভান্ন্যেই আত্মাগুনো লগে মিজেইনে ফুজু ফুজু আর বিড়্‌বিড়্‌ গরন্, সেক্কে তমার্ কি গোজেন ইদু যানা উজিত্ নয়? যিগুনে জেদা আগন্ তারার্ ওইনে কিত্তে মরাগুনো সমারে সল্লা গুরিবাত্তে যেবা?

যিরমিয় 17:5

লগেপ্রভু কোইয়্যেদে, যে মানুচ্চো মান্‌‍‌জ্য উগুরে বিশ্বেজ্ গুরিনে আর বলত্তে নিজো কিয়্যে উগুরে বিশ্বেজ্ গরে আর যিবের্ মনান মত্তুন্ সুরি যেইয়্যে তে অভিশাব্ পেইয়্যে।

যিরমিয় 2:18

ইক্কিনে নীল গাঙর্ পানিগান হেবাত্তে কিত্তে তুই মিসরত্ যর্? ইউফ্রেটিস গাঙর্ পানিগান হেবাত্তে কিত্তে তুই আসিরিয়া দেজত্ যর্?

যিরমিয় 4:17

খেদ চুগিদার ধোক্ক্যেন তারা যিরূশালেমরে ঘিরি রাগেবাক্, কিত্তে তে মঅ বিরুদ্ধে উল্লোমি গোজ্যে। মুই লগেপ্রভু এ কধাগান কঙর্।

যিরমিয় 42:19

“ও যিহূদার বাদবাগি মানুচ্চুন, লগেপ্রভু দঅ তমারে কোইয়্যে, ‘তুমি মিসরত্ ন-যেয়ো।’ তমারে জানে রাগেলুং মুই এচ্চ্যে তমারে উজিয়ার গরঙর্,

যিরমিয় 5:23

মাত্তর্ এ মানুচ্চুনোর মনানি এক বুস্যে আর উল্লোমি। তারা ভান্ন্যেই পধেদি যেইয়োন।

যিহিষ্কেল 11:2

লগেপ্রভু মরে কলঅ, “ও মান্‌‌জ্যর পুয়োবো, ইগুন সেই মানুচ্ যিগুনে শঅর ভিদিরে কুজুরোমি গত্তন্ আর ভান্ন্যেই সল্লা দেদন্।

যিহিষ্কেল 2:3

তে কলঅ, “ও মান্‌‌‌জ্যর্ পুয়োবো, মুই তরে ইস্রায়েলীয়গুনো ইধু, অত্তাৎ যিগুনে মঅ বিরুদ্ধে উল্লোমী গোজ্যন্ সেই উল্লোমী জাদ ইধু পাদাঙর্; তারা আর তারার্ পুরোণি মানুচ্চুনে এজঅ সং মঅ বিরুদ্ধে উল্লোমী গুরি এত্তন্।

যিহিষ্কেল 24:3

এ উল্লোমী জাদ ইধু এ উপমাগান কধা কঅ। তারারে কঅ, প্রভু লগেপ্রভু কোইয়্যেদে, পিলেবো চোলুন চড়া, চোলুন চড়া আর সিবে ভিদিরে পানি দে।

যিহিষ্কেল 29:16

ইস্রায়েলীয়গুনে আর কনদিন্‌অ মিসর উগুরে বিশ্বেজ্ ন-গুরিবাক্। মিসরর্ অবস্থাগান্ দেগিনে তারা বুঝি পারিবাক্, সাহায্যত্তে মিসর ইন্দি ফিরিনে তারা পাপ গোজ্যন্। সেক্কে তারা হবর্ পেবাক্, মুয়ই প্রভু লগেপ্রভু।’”

যিহিষ্কেল 3:9

মুই তঅ কবালান্ হীরা ধোক্ক্যেন দর, চক্‌‌‌‌মকি পাত্তরত্তুন্‌অ বেশ্ দর গুরি দিলুং। যুনিয়ো তারা এক্কো উল্লোমী জাদ্ তো তুই তারারে ন-দোরেচ্ বা তারারে দেগিনে ন-দোরেচ্।”

হোশেয় 11:6

তারার্ শঅরত্ অমকদ যুদ্ধো অবঅ; সেক্কে তারার্ গেইট্টুনোর্ হুগ্‌‌কুন ভাঙি যেবাক্ আর তারার্ পরিকল্পনার কারনে তারা শেজ্ ওই যেবাক্।

হোশেয় 13:2

ইক্কিনে তা মানুচ্চুনে আরঅ বেশ্ গুরি পাপ গোজ্যন্; তারার্ রূবোগানিলোই তারা নিজোত্তে কাবিল আঢ্‌‌তোই বানেয়্যে মূত্তি, অত্তাৎ কাবিল্ আত্‌‌‌‌তোই মূত্তি বানেয়্যন; সিগুন বেক্কুন্ কালিগর কাম। এ মূত্তিগুনো পৌইদ্যেনে তারা কন্, “যিগুনে উৎসর্ব গরন্ তারা গোরু ছঅ-মূত্তিগুনোরে চুমোদোক্।”

হোশেয় 7:13

অভিশাব্ পোড়োক্ তারার্, কিত্যে তারা মত্তুন্ ভান্ন্যেই পধেদি যেইয়োন। তারার্ সর্বনাশ ওক্, কিয়া তারা মঅ বিরুদ্ধে উল্লোমী গোজ্যন। মুই তারারে উদ্ধোর্ গুরিবাত্তে চাং মাত্তর্ তারা মঅ বিরুদ্ধে মিজে কধা কন্।

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

গণাণা 32:14

“আর তুমি, পাপীগুন, তমার বাপ-দাদাগুনোর্‌ জাগাত্‌ এইনে থিয়েইয়ো আর ইস্রায়েলীয়গুনো উগুরে লগেপ্রভুর রাগর্‌ আগুনান আরঅ বাড়েই দুয়ো।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

দ্বি’লম্বর বিররণ 29:19

এধোক্ক্যেন মানুচ্‌ এ শমক্ গোজ্যে কধানি শুনোনার সলাবোত্‌ যুনি নিজোরে ভাগ্যত্যে বিলিনে মনে গরন্‌ আর মনে মনে ভাবে, নিজোর আওজ্ মজিম চুলিলেয়ো তে গমেডালে থেবঅ, সালে তমার বেক্কুনো উগুরে তে দজা ডাগি আনিবো।

দ্বি’লম্বর বিররণ 9:24

মুই যেক্কেত্তুন্‌ ধুরি তমারে চিনি পাজ্যং সেক্কেত্তুন্‌ ধুরি দেখ্যংগে, তুমি লগেপ্রভুর বিরুদ্ধে বানা উল্লোমী গুরি যল্লোই।

দ্বি’লম্বর বিররণ 9:7

তুমি ধূল্যেচর-চাগালাত্‌ তমার্‌ গোজেন লগেপ্রভুর রাক্কান্‌ কিঙিরিনে জাগেই তুল্য সিয়েন্‌ মনত্‌ রাগেয়ো, কনদিনঅ ভুলি ন-যেয়ো। মিসর দেজছান ছাড়ি এজানার্‌ দিনোত্তুন্‌ ধুরি আরাম্ভ গুরিনে ইদু লুমোনা সং তুমি লগেপ্রভুর বিরুদ্ধে উল্লোমির্‌ ভাব মনত্‌ গুরি এজর্‌।

২ তীমথিয় 3:13

মাত্তর্ পাজি মানুচ্চুনে আর ফক্করুনে দিন দিন আরঅ বজং অবাক্। তারা অন্যগুনোরে ভুল্ পধেদি নেযেবাক্ আর নিজেয়ো ভুল্ পধেদি চলিবাক্।

যিহোশূয় 9:14

ইস্রায়েলীয়গুনে তারার হানানি নেযেইনে চেলাক্‌ ঠিগ্ মাত্তর্‌ লগেপ্রভুর মতামত্তান্‌ পুজোর্‌ ন-গুরিলাক্‌।