যিশাইয় 29:15 - Chakma Bible

¹⁵ অভিশাব্ পোড়োক্ সেই মানুচ্চুনোর্, যিগুনে লগেপ্রভু ইত্তুন্ তারার্ পরিকল্পনাগানি লুগেবাত্তে জদবদে চেট্ট্যা গরন্। তারা আন্ধারত্ তারার্ কামানি গরন্ আর ভাবন্, “কন্না আমারে দেখ্যে? কন্না কোই পারিবো?”

যিশাইয় 29:15 ပူးပေါင်းရင်းမြစ်များ

২ শমূয়েল 11:27

আবিলেচ্‌ গরানার্‌ পরেন্দি দায়ূদে তারে তা ঘরত্‌ আনিলো। তে তার মোক্‌ অলঅ আর তার্‌ এক্কো পূঅ অলঅ। মাত্তর্‌ দায়ূদে যিয়েন্‌ গোজ্যে সিয়েন্দোই লগেপ্রভু বেজার্‌ অলঅ।

২ রাজাবলী 17:9

ইস্রায়েলীয়গুনে চুর্‌ গুরিনে লগেপ্রভুর বিরুদ্ধে বোউত্‌ ভান্ন্যেই কাম্‌ গুরিদাক্‌। তারা যে জাগানিত্‌ বজত্তি গুরিদাক্‌ -সিয়েনি চিগোন্‌ ওক্‌ বা দাঙর্‌ ওক্‌-সে বেক জাগানি নিজোত্তে পূজোর্‌ অজল্‌ জাগা বানেয়োন।

ইয়োব 34:22

এমন্ কনঅ আন্ধার জাগা বা ঘন ছাবা নেই যিয়েনত্ বজং কাম গোজ্যে মানুচ্চুনে পোইল্যে থেই পারন।

গীতসংহিতা 59:7

চাহ্, তারা মুয়োন্দি কি বেক্ কধানি নিগিলেয়োন্, তারার ঠুদোত্তুন যেন লাম্বা ছুরি নিগিলি এজের্; তারা কদন, “আমা কধানি কনজনে ন-শুনিবাক্।”

গীতসংহিতা 73:11

তারা কন্দে, “গোজেনে কি বাবোত্যেগুরি হবর্ পেব? দাঙর্ গোজেন ইদু জ্ঞান বিলিনে কি কিজু আঘে?”

গীতসংহিতা 83:3

তঅ মানুচ্চুনোর বিরুদ্ধে তারা সল্লা গত্তন্, তুই যিগুনোরে রোক্ষ্যে গোজ্যস্ তারার বিরুদ্ধে কুজুরোমি গোজ্যস্।

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

যিশাইয় 28:17

মুই ন্যায়বিচেরানরে মাবর্ দুড়ি আর সততাগানরে ওলনদুড়ি গুরিম্; শিলোঝরানে তমারে আশ্রয় জাগা ধোক্ক্যেন্ মিজেগানরে ভস্ত গুরি দিবো, আর বান পানিগানে তমার পোল্যে থেবার্ জাগায়ান ভাজেই নেযেব।

যিশাইয় 30:1

লগেপ্রভু কোইয়্যেদে, “অভিশাব্ দুয়োং সেই একবুচ্চ্যে পুয়োগুনোরে, যিগুনে পরিকল্পনা মজিম্ কাম্ গরন্ মাত্তর্ মঅ পরিকল্পনা মজিম্ নয়। তারা সমাজ্যে বানান্ মাত্তর্ মঅ আত্মাগানর্ আওজ্ মজিম্ নয়। এবাবোত্যেগুরি তারা পাপ উগুরে পাপ বেশ্ গরন্।

যিশাইয় 47:10

তর্ সেই পাজিগান উগুরে তুই বিশ্বেজ্ গরর্ আর কোইয়োচ্চ্যে, কনজনে মরে ন-দেগদন্। তর্ জ্ঞান আর বুদ্ধিগানে তরে ভান্ন্যেই পধেদি নেযেয়্যে; তুই মনে মনে কোইয়োচ্চ্যে, বানা মুয়ই আগং, মুই বাদে আর কনজন নেই।

যিশাইয় 57:12

তর্ সততাগান আর তঅ কামানি যে কি সিয়েনি মুই ফগদাং গুরিম; সিয়েনি দঅ তর্ কনঅ উপকারত্ ন-এবঅ।

যিরমিয় 23:24

কনজনে কি এমন গুমুরো জাগাত্ লুগেই পারে যিয়েনত্ মুই তারে ন-দেগং? মুই কি স্বর্গ আর পিত্‌‌‌‌থিমীর বেক্ জাগায়ানত্ ন-থাং‌?”

যিহিষ্কেল 8:12

তে মরে কলঅ, “ও মান্‌‌জ্যর পুয়োবো, ইস্রায়েলীয়গুনোর বুড়ো নেতাগুনে আন্ধারত্ পত্তিজনে নিজোর্ নিজোর্ ঘরত্ মূত্তিগুনো ইধু কি গত্তন্ সিয়েন কি তুমি বুঝি পাজ্য? তারা কদন্, ‘লগেপ্রভু আমারে ন-দেগে, কিত্যে তে দেজ্‌‌‌চান ছাড়ি যেয়েগোই।’”

যিহিষ্কেল 8:8

তে মরে কলঅ, “ও মান্‌‌‌‌‌জ্যর পুয়োবো, দেবালর্ সেই গাদ্‌‌‌‌‌তো আর দাঙর্ গর্।” সেনত্তে মুই সে গাদ্‌‌‌‌‌‌তো আর দাঙর্ গুরিলুং আর সিয়েনত্ এক্কান দুয়োর্ দেগিলুং।

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

হোশেয় 5:2

উল্লোমীগুনে অমকদ অত্যেচার গত্তন্, মাত্তর্ মুই তারারে বেক্কুনোরে সাজা দিম।

সফনিয় 1:12

সে সময়োত্ মুই চেরাগ্‌‌কোই যিরূশালেমর বেক জাগানিত্ তোগেম্ আর যিগুনে নিজোরে নিইনে হুজি থান্ আর কন্, ‘লগেপ্রভু গম্-ভান্ন্যেই কিচ্ছু ন-গুরিবো,’ তারারে মুই সাজা দিম্।

মালাখি 2:17

তুমি নিজো কধালোই লগেপ্রভুরে বল্‌‌‌‌‌পোজ্যে গোজ্য। তো তুমি কত্তে, “কেধোক্ক্যেন্‌গুরি আমি তারে বল্‌পোজ্যে গোজ্যেই‌‌‌‌‌?” তুমি এবাবোত্যেগুরি গোজ্য-তুমি কোইয়োদে, “যিগুনে অন্যেই গরন্ তারা বেক্কুনে লগেপ্রভুর চোগেদি গম্ আর তে তারা উগুরে হুজি,” বা কোইয়োদে, “কুদু সেই গোজেনে যিবে ন্যায়বিচের্ গরে?”

যোহন 3:19

তারে দুষি বিলি ঠিগ্ গরা ওইয়্যে কিয়া জগদত্ পহ্‌র এচ্চ্যে, মাত্তর্ মান্‌জ্যর্ কামানি ভান্ন্যেই বিলি মানুচ্ পহ্‌রত্তুন্ আন্ধাররে বেশ্ কোচ্‌পেইয়োন্।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।