যিশাইয় 29:12 - Chakma Bible

¹² বা যে পড়ি ন-জানে তারে বোইবো দিইনে যুনি কুয়ো অয়, “দোয়্যে গুরি ইবে পড়্,” সালে জোবত্ তে কবদে, “মুই পড়ি ন-জানং।”

যিশাইয় 29:12 ပူးပေါင်းရင်းမြစ်များ

যিশাইয় 29:11

এই পুরো দর্শনান্ তমা ইদু বানা সীলমহ্‌র দিয়্যে বোইয়ো ধোক্ক্যেন্ ওইয়্যে। যে পড়ি জানে তারে যুনি সে বোইবো দিইনে কুয়ো অয়, “দোয়্যে গুরি এ বোইবো পড়্,” সালে জোবত্ তে কবঅ, “মুই ন-পারিম্, কিত্তে ইবে সীলমহ্‌‌র গরা ওইয়্যে‌‌”

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

যিশাইয় 29:18

সেদিন্যে কান্ বরাগুনে সেই জড়া লাগেয়্যে বোইবোর্ কধা শুনিবাক্, আর ঘুর্‌ঘুজ্যে আন্ধারত্ থেইয়্যে কানুনে দেগিবাক্।

যিশাইয় 8:16

তুই এ সাক্ষিগান রোক্ষ্যে গর্ আর মঅ শিষ্যগুনো ভিদিরে সিবে সীলমর্ গুরি রাগা।

যিরমিয় 5:4

মুই ভাবিলুং, “তারা নাঢা আর ভুল্, কিত্তে তারা লগেপ্রভুর পথ্‌তান আর তারার গোজেনর সুদোমানি হবর্ ন-পান।‌

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।