যিশাইয় 28:7 - Chakma Bible

⁷ মাত্তর্ ইফ্রয়িমর ধর্মগুরু আর ভাববাদীগুনে ইক্কিনে আংগুর-রস হেইনে মাত্তলে ধুরি পাগলামি গরন্ আর মদ হেইনে গোজ্যেই যান্; তারা টলদে টলদে দর্শন পান আর সে অবস্থায় রায় দুয়োন্।

যিশাইয় 28:7 ပူးပေါင်းရင်းမြစ်များ

গীতসংহিতা 107:27

মাত্তল ধোক্ক্যেন তারা আলে-উলে ঢুলি পড়িলাক্; তারা উজ্ আরা অলাক্।

গম্ উপদেজ্ 20:1

যে মানুচ্চো আংগুর-রস হেইনে মাত্তল্ অয় তে ঠাট্টা-মশ্‌কারি গরে, আর যিবে মদ হায় তে অমকদ কোল্-কোজ্যে গরে; ইয়েনি হেইনে যে মাত্তল্ অয় তে জ্ঞানি নয়।

গম্ উপদেজ্ 23:30

যিগুনে ভালক্কন্ সং মদ্ হান তারার এবাবোত্যে অয়; তারা মিজেয়্যে মদ্ হেবাত্তে সিয়েন তোগেবাত্তে যান্।

উপদেশক 10:17

বর্‌পেইয়্যে সেই দেশ্‌ছান, যিবের্ রাজাবো গম্ বংশর্ মানুচ্, আর সিদুগোর্ মন্ত্রীগুনে মাত্তলে ধুরিনে পাগালামি গুরিবাত্তে নয় মাত্তর্ খেমতাত্তে যগাজ্যে সময়োত্ হানা-দানা গরন্।

যিশাইয় 19:14

লগেপ্রভু তারা ভিদিরে যাগুলুগ্ ভাব গুরি দিলো, সেক্কে মাত্তলে ধোজ্যেবো যেধোক্ক্যেন তার অগলেদে কামত্ টলমল গরে সেধোক্ক্যেন বেক কামানিত্ তারা মিসরানরে টলমল গরাদন্।

যিশাইয় 22:13

মাত্তর্ চঅ, সিয়েনত্ রঙ্গ ফুত্তি আর রঅ রঅ ছঅ ছঅ চলের্, আর গোরু ভেড়া কাবিনে আহ্ য়েরা আর আংগুর-রস হানা চলের্। তুমি কত্তে, “এজঅ, আমি হানা-দানা গুরিই, কিত্তে কেল্যে আমি মুরি যেবং।”

যিশাইয় 24:2

সেদিন্যে ধর্মগুরু আর সাধারন মানুচ্চুনোর্, গিরোজ্ আর চাগরুনোর, ঘর মিলেবোর আর চাগরানিবোর, দোগানদার আর কিনিয়্যেবোর, যে উদোজ্যে টেঙা লয় আর যিবে উদোজ্যে টেঙা দে তারার আর সুদি টেঙা লোইয়্যেবোর আর সুদি টেঙা দিয়্যেবোর বেক্কুনোর অবস্থা এক্কুই অবঅ।

যিশাইয় 24:20

পিত্‌‌‌থিমীগান মাত্তল ধোক্ক্যেন আলেব, বোইয়্যেরত্ দুলেদে ভাঙা ঘর ধোক্ক্যেন দুলিবো। তা পাপ ভারান্ তা উগুরে এদক্ অবদে যে, তে পড়িবো; তে আর কনদিন্অ উদি ন-পারিবো।

যিশাইয় 28:1

হায়, ইফ্রয়িমর্ মাত্তলে ধোজ্যেগুনোর মুকুটো ধোক্ক্যেন্ শঅরান্, যিয়েন্দোই তারা বাড়্‌বো গরন্! হায়, ইফ্রয়িমর্ বাঈনী গোজ্যে দোল্ সেই শুগেই যেইয়্যে মালাবো, যিবে এক্কো বোল্‌‌বোল্যে কলগ মাঢা উগুরে আঘে! আংগুর-রসে সেই কলগর্ মানুচ্চুনোরে হেই ফেল্যে।

যিশাইয় 29:11

এই পুরো দর্শনান্ তমা ইদু বানা সীলমহ্‌র দিয়্যে বোইয়ো ধোক্ক্যেন্ ওইয়্যে। যে পড়ি জানে তারে যুনি সে বোইবো দিইনে কুয়ো অয়, “দোয়্যে গুরি এ বোইবো পড়্,” সালে জোবত্ তে কবঅ, “মুই ন-পারিম্, কিত্তে ইবে সীলমহ্‌‌র গরা ওইয়্যে‌‌”

যিশাইয় 3:12

যিগুনে মঅ মানুচ্চুনোরে অত্যেচার গরন্ তারা চিগোন গুরো ধোক্ক্যেন্, আর যিগুনে তারারে শাজন্‌ গরন্ তারা মিলে ধোক্ক্যেন্। ও মঅ মানুচ্চুন্, তমারে পথ দেগেবার মানুচ্চুনে তমারে ভান্ন্যেই পধেদি নেযায়; তারা গম্ পধত্তুন্ তমারে ভান্ন্যেই পধেদি নেযায়।

যিশাইয় 43:27

তর্ আগ বাব্‌পো পাপ গোজ্যে; তর্ তপ্পে যিগুনে কধা কোইয়োন তারা মঅ বিরুদ্ধে পাপ গোজ্যন্।‌‌‍‍

যিশাইয় 5:11

অভিশাব্ পোড়োক্ সে মানুচ্চুনোর্, যিগুনে মদ হেবাত্তে বেন্যে পোত্যে উদোন্ আর বোউত্ রেত্‌সম্বাগ সং বোইনে আংগুর-রস হান্, যেদক্কন্ সং সিয়েন হেইনে তারা গরম ওই ন-উদোন্।

যিশাইয় 5:22

অভিশাব্ পোড়োক্ সেই মানুচ্চুনোর্, যিগুনে আংগুর-রস হেবার্ অক্তত্ কাবিদ্যং আর মদ মিজেইদ্যে কামত্ কাবিল্,

যিশাইয় 5:23

যিগুনে ঘুষ্ হেইনে দুষিবোরে ইরি দুয়োন্ আর নিদ্দুজোত্তে গম্ বিচের গুরিবাত্তে অস্বিগের্ গরন্।

যিরমিয় 14:14

সেক্কে লগেপ্রভু মরে কলঅ, ভাববাদীগুনে মঅ নাঙে মিজে আগাম্‌ কধা কদন্। মুই তারারে ন-পাদাং, তারারে উগুম ন-দুয়োং বা তারা ইধু কনঅ কধায়ো ন-কং। তারা তমা ইধু মিজে দর্শন, মিজে গোণেই দেনা আর নিজোর্ মনেমন্‌জক্কাগুরি মিজে কধা কন্।‍‍

যিরমিয় 23:13

শমরিয়ার ভাববাদীগুনো ভিদিরে মুই এ জঘন্য বেপারান দেখ্যং, তারা বাল দেবেদার নাঙে ভাববাদী ইজেবে কধা কোইনে মর্ মানুচ্ ইস্রায়েলীয়গুনোরে ভান্ন্যেই পধেদি নেযেয়োন।

যিরমিয় 23:16

বেগত্তুন খেমতাবলা লগেপ্রভু কোইয়্যেদে, “ভাববাদীগুনে যে কধা কদন সিয়েনি তুমি ন-শুন্য; তারা তমা মনত্ মিজে আশা জাগেয়োন। তারা লগেপ্রভুর মুয়োত্তুন শুনিনে কধা ন-কন বরং নিজোর মনেমনজক্কা দর্শনর কধা কন।

আবিলেচ্ 2:4

শত্রু ধোক্ক্যেন্‌গুরি তে তার্ ধনুগান টান্যে, তার্ খেমতাবলা আঢ্‌তানি ঠিগ্ গোজ্যে। যিগুনোরে দেগিনে তারা হুজি অদাক্ তারারে তে মারে ফেলেয়্যে। সিয়োন-ঝিবোর্ তাম্বুলো ভিদিরে তে আগুনো ধোক্ক্যেন্‌গুরি তা রাগ্‌কান ঢালি দিয়্যে।

যিহিষ্কেল 13:7

তারা কি মিজে দর্শন ন-দেগন্ বা মিজে গোণা-পড়া ন-গরন? তারা দঅ কদন্, মুই এ কধাগান কঙর্, অদচ মুই ন-কং।

যিহিষ্কেল 44:21

কনঅ ধর্মগুরু আংগুর-রস হেইনে ভিদিরে উদোনত্ ন-সোমেবাক্।

হোশেয় 7:5

রাজার উৎসব দিনোত্ রাজার্ কামগুরিয়্যেগুনে আংগুর-রস হেইনে উচ্চোমী ওইয়োন আর রাজা সেই ঠাট্টা-ঘিনেয়্যেগুনো লগে আত্ মিলেয়োন।

মীখা 2:11

যুনি কনঅ মিজে কধা কোইয়্যে আর ঠোগেয়্যে এইনে কয়, ‘মুই কঙর্, তমার্ বোউত্ মদ আর আংগুর-রস অবঅ,’ মাত্তর্ তেয়ই অবঅ এ জাদ্‌তোত্তে যগাজ্যে ভাববাদী‌‌‌!”

হবক্‌‌‌‌কূক 2:15

জাদ্‌তুনে কবাক্‌‌, অভিশাব্ দিই তারে, যে রাগ গুরিনে তা পাড়াল্যেগুনোরে দগ্ দগ্ মদ খাবায় আর মাত্তল্ গুরি ফেলায় যেনে তে তারারে লাংদা দেগে।

হবক্‌‌‌‌কূক 2:16

তুই সর্মানর্ বদলে লাজে পরিপূরোণ অবে। এবেরা তর্ পালা। তুই মদ হেইনে লাংটা-বাংটা অ। লগেপ্রভুর ডেন্ আঢর্ রাগর্ গলস্‌‌‌‌‌ছো তন্দি এজের্; অসর্মানে তঅ সর্মানান্ ঢাগা যেবঅ।

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

ইফিষীয় 5:28

নেগ্‌কো যেধোক্ক্যেন নিজোর্ কিয়্যেগানরে কোচ্‌পায় ঠিগ্ সেধোক্ক্যেন গুরি নিজো মোগ্‌কোরেয়ো তার্ কোচ্‌পানা উচিত্। যে নিজোর্ মোগরে কোচ্‌পায় তে নিজোরে কোচ্‌পায়।