যিশাইয় 26:5 - Chakma Bible

⁵ যিগুনে অজলত্ বজত্তি গরন্ তারারে তে তলে লামায়; সে অজল্ শঅরানরে তে ভস্ত গুরিনে তলে গরে। তে সিয়েন মাদিত্, এমন্ কি, ধূল্যেত্ মিজেই দে।

যিশাইয় 26:5 ပူးပေါင်းရင်းမြစ်များ

গীতসংহিতা 79:8

পুরোণি মানুচ্চুনোর অন্যেয়ানি তুই আমা বিরুদ্ধে ন-ধুরিচ্; তুই যাদিমাদি তর্ মেয়্যেগান আমারে দেগা, কিত্তে আমি চেরোকিত্যেত্তুন্ কুল ন-পেইয়্যে ওইয়্যেই।

যিশাইয় 13:11

লগেপ্রভু কোইয়্যেদে, মুই ভান্ন্যেয়ানত্তে পিত্‌থিমীগানরে সাজা দিম্; পাজিগুনোর অন্যেয়ানিত্তে তারারে সাজা দিম্। মুই বাড়্‌বো গুরিয়্যেগুনোরে বাড়্‌বো গরানাগানি শেজ্ গুরি দিম্ আর চিৎনেইয়্যেগুনোর অহংকারানি ভাঙি দিম্।‌

যিশাইয় 14:13

তুই মনে মনে কোইয়োচ্চ্যে, মুই স্বর্গত্ উদিম্, গোজেন তারাগুনো উগুরে মঅ সিংহাসনান্ তুলিম্; যিয়েনত্ দেবেদাগুনে এগত্তর্ অন্ উত্তোরেদি সে মুড়োবো উগুরে মুই সিংহাসনত্ বুজিম্।

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

যিশাইয় 24:10

শঅরান ভস্ত ওই পড়ি থেবঅ। বেক্ ঘরানি বন্ধ ওই যেবঅ; ভিদিরে যার ন-যেবঅ।

যিশাইয় 25:2

তুই শঅরানরে শিল্ পাত্তর ভিদে বানেয়োচ্ আর দেবাল-ঘিজ্যে শঅরানরে গোজ্যস্ ভস্তর্ কুড়্। বিদেশী শত্রুগুনোর ঘরানি আর্ ন-থেবঅ; সিয়েনি কনদিন্অ আর্ বানা ন-অবঅ।

যিশাইয় 32:19

শিলোঝড়ে ঝারর্ গাজ্‌‌চুনোরে মাদিত্ ফেলেই দিবো আর শঅরানি পুরোপুরি মাদি লগে মিজেইনে সং সং ওই যেবঅ।

যিশাইয় 47:1

লগেপ্রভু কত্তে, “ও গাবুজ্যে মিলে বাবিল, তুই তলেদি লামিনে ধূল্যেত্ বস্; ও বাবিল, তুই সিংহাসনান্ ছাড়িনে মাদিত্ বস্। তরে আর নরম আহ্ সুগী বিলিনে কুয়ো ন-যেবঅ।

যিরমিয় 51:37

বাবিলান অবঅ এক্কান ভস্ত ওইয়্যে কুর্, শিয়েলুনোর্ থেবার জাগা আর ঠাট্টা-মশকারির্ জাগা। সিয়েনত্ কনজন বজত্তি ন-গুরিবাক্; তা অবস্থা দেগিনে মানুচ্চুনে আমক্ অবাক্।

যিরমিয় 51:64

সে পরেদি কবে, ‘এবাবোত্যেগুরি বাবিলান ডুবিবো, আর ন-উদিবো, কিত্যে লগেপ্রভু সিয়েন উগুরে দযা আনিবো। তে এক্কুবারে শেজ্ ওই যেবঅ।’ ” যিরমিয়র কধা ইয়োদোই থুম্ অলঅ।

আবিলেচ্ 2:2

যাকোবর্ বেক থেবার জাগায়ানি লগেপ্রভু গজক্ গোজ্যে, কনঅ মেয়্যে ন-গরে। যিহূদা-ঝিবোর্ ঘরানি তার অমকদ রাগে তে ভাঙি ফেলেয়্যে, সিয়েনি তে মাদিত্ ফেলেইনে ভস্ত গোজ্যে। তার রেজ্যগান আর নেতাগুনোরে তে অসর্মানত্ ফেলেয়্যে।

যিহিষ্কেল 26:11

তার ঘোড়াগুনোর টেঙ মুড়িলোই তর্ বেক্ পথ্‌তানি দুলি দিবো; তঅ মানুচ্চুনোরে তে মারে ফেলেব আর তর্ দরমর খুদোগুন মাদিত্ পুড়িবাক্।

যিহিষ্কেল 28:17

তর্ দোল্ অনাত্তে তর্ মনান্ অহংকারে ভুরি উঠ্যে আর তর্ সয়-সাগোজ্যে গানত্তে তুই তর্ জ্ঞানানরে বর্‌বাত্ গোজ্যস্। সেনত্তে মুই তরে মাদিত্ ফেলেই দিলুং; রাজাগুনো মুজুঙোত্ মুই তরে রাগেলুং যেনে তরে দেগিনে তারা হুজি অন্।

ফগদাং পেইয়্যে 18:2

তে জোরে রঅ ছাড়িনে কলঅ, “ভস্ত ওইয়্যে, সেই নাঙ্-গোজ্জ্যে বাবিলান ভস্ত ওইয়্যে! সিয়েন ইক্কিনে ভান্ন্যেই আত্মাগুনোর থেবার্ জাগা ওইয়্যে আর পত্তি ভান্ন্যেই আত্মাগুনোর্ আড্ডাখানা আর অসিজি আর জঘন্য পেগ্‌খুনোর্ বাহ্ ওইয়্যে,