যিশাইয় 3:1 - Chakma Bible

¹ ইক্কিনে চঅ, যেদক্কানি জিনিস আর মানুচ্চুনো উগুরে বিশ্বেজ্ গরন্ সেই বেক যিরূশালেমান্ আর যিহূদাত্তুন্ বেগত্তুন্ খেমতাবলা প্রভু লগেপ্রভু দূর্ গুরি দিবাত্তে যার্। তে তারার্ বেক হানাগানি আর পানিগান দূর্ গুরি দিবো।

যিশাইয় 3:1 ပူးပေါင်းရင်းမြစ်များ

২ রাজাবলী 25:3

চের্‌ মাস নয় দিনোত্‌ শঅরত্‌ ভাদঅ রাত্ এদক্‌ বেশ্‌ অলঅ, মানুচ্চুনোর হেবাত্তে কিচ্ছু ন-এলঅ।

গীতসংহিতা 105:16

সে পরেন্দি তে তারার দেজত্ ভাদ রাত্ ডাগি আনিলো আর তারার হানা-দানার অভাব গুরি দিলো,

যিশাইয় 1:24

সেনত্তে বেগত্তুন্ খেমতাবলা প্রভু লগেপ্রভু, ইস্রায়েলর্ সেই খেমতাবলা গোজেনে কোইয়্যেদে, “আহ্, মর্ বিপক্ষগুনো আঢত্তুন্ মুই রেহাই পেইম্ আর মঅ শত্রুগুনো উগুরে হেনা উগুরেম্।

যিশাইয় 2:22

তুমি মান্‌জ্য উগুরে নির্ভর্ গরানা ছাড়ি দুয়ো। মান্‌‌জ্যর পরাণান্ দঅ তা নাক্কোর্ এক্কো নিজেস্ বাদে আর্ কিচ্চু নয়; তার্ কনঅ দাম নেই।

যিশাইয় 3:16

লগেপ্রভু আরঅ কলঅ, “সিয়োনর মিলেগুন্ বাড়্‌বো। তারা মাঢাবো উজু গুরি আঢি বেড়ান্ আর চোগেদি ইজিরে দুয়োন্; টেঙ নূপুরোর্ রুম্‌ঝুম রঅবো তুলিনে তারা পাদল্ টেঙানিলোই কায়দা গুরিনে আঢন্।

যিশাইয় 36:12

মাত্তর্ জোবত্ রব্‌শাকি কলঅ, “মঅ গিরোজ্‌‍‍সো কি বানা তমার্ গিরোজ্ আর তমা ইদু এ কধানি কবাত্তে মরে পাদেয়্যে? দেবাল উগুরে বোস্যে সেই মানুচ্চুনে, যিগুনোর্ তমা ধোক্ক্যেন নিজোর নিজোর ঘু আর মুদ্ হা পুরিবো তারা ইদুয়ো কি কোই ন-পাদাচ্?” ‍

যিশাইয় 5:13

সেনত্তে বুদ্ধির্ অভাবে মঅ মানুচ্চুনে অন্য দেজত্ বন্দি ওই থেবাক্। তারার্ মুরুব্বিগুনে পেট্ পরায় মুরিবাক্, আর তারার্ অন্য মানুচ্চুনোর্ বুগ্‌কুন্ পানি তিরেজে শুগেবাক্।‌

যিশাইয় 51:22

তর্ প্রভু লগেপ্রভু, তর্ গোজেন, যিবে তা মানুচ্চুনোর তপ্পে থায় তে এ কধাগান কোইয়্যেদে, “চাহ্, যে গলচ্চোত্তুন্ হেইনে তুই মাত্তল্ অদে সিবে মুই তঅ আঢত্তুন্ নেযেয়োং; মর্ রাগর সেই গলচ্চোত্তুন্ তুই আর কনদিন্‌অ ন-হেবে।

যিশাইয় 9:20

এ ডাগেদি যিয়েনি আঘে সিয়েনি তারা গিলিবাক্, মাত্তর্ তো পেট্‌পরা থেবঅ; উ ডাগেদি যিয়েনি আঘে সিয়েনি হেই পারিবাক্, মাত্তর্ ঈল্ ন-অবঅ। যেরেদি পত্তিজনে নিজো মানুচ্চুনোর্ য়েরা হেবাক্-

যিরমিয় 37:21

সেক্কে রাজা সিদিকিয় যিরমিয়রে চুগিদারুনো উদোনত্ থবাত্তে উগুম দিলো আর শঅরর্ বেক রুটিগানি থুম্ ন-অনা সং পত্তিদিন রুটিবলাগুনোরে পধত্তুন্ তারে এক্কান গুরি রুটি দিবাত্তে উগুম দিলো। সেনত্তে যিরমিয় চুগিদারুনো উদোনত্ রলঅ।

যিরমিয় 38:9

“ও মর্ প্রভু মহারাজ, এ মানুচ্চুনে ভাববাদী যিরমিয় উগুরে যিয়েনি গোজ্যে সিয়েন অন্যেয়। তারা তারে কূয়োবোত্ ফেলেই দুয়োন; তে সিয়েনত্ পেট্ পরায় মুরি যেবঅ, কিত্তে শঅরত্ আর রুটি নেই।”

যিরমিয় 52:3

যিরূশালেম আর যিহূদার মানুচ্চুনোত্যে লগেপ্রভু রাগে ফুলি উঠ্যে আর যেরেদি তে তা মুজুঙোত্তুন্ তারারে দূর্ গুরি দিয়্যে। পরেদি সিদিকিয় বাবিল রাজার বিরুদ্ধে উল্লোমি গুরিলো।

যিরমিয় 52:6

চের্ মাজত্ নয় দিনোত্ শঅরত্ ভাদরাদর্ অবস্থা এদক্ বেশ্ অলঅ যে, মানুচ্চুনোর্ হেবাত্তে কিচ্চু ন-এলঅ।

আবিলেচ্ 5:4

আমার হেবার্ পানিগান কিনি হা পড়ে; বানা দাম দিইনে আমি তক্তা পেই পারিই।

যিহিষ্কেল 14:13

ও মান্‌‌জ্য পুয়োবো, ধুরিচ্, অবিশ্বেজি ওইনে কনঅ দেজ্ মঅ বিরুদ্ধে পাপ গুরিলো আর মুই তা বিরুদ্ধে আঢ্ বাবেইনে তা হানার যোগানানি বন্ধ গুরিলুং আর ভাদরাত্ পাধেইনে তা মানুচ্ আর এ্যামানুনোরে মারে ফেলেলুং।

লেবীয় 26:26

মুই তমারে হানার্‌ অভাব-অনটনত্‌ ঘোদেম্‌। সেক্কে দশজন মিলের্‌ রুটি সেঁক্‌কে এক্কোত্তুন্‌ বেশ্‌ চুলো ন-লাগিবো, আর হেবার্‌ অক্তত্‌ তুমি রুটি মাবি মাবি দিবা। তুমি পেট ভুরি হেই ন-পেবা।

আমোষ 4:6

“মুই আরঅ কঙর্, পত্তি শঅরত্ মুই তমারে খালি পেদে রাগেলুং আর পত্তি আদামত্ রুটির অভাব দিলুং; তো তুমি মইদু ফিরি ন-এলা।

মীখা 4:9

কিত্তে তুই ইক্কিনে জোরে জোরে কানর্? তুই কি রাজা নেই? তর্ সল্লা দিয়্যেবো কি মুরি যেইয়্যে? সেনত্তে কি পুয়ো ফুদোইদ্যে দুঘ্ পেইয়্যে মিলে ধোক্ক্যেন তরে পীড়ে ধোজ্যে?