যিশাইয় 28:17 - Chakma Bible

¹⁷ মুই ন্যায়বিচেরানরে মাবর্ দুড়ি আর সততাগানরে ওলনদুড়ি গুরিম্; শিলোঝরানে তমারে আশ্রয় জাগা ধোক্ক্যেন্ মিজেগানরে ভস্ত গুরি দিবো, আর বান পানিগানে তমার পোল্যে থেবার্ জাগায়ান ভাজেই নেযেব।

যিশাইয় 28:17 ပူးပေါင်းရင်းမြစ်များ

২ রাজাবলী 21:13

শমরিয়ার বিরুদ্ধে যে মাব দুড়িগান্‌ আর আহাব বংশগুনো বিরুদ্ধে যে ওলন দুড়িগান্‌ বেবহার গরা ওইয়্যে সিয়েন্‌ মুই যিরূশালেম বিরুদ্ধে বেবহার গুরিম। যেধোক্ক্যেন গুরিনে একজনে থাল্লো পুজিবাত্তে এপিট ওপিট গরে সেধোক্ক্যেন গুরিনে মুই যিরূশালেমরে বাদ দিম্‌।

ইয়োব 22:16

অসময়োত্‌ তারারে নেযা ওইয়্যে; বান পানিয়্যে তারার্‌ গড়াগান ধোয় নেযেয়্যে।

গীতসংহিতা 94:15

বিচেরর্ রায়য়ানি আরঅ ন্যায়বলা ওই উদিবো; যিগুনোর মনান্ দোল তারা বেক্কুনে সিয়েন মানি চলিবাক্।

যিশাইয় 10:22

ও ইস্রায়েল, যুনিয়ো তমা মানুচ্চুন্ সাগর পার ধূল্যেচর ধোক্ক্যেন্ তো বানা কয়েকজন মান্‌জ্যে ফিরি এবাক্। ইস্রায়েলত্তে ভস্ত অনাগান ঠিগ্ গরা আঘে আর সেই পেবার্ সাজাগান তারা উগুরে এবদে এবঅ।

যিশাইয় 25:4

তুই দঅ নাঢা মানুচ্চুনোর ঘর্, অভাবীগুনোর দুঘ্ সময়োত্ ঘর, ঝড়ত্তুন্ রোক্ক্যে পেবার জাগা আর রোদো গরমত্তুন্ রোক্ক্যে পেবার ছাবা। দেবালত্ আঘাত গোজ্যে ঝড় আর ধূল্যেচর গরম ধোক্ক্যেন চিৎনপুজ্যেগুনোর নিজেসত্তুন্ তুই রোক্ক্যে গুরি থাচ্। তুই বিদেশীগুনোর কিজিক্ কাজাক্কানি থামেই দিবে। মেঘ ছাবাগানে যেবাবোত্যেগুরি গরমান কোমেই দে সেবাবোত্যেগুরি তুই চিৎনপুজ্যেগুনোর গানুন্ থামেই দিবে।

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

যিশাইয় 28:2

চঅ, প্রভুর্ এক্কো খেমতাবলা আর বোলী মানুচ্ আঘে। শিলোঝড় আর ভস্ত গুরিয়্যে এক্কান বোইয়্যের ধোক্ক্যেন্, অমকদ ঝড় পোজ্যে এক্কান বান ঝড় ধোক্ক্যেন্ তে জুড়ে সেই শঅরানরে মাদিত্ মেলা মারি ফেলেই দিবো।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 30:28

তা নিজেস্‌চো যেন জুরে এচ্চ্যে গঙার পানি যিয়েন মান্‌জ্যর গত্তনা সং উদে। তে বেক্ জাদ্‌‍‌‍‌‌তুনোরে ভস্তর্ চালোন্দোই চালেব আর বেক্ জাদর্ মানুচ্চুনোর মুয়োত্ এমন্ মোগোনি খাজা দিবো তারারে ভস্ত অনাগানর্ ইন্দি টানি নেযেব। ‍‌

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 5:16

মাত্তর্ বেগত্তুন্ খেমতাবলা লগেপ্রভু দোল্ বিচের গুরিনে দাঙর্ থেবঅ; পবিত্র গোজেনে তা গমানত্তে পবিত্র বিলিনে ফগদাং অবঅ।

যিশাইয় 61:8

লগেপ্রভু কোইয়্যেদে, “মুই ন্যায়বিচের গম্ পাং আর ডাগেত্ গরনা আর অন্যেয়ানি ঘিনাং। মর্ বিশ্বেজ্‌চান্দোই মুই তারারে বক্‌শিজ্ দিম আর তারাত্তে এক্কান উমরর্ বেবস্থা থিদেবর্ গুরিম।‍‍‌‍‍

যিরমিয় 19:7

এ জাগায়ানত্ মুই যিহূদা আর যিরূশালেমর মানুচ্চুনোর পরিকল্পনাগান বর্‌বাত গুরিম। যিগুনে তারার পরাণান নিবাত্তে চান তারার সেই শত্রুগুনোরে দিইনে যুদ্ধোর ভিদিরে মুই তারারে মারে ফেলেম আর তারার মরাকিয়্যেগানি আগাজর্ পেগ্‌‌‌‌কুনে আর ঝার য়েমানুনোর হানা ইজেবে দিম।‌

যিরমিয় 23:19

চঅ, মঅ রাগ্‌কান ঝড় ধোক্ক্যেন ফাদি পুরিবো আর পাজিগুনো মাঢা উগুরে ঘুরি ঘুরি পড়িবো টুত্যেবোইয়্যের ধোক্ক্যেন।

যিরমিয় 7:14

যে ঘরান উগুরে তুমি নির্ভর গোজ্য সেই ঘরান মুই মর্ থেবার জাগা বানেয়োং, আর এ জাগায়ান মুই তমার আর তমা পুরোণি মানুচ্চুনোরে দুয়োং। মাত্তর্ তমা পাপ্‌‌‌পানিত্তে এ ঘরানরে আর এ জাগায়ানর অবস্থা মুই সেবাবোত্যে গুরিম যেবাবোত্যে মুই শীলো উগুরে গোজ্যং। ‌

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

যিহিষ্কেল 38:22

মুই ভানা আর লো ঝোরেইনে গোগরে সাজা দিম্; মুই অমকদ ঝড়, শিল্ আর জ্বোল্ জোল্যে গন্ধক তা উগুরে, তা সৈন্যগুনো উগুরে আর তা লগে বেক্ জাদ উগুরে ঢালি দিম।

দানিয়েল 11:22

যে দরমর সৈন্যদল্লো তা বিরুদ্ধে থিয়্যেব তারা উদি যেইনে ভস্ত ওই যেবাক্ আর চুক্তির্ নেতাবোয়ো ভস্ত ওই যেবঅ।

নহূম 1:8

মাত্তর্ তে ডুবেই দিয়্যে বান পানিলোই নীনবী শঅরান্ এক্কুবারে শেজ্ গুরিবো; তার্ বিপক্ষগুনোরে তে আন্ধারত্ লোড়েব।

মথি লেখ্যে গম্ হবর্ 7:27

যেরেদি ঝড়্ পড়িলো, বান্ এলঅ, বোইয়্যের্ বেল আর সে ঘরান উগুরে আঘাত্ গুরিলো; সেক্কে ঘরান্ পড়ি গেলঅ। কি জদবদে গুরি না সে ঘরান্ পড়ি গেলঅ!”

রোমীয় 2:2

আমি কোই পারিই যিগুনে এবাবোত্যে কাম্ গরন্ গোজেনে তারারে উজিত্ বিচের্ গরে।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

রোমীয় 9:28

প্রভু যাদিমাদি পিত্‌থিমীগানরে তার্ পাওনা সাজা পুরোপুরি গুরিই দিবো।”

যিহোশূয় 10:11

ইস্রায়েলীয়গুনো মুজুঙেত্তুন্‌ তারা যেক্কে বৈৎ-হোরোণ ছাড়িনে অসেকাত্‌ লামি এবার পথ্‌তান ধুরিনে ধেই যাদন্‌ সেক্কে লগেপ্রভু আগাজত্তুন দাঙর দাঙর শিল্‌ তারা উগুরে ফেলেল। সেনে ইস্রায়েলীয়গুনো সমারে যুদ্ধোত্‌ যিদুক্কুন্‌ মানুচ্‌ মুরিলাক্‌ তাত্তুন বেশ্‌ মুরিলাক্‌ এ শিলাত্‌।

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 16:21

আগাজত্তুন্ মান্‌জ্য উগুরে দাঙর্ দাঙর্ পাত্তর ধোক্ক্যেন শিল পড়া ধুরিলাক্। সিগুনোর্ এক এক্কো মাবেদি এলাক্ ছত্রিশ কেজি। সেক্কে মানুচ্চুনে শিলো আঘাদত্তে গোজেনরে নিন্দে গরা ধুরিলাক্, কিয়া সেই শিলোর আঘাত্‌তো দর্‌গরেপারা এলঅ।

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”

ফগদাং পেইয়্যে 8:7

পত্তম স্বর্গদূত্‌তো তা তূরীবো বাজেইলে পরেদি লো মিজেইয়্যে শিল আর আগুন পিত্‌থিমীত ফেলা অলঅ। সেক্কে তিন ভাগর এক ভাগ পিত্‌থিমী, তিন ভাগর এক ভাগ গাজ্‌-বাজ্ আর বেক্‌ য়্যেল্‌ ঘাস্‌চানি পুড়ি গেলঅ।