যিশাইয় 28:28 - Chakma Bible

²⁸ ভালোক্ দিন ধুরি কনজনে গম ন-মাড়ন্, সেক্কে সিগুন বর্‌‌‌বাত ওই যায়; মাড়িবার অক্তত্ তে সিগুন উগুরেদি এধোক্ক্যেন গুরি গাড়ি চাক্কাগুন্ আর ঘোড়া চালায় যেনে সিগুন বর্‌‌‌বাত ন-অয়।

যিশাইয় 28:28 ပူးပေါင်းရင်းမြစ်များ

যিশাইয় 21:10

ও মঅ মানুচ্চুন্, খেত-খেত্তি ধোক্ক্যেন্ তমারে দঅ মাড়া ওইয়্যে। বেগত্তুন্ খেমতাবলা লগেপ্রভু ইত্তুন্, ইস্রায়েলর গোজেন ইত্তুন্ মুই যিয়েনি শুন্ন্যং সিয়েনি তমারে জানেলুং।

যিশাইয় 28:27

কালোজিরা গুয়োর্ মেশিন্দোই মাড়া ন-অয়, বা জিরা উগুরেদি গাড়ি চাক্কা তুলো ন-অয়, বরং লুদিক্কোই কালোজিরা আর জিরা মাড়া অয়।

যিশাইয় 28:29

এ বেক্ জ্ঞানানি বেগত্তুন্ খেমতাবলা লগেপ্রভু ইত্তুন্ এজে। তার সল্লাগান্ আমক্ অবার আর তা জ্ঞানান্ দোল্।

যিরমিয় 10:24

ও লগেপ্রভু, বানা ন্যায়বিচেরলোই তুই মরে সংশোধন গর্, মাত্তর্ তর্ রাগে সিয়েন ন-গুরিচ্, গুরিলে তুই মরে এক্কুবারে শূন্য গুরি দিবে।

আমোষ 9:9

মুই উগুম দিম, আর চালোনত্ যেবাবোত্যেগুরি শোজ্য ঝারন্ সেবাবোত্যেগুরি বেক্ জাদ ভিদিরে মুই ইস্রায়েলর বংশবোরে ঝারিম, মাত্তর্ বিজিও মাদিত্ ন-পড়িবাক্।

গণাণা 7:3

বক্‌শিজ্ ইজেবে তারা ছগান ছালবলা গোরুর গাড়ি আর বারবো বলদ্‌ লগেপ্রভুর মুজুঙোত্‌ আনিনে রাগেলাক্। সেক্কে পত্তি নেতার পক্ষত্তুন্‌ এক্কো গুরি বলদ আর পত্তি দ্বিজনর্‌ পক্ষত্তুন্‌ এক্কান গুরি গোরুর্‌ গাড়ি দিয়্যে অলঅ। তারা সিয়েনি আনিনে থেবার্‌-তাম্বুলো মুজুঙোত্‌ রাগেলাক।

মথি লেখ্যে গম্ হবর্ 3:12

কুলোগান্ তা আঢত্ আঘে আর তার খেত্-খেত্তিগানি মাড়িবার জাগা তে গমে ডালে সাব্ গুরিবো। তে তার শোজ্যগানি তা গোলাঘরত্ থুবেব, মাত্তর্ যে আগুনান্ কনদিন্অ ন-মরে সে আগুনোত্ তুষ পুড়ি ফেলেব।”

যোহন 12:24

মুই তমারে ঘেচ্চ্যেক্‌গুরি কঙর্, গম বীজিবো মাদিত্ পরিনে যুনি ন-মরে সালে বানা এক্কো বীজ্ থায়, মাত্তর্ যুনি মরে সালে বোউত্ শোজ্য জর্মায়।

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।