যিশাইয় 29:14 - Chakma Bible

¹⁴ সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিশাইয় 29:14 ပူးပေါင်းရင်းမြစ်များ

ইয়োব 12:17

তে মন্ত্রীগুনোর্‌ কাবড়্‌-চুগোড়ানি খুলি ফেলেইনে তারারে বানি থয় আর বিচেরগ্‌কুনোরে ভুল্‌ বানায়।

ইয়োব 5:13

তে জ্ঞানীগুনোরে তারার্‌ চালাগ ভিদিরে ধরে, আর ছলনাগুরিয়্যেগুনোর ফন্দিগানি নঅ ফলে।

যিশাইয় 10:12

প্রভু সিয়োন মুড়ো আর যিরূশালেম বিরুদ্ধে তার্ বেক কামানি থুম্ গুরিনে কবদে, “আসিরিয়া রাজার অহংকারী মনর্ কামানি আর তার বাড়্‌‌বো চোগ্‌‌কুনোত্তে মুই তারে সাজা দিম্,

যিশাইয় 19:3

মিসরীয়গুনে মন বল্ আরেবাক্, আর মুই তারার সল্লাগান্ নিষ্ফল গুরি দিম্। তারা মূত্তি আর মরাগুনোর্ আত্মার্ ইধু, ভূদো ইধু, আর ভান্ন্যেই আত্মাগুনো সমারে মিজেয়্যে রোক্ক্যেগুরিয়্যেগুনো ইধু সল্লা চেবাক্।

যিশাইয় 28:21

লগেপ্রভু যুদ্ধো গুরিবো, যেবাবোত্যেগুরি তে পরাসীম মুড়োবোত্ গোজ্যে। তে উত্তেজিত অবঅ, যেবাবোত্যে গুরি গিবিয়োন কলগত্ ওইয়্যে। এবাবোত্যেগুরি তে তার কামানি, তার আমক্ অবার আর অসাধারন কামানি থুম্ গুরিবো।

যিশাইয় 44:25

ভন্ড ভাবভাদীগুনোর্ চিহ্নোগানি মুই বিফল গুরি দুয়োং আর গণক্ক্যেগুনোরে ভুল-বেদমা বানাং। মুই জ্ঞানীগুনোর শিক্ষ্যেগানি বিফল গুরিনে সিয়েনি ভুল-বেদমাগুনোর্ শিক্ষ্যে বানাং।‌

যিশাইয় 63:17

ও লগেপ্রভু, তঅ পথ্‌তান ছাড়িনে কিত্তে আমারে ঘুরি ঘুরি বেড়েবাত্তে দুয়োর্? আমি যেন তরে ভোক্তিবলা ন-দোরেই সেনত্তে কিত্তে তুই আমা মনানি দরমর গরর্? তঅ চাগরুনোত্তে, অত্তাৎ যে গুট্টিগুন তর্ অধিকার, তারাত্তে তুই ফিরি আয়।‌

যিরমিয় 19:7

এ জাগায়ানত্ মুই যিহূদা আর যিরূশালেমর মানুচ্চুনোর পরিকল্পনাগান বর্‌বাত গুরিম। যিগুনে তারার পরাণান নিবাত্তে চান তারার সেই শত্রুগুনোরে দিইনে যুদ্ধোর ভিদিরে মুই তারারে মারে ফেলেম আর তারার মরাকিয়্যেগানি আগাজর্ পেগ্‌‌‌‌কুনে আর ঝার য়েমানুনোর হানা ইজেবে দিম।‌

যিরমিয় 49:7

ইদোমর পৌইদ্যেনে বেগত্তুন্ খেমতাবলা লগেপ্রভু কোইয়্যেদে, “তৈমনত্ কি জ্ঞান নেই? বুদ্ধিবলাগুনোত্তুন্ কি উপদেশ থুম্ ওই যেইয়্যে? তারার জ্ঞান কি ক্ষয় ওই যেইয়্যে?

ওবদিয় 1:8

লগেপ্রভু কত্তে, সেদিন্যে মুই কি ইদোমর জ্ঞানী মানুচ্চুনোরে আর এষৌর মুড়োগুনোত্তুন্ বুদ্ধিবলা মানুচ্চুনোরে ভস্ত ন-গুরিম?

হবক্‌‌‌‌কূক 1:5

জোবত্ লগেপ্রভু কোইয়্যেদে, “তুমি জাদ্‌তুনো ইন্দি রিনি চঅ, সেক্কে তুমি এক্কুবারে আমক্ অবা, কিত্যেই তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তমারে কলেয়ো তুমি বিশ্বেজ্ ন-গুরিবা।‌ ‌ ‌

লূকে লেখ্যে গম্ হবর্ 10:24

মুই তমারে কঙর্, তুমি যিয়েনি যিয়েনি দেগর্, বোউত্ ভাববাদী আর রাজা সিয়েনি চেবাত্তে চেইনেয়ো ন-দেগন্; আর তুমি যিয়েনি যিয়েনি শুনোর্, সিয়েনি শুনিবাত্তে চেইনেয়ো ন-শুনোন্।”

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

১ করিন্হীয় 3:19

কিয়া গোজেনর্ চোগেদি এ জগদর্ জ্ঞানান্ বানা মূর্খতা। পবিত্র বোইবোত্ লেগা আঘে, “গোজেনে জ্ঞানীগুনোরে তারার্ ছল-চালাগিগানিত্ ধরে।”