যিশাইয় 28:19 - Chakma Bible

¹⁹ সিয়েন্ যেদকবার্ লামি এবঅ সেদকবার্ তমারে মারা অবঅ; বেন্যের্ পরেদি বেন্যে, দিনোত্ আর রেদোত্ সিয়েন জোরে লামি এবঅ। এ কধাগান বুঝি পারিলে তুমি অমকদ দোরেবা।”

যিশাইয় 28:19 ပူးပေါင်းရင်းမြစ်များ

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

২ রাজাবলী 18:13

রাজা হিষ্কিয়োর রাজাগিরির চৌদ্দো বজরত্‌ আসিরিয়ার রাজা সন্‌হেরীব যিহূদার বেক্‌ দেবাল-ঘিজ্যে শঅরানি আক্রমণ গুরিনে সিয়েনি গজক গুরি নেযেল।

২ রাজাবলী 21:12

সেনত্তে মুই ইস্রায়েলর গোজেন লগেপ্রভু কঙর্‌, মুই যাদিমাদি যিরূশালেম আর যিহূদা উগুরে এন্‌ দযা আনি দিম, সে কধাগান যিগুনে শুনিবাক্‌ তারা বেক্কুনোর জারকাদা সারি উদিবো।

২ রাজাবলী 24:2

লগেপ্রভু যিহোয়াকীমোর বিরুদ্ধে বাবিলোনীয়, অরামীয়, মোয়াবীয় আর অম্মোনীয় লুট্‌ গুরিয়্যে মানুচ্চুনোরে পাধেই দিলো। লগেপ্রভু তা চাগরুনোরে, অত্তাৎ ভাববাদীগুনোরে দিইনে যে কধাগান ফগদাঙ্‌ গোজ্যে সেই মজিম্ যিহূদা দেজ্‌ছানরে ভস্ত গুরিবাত্তে তে তারারে পাধেই দিলো।

ইয়োব 18:11

দরান্‌ তা চেরোকিত্তে থেবঅ; তা পত্তি পোইধেত্‌ সিয়েনে তার্‌ পিজে থেবঅ।

ইয়োব 24:17

তারাত্তে বেন্যে সময়ান ঘুর্‌ঘুজ্যে আন্ধার ধোক্ক্যেন্; দর্‌‌গরেপারা আন্ধার সমারে তারার পরাণে পরাণ আগন্।

ইয়োব 41:9

তারে দোঙেবার বেক্ আজাগানি মিথ্যে; তারে দেগানার লগে লগে মানুচ্চুনে সাহস আরান্।

ইয়োব 6:4

বেগত্তুন্‌ খেমতাবলা গোজেনর সেল্‌লো মইদু ফুট্যে, মঅ পরাণানে সিবের্‌ বিষছান্‌ খার্‌; গোজেনর দর্‌গরেপারা কামানিয়ে মঅ বিরুদ্ধে সুর্‌ বুদিনে থিয়্যেইয়্যে।

গীতসংহিতা 55:4

ইয়েন্দোই মঅ মনান্ সে একবাবোত্যে ওই্য়্যে; মরণর দর্ বুক মুই পেয়োং।

গীতসংহিতা 88:15

চিগনত্তুন্ ধুরি মুই দুঘোত্ আগং আর মরণর মুয়োত্ আগং। তর্ দর্‌গরেপারা সাজা মঅ উগুরে লামি এচ্চ্যে; মুই অমকদ অসহায়।

যিশাইয় 33:7

চঅ, তারার্ সাহসী মানুচ্চুনে পধে পধে কানদন্; সুগ্-শান্দিত্তে পাদেয়্যে দূত্‌তুনে অমকদ কানাকুদি গরদন্।

যিশাইয় 36:22

ইয়েন পরেদি রাজঘরর্ পরিচালক হিষ্কিয়র্ পুয়ো ইলিয়াকীম, রাজার লিগিয়্যে শিব্‌ন আর বিজগ লিগিয়্যে আসফর পুয়ো যোয়াহ তারা কাবড়ানি ফাদিনে হিষ্কিয় ইদু গেলাক্ আর রব্‌শাকির বেক্ কধানি তারে জানেলাক্।

যিশাইয় 37:3

তারা যিশাইয়রে কলাক্, “হিষ্কিয় কোইয়্যেদে, এচ্চ্যে দিন্নো অলঅ দুঘোর্, সাজা পেবার আর অসর্মানর দিন। আমা অবস্থা এধোক্ক্যেন ওইয়্যে যেন পুয়ো-ছাগুনে জর্ম অবার মুয়োনত্ এচ্চ্যন্ মাত্তর্ জর্ম দিবার খেমতা নেই।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিরমিয় 19:3

সে কধাগান অলঅ, ও যিহূদার রাজাগুন আর যিরূশালেমর মানুচ্চুন, মুই ইস্রায়েলর গোজেন বেগত্তুন্ খেমতাবলা লগেপ্রভু যে কধাগান কঙর্ সিয়েন শুনো। মুই এ জাগায়ান উগুরে এমন দজা আনিম, যিগুনে সিয়েনি শুনিবাক্ তারার পত্তিজনর কান আমক্ ওই উদিবো।

যিরমিয় 4:5

“তুমি যিহূদা দেজত্ আর যিরূশালেমত্ ফগদাং গুরিনে কঅ, ‘পুরো রেজ্যত্ শিঙা বাজঅ।’ জোরে রঅ ছাড়িনে কঅ, ‘তুমি এক সমারে এগত্তর্ অ। আঢঅ, আমি দেবাল ঘিজ্যে শঅরানিত্ যেই।’

যিরমিয় 4:9

লগেপ্রভু কোইয়্যেদে, “সেদিন্যে রাজা দাঙর্ পদত্ কামগুরিয়্যেগুনে সাহস আরেবাক্, আর ধর্মগুরুগুনে আর ভাববাদীগুনে আমক্ অবাক্।”

যিরমিয় 6:24

আমি তারা পৌইদ্যেনে হবর্ পেইয়্যেই আর সেনত্তে আমা আঢ্‌‍‍‍‍‍তানি যেন অবশ ওইনে লুঙি পড়ের্। পিড়েগানে আমারে ঘিরি ধোজ্যে; পুয়ো পুদোইদে মিলে ধোক্ক্যেন পিড়েগানে আমারে ধোজ্যে।

আবিলেচ্ 2:22

পরব দিনোত্ যেবাবোত্যে তুই মানুচ্চুনোরে এগত্তর্ গরচ্ সেবাবোত্যেগুরি মর্ চেরোকিত্তে তুই নানান্ বাবোত্যে অমকদ দর্ তুবেয়োচ্। লগেপ্রভুর রাগ দিনোত্ কনজনে রেহাই ন-পান্ বা বাঁজি ন-তান্; যিগুনোরে মুই পালেয়োং আর যত্তন্ গুরিদুং মর্ শত্রুগুনে তারারে ভস্ত গুরি দুয়োন্।

দানিয়েল 7:28

“ইয়েনত্ সেই স্ববনর বেপারান থুম্। মুই দানিয়েল মর্ এই বেক্ চিন্তেগানিত্তে এদক্ দোরেয়োং যে, মর্ মুয়োন অন্যবাবোত্যে ওই গেলঅ, মাত্তর্ স্ববনর্ বেপারান মুই মনত্ গাদেই রাগেলুং, কাররে ন-কলুং।”

দানিয়েল 8:27

মুই দানিয়েল বল্‌‌‌পোজ্যে ওই পড়িলুং আর অসুগ্ ওইনে কয়েকদিন পড়ি থেলুং। সে পরেদি মুই উদিনে রাজার কাম গুরিবাত্তে গেলুং। মুই সেই দর্শনান্ দেগিনে অমকদ চিন্তেত্ পোজ্যং, কিয়া সেই দর্শনানর্ ভেদ্‌তান্ মুই বুঝি ন-পারিলুং।

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।

১ শমূয়েল 3:11

লগেপ্রভু শমূয়েলরে কলঅ, “চাহ্, মুই ইস্রায়েলীয়গুনো ভিদিরে এন্‌ এক্কান গুরিবাত্তে যাঙর্‌ যিয়েনর কধা শুনিনে বেক্কুনে গির্‌গিরে উদিবাক্।