যিশাইয় 27:6 - Chakma Bible

⁶ এজেত্তে দিনুনোত্ যাকোবে শিঙোর্ বোজেব, ইস্রায়েলে বোল্ ধোরেইনে ফুল ফুদেব আর গুলো গুলিলোই পুরো সংসারান্ ভোরেই দিবো।”

যিশাইয় 27:6 ပူးပေါင်းရင်းမြစ်များ

ইয়োব 37:12

তা উগুমে মেঘছাগকুন্ ঘুরি বেড়ান, তা উগুমানি পালেবাত্তে তারা গোদা দুনিয়াগানত্ ঘুরোন্।

যিশাইয় 35:1

ধূল্যেচর-চাগালা আর শুগুনো ভূইয়ানি হুজি অবঅ; ধূল্যেচর জাগায়ানিয়ে হুজি অবঅ আর ফুল ফুদেব। ফাগোন্-চৈত্ মাজত্ পত্তম ফুলো ধোক্ক্যেন সিয়েনিত্ বোউত ফুল ধুরিবাক্; ধূল্যেচরানিয়ে বোউত্ হুজি অবঅ আর হুজিয়ে রঅ ছাড়িবো। সিয়েনরে লেবানন ধোক্ক্যেন বাঈনী গরা অবঅ, দিয়্যে অবঅ কর্মিল আর শারোণর দোল্ জিনিস্‌‌চান; মানুচ্চুনে লগেপ্রভুর বাঈনীগান্ দেগিবাক্, দেগিবাক্ আমা গোজেনর দোল্ জিনিস্‌চান।

যিশাইয় 37:31

যিহূদা-গুট্টির যে মানুচ্চুনে সেক্কেয়ো বাঁজি থেবাক্ তারা আর একবার ফোলেবাক্। তারা গাজ ধোক্ক্যেন্ তলেদি শিঙোর্ বোজেবাক্ আর উগুরেদি ফল ফোলেবাক্।

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

যিশাইয় 60:22

তমা ভিদিরে যে চিগোন তে আজার্ জন উগুরে অবঅ, আর যে বেগত্তুন্ চিগোন তে এক্কো খেমতাবলা জাদ্ অবঅ। মুই লগেপ্রভু; সময়মজিম মুই সিয়েন যাদিমাদি গুরিম।”

যিরমিয় 30:19

সিয়েনত্তুন্ নিগিলি এবঅ সাধুবাদ দেনার্ গীদ্ আর হুজির্ রঅ। মুই তারার মানুচ্চুন বাড়েম্, তারা কুমি ন-যেবাক্। মুই তারারে সর্মানিত গুরি তুলিম, তারারে কনজনে ঈচ্ ন-গুরিবাক্।

যিহিষ্কেল 36:10

মুই তমা উগুরে গোদা ইস্রায়েল জাদর্ মানুচ্চুন বাড়েই দিম। শঅরানিত্ মানুচ্ বজত্তি গুরিবাক্ আর ভস্ত ওইয়্যে জাগায়ানি আরঅ তুলো অবঅ।

যিহিষ্কেল 36:8

মাত্তর্ ও ইস্রায়েলর মুড়ো-মুড়িগুন্, তুমি তমার গাজ ডেলাগুন ছিদি দিইনে মর্ মানুচ্ ইস্রায়েলীয়গুনোরে বোউত্ গুলোগুলি দিবে, কিত্যে তারা যাদিমাদি ফিরি এবাক্।

হোশেয় 2:23

মত্তেই মুই তারে দেজত্ বিজ ধোক্ক্যেন গুরি গেজেম্; মুই যিবেরে কোইয়োং, ‘মঅ দোয়্যের মানুচ্ নয়,’ তারে মুই দোয়্যে গুরিম। মুই যিগুনোরে কোইয়োং, ‘মঅ মানুচ্ নয়,’ তারারে মুই কোম, ‘তুমি মঅ মানুচ্’; আর তারা কবাক্, ‘তুয়ই আমা গোজেন।’ ”

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

গালাতীয় 3:29

তুমি যেক্কে খ্রীষ্টর্ ওইয়ো সেক্কে অব্রাহামর্ গুট্টিয়ো ওইয়ো। আর গোজেনে যিয়েনি দিবার এগেম্ অব্রাহাম ইধু গোজ্জ্যে তুমিয়ো সিয়েনির অধিকারী ওইয়ো।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।