যিশাইয় 29:17 - Chakma Bible

¹⁷ কয়েক্ দিনো ভিদিরে দঅ লেবাননর্ ঝার্ এক্কান বোল্‌বোল্যে ওই উদিবো আর বোল্‌‌‌‌‌‌বোল্যে ভূইয়ান ঝার ধোক্ক্যেন মনে গুরিবা।‌‌‌‌‌

যিশাইয় 29:17 ပူးပေါင်းရင်းမြစ်များ

গীতসংহিতা 107:33

তে গাঙানিরে ধূল্যেচর-চাগালা ধোক্ক্যেন্ গরে, পয়নালারে গরে শুগুনো ভূই ধোক্ক্যেন্,

গীতসংহিতা 107:35

তে ধূল্যেচর-চাগালাগানরে পুয়োর্ বানায় আর শুগুনো জাগানরে গরে পয়নালা।

গীতসংহিতা 84:6

বেঙা-কলগ ভিদিরেন্দি যেবার সময়োত্ তারা জাগায়ানরে পয়নালার জাগা বানান্; পত্তম্ বারিজের্ ঝড়ানে সেই জাগায়ানরে আশিদবাদে ভোরেই দে।

যিশাইয় 41:19

মুই ধূল্যেচর চাগালাত্ এরস, বাব্‌লা, গুলমেদি আর ঝার্‌‌‌‌‌‌বো জলপাই গাজ্ লাগেম আর ধূল্যেচরত্ লাগেম বেরস, ঝাউ আর তাশূর গাজ,‌‌‌‌‌‌‌‌

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিশাইয় 55:13

কাদাঝুবোর্ বদলে বেরস আর কাদাগাজর বদলে গুলমেঁদি জোর্মেব। লগেপ্রভুর সুনাঙত্তে এক্কান উমরর্ চিহ্নো ইজেবে ইয়েনি অবঅ। সেই চিহ্নোগান কনদিন্অ ভস্ত ন-অবঅ।”

যিশাইয় 63:18

তর্ সুদ্ধো-সাংগ জাগায়ান কয়েক দিনোত্তে তর্ যুদো গোজ্যে মানুচ্চুনোর আঢত্ এলঅ, মাত্তর্ ইক্কিনে আমা শত্রুগুনে সিয়েন টেঙোই উজ্যন্।

হোশেয় 3:4

ঠিগ্ এবাবোত্যেগুরি ইস্রায়েলীয়গুনে ভালোক্ দিন সং রাজা, নেতা, উৎসর্বর অনুষ্ঠান, পূজোর্ পাত্তর্, এফোদ আর মূত্তি ছাড়া থেবাক্।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

হবক্‌‌‌‌কূক 2:3

কিত্যে এ দর্শনানর্ কধাগান পূরোণ অবার্ সময় এজঅ বাগী আঘে, মাত্তর্ সিয়েন যাদিমাদি উজেই এজের্ আর সে দর্শনান্ মিজে প্রমান্ ন-অবঅ। দিরি অলেয়ো সিয়েনত্তে বাজ্জেই থাগঅ; সিয়েন ঠিগ্ সময়োত্ হামাক্কায় পূরোণ অবঅ। তুই এ কধাগান লেগ্:

হগয় 2:6

“‘মুই বেগত্তুন্ খেমতাবলা গোজেন লগেপ্রভু কঙর্, আর কয়েকদিন পরে মুই আর একবার আগাজ, পিত্‌‌থিমী, সাগর আর ভূইয়ানরে লাড়েম্।

মথি লেখ্যে গম্ হবর্ 19:30

মাত্তর্ যিগুনে পত্তম সুরোত্ আগন্ তারা ভিদিরেত্তুন্ ভালোক্‌জনে বেগ যেরেদি পড়িবাক্, আর যিগুনে বেগ যেরেদি সুরোত্ আগন্ তারা ভিদিরেত্তুন্ ভালোক্‌জনে পত্তম্ অবাক্।

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

ইব্রীয় 10:37

কিয়া গোজেনর্ কধা মজিম, “যিবে এবার্ কধা আঘে তে খুব কয়েক দিনো ভিদিরে এবঅ, দেরি ন-গুরিবো।