যিশাইয় 28:29 - Chakma Bible

²⁹ এ বেক্ জ্ঞানানি বেগত্তুন্ খেমতাবলা লগেপ্রভু ইত্তুন্ এজে। তার সল্লাগান্ আমক্ অবার আর তা জ্ঞানান্ দোল্।

যিশাইয় 28:29 ပူးပေါင်းရင်းမြစ်များ

ইয়োব 37:23

বেগত্তুন্ খেমতাবলা গোজেনে আমা নাগালর বারেদি আর খেমতান্দি বোউত্ দাঙর্; তার ন্যায়বিচের্ আর সততার কারনে তে অত্যেচার ন-গরে।

ইয়োব 5:9

তে এবাবোত্যে মহৎ কাম্‌ গরে যিবের্‌ গভীনান্‌ মাবা ন-যায়; তে এন্‌ আমক্‌ অবার্‌ কাম্‌ গরে যিয়েনি গুণিনে থুম্‌ গরা ন-যায়।

গীতসংহিতা 118:23

লগেপ্রভু ইয়েন গুরিলো, আর সিয়েন আমা চোগেন্দি অমকদ আমক্ অইদ্যে ধোক্ক্যেন্ লাগিলো।

গীতসংহিতা 40:5

ও মর্ গোজেন লগেপ্রভু, গুণি ন-পুরেইয়্যে তর্ আমক্ অবার কামানি! কেধোক্ক্যেন সল্লা গোজ্যস্ আমাত্তে! মুই দঅ ফগদাং গুরিলে, কবাত্তে গেলে, কনদিন্‌অ থুম্ ন-অবঅ। কন্না আঘে তঅ ধোক্ক্যেন্?

গীতসংহিতা 92:5

ও লগেপ্রভু, তর্ বেক কামানি কেজান্ দোল্ আর তর্ চিন্তেগান কত্তমান্ গভিন!

গীতসংহিতা 92:6

যিবের মনান্ বাজে তে সিয়েন হবর্ ন-পায়; যিবের মনত্ বিবেচনা নেই তে সিয়েন বুঝি ন-পারে।

গম্ উপদেজ্ 8:14

সল্লা আর তরিৎ বুদ্ধি মত্তুন্ এজে; মুই বিচেরবুদ্ধি, মুই খেমতা দুয়োং।

যিশাইয় 28:28

ভালোক্ দিন ধুরি কনজনে গম ন-মাড়ন্, সেক্কে সিগুন বর্‌‌‌বাত ওই যায়; মাড়িবার অক্তত্ তে সিগুন উগুরেদি এধোক্ক্যেন গুরি গাড়ি চাক্কাগুন্ আর ঘোড়া চালায় যেনে সিগুন বর্‌‌‌বাত ন-অয়।

যিশাইয় 31:2

মাত্তর্ তার কি কনঅ জ্ঞান নেই? তে দঅ দজা ঘোদেব; তা কধাগান তে ফিরেই ন-নিবো। তে পাজিগুনোর্ বিরুদ্ধে আর তারার সাহায্যগুরিয়্যেগুনোর্ বিরুদ্ধে উদিবো।

যিশাইয় 41:20

যেনে মানুচ্চুনে দেগন্, হবর্ পেইনে আর বিবেচনা গুরিনে বুঝি পারন্, লগেপ্রভুর্ আঢ্‌‌‌‌‌তানিয়ে এ কামান গোজ্যে, ইস্রায়েলর সেই সুদ্ধো-সাংগ মানুচ্চো ইয়েনি গোজ্যে।”

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 32:19

তর্ উদ্দশ্যগান দাঙর্ আর তর্ বেক কামানি খেমতাবলা। মান্‌‌জ্যর বেক চালচলনর্ ইন্দি তঅ চোগ্‌‌‌‌কুন খুলো রাগেয়োচ্; তুই পত্তিজনরে তার চালচলনর্ আর কামর্ ফল দি থাচ্।

রোমীয় 11:33

গোজেনর্ ধন ন-পুরেইয়্যে। তার্ জ্ঞান আর বুদ্ধি কত্তমান্ গভীন্! তার্ বিচের্ আর তার্ বেক্ কামানি বুঝোনা অসম্ভব।