যিশাইয় 26:19 - Chakma Bible

¹⁹ মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

যিশাইয় 26:19 ပူးပေါင်းရင်းမြစ်များ

ইয়োব 14:8

মাদি ভিদিরে তা শিঙোরান্‌ পুরোন্‌ ওই যায়, সিয়েনর গড়াগান্‌ মাদিত্‌ মুরি যায়।

ইয়োব 29:19

মনে গুরিদুং মঅ শিঙোরান্ পানিত্ যেইনে লুমিবো, মঅ ডেলাগুনো উগুরে সারা রেত্তো শিরো পানি পুরিবো;

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

গীতসংহিতা 22:15

মাত্যে পিলের্ শুগুনো কট্টা ধোক্ক্যেন্ মঅ বলান্ শুগেই এচ্চ্যে, আর মঅ জিলান্ তাগারাত্ বাচ্চেগোই; তুই মরে গোরত্ পোড়েই রাগেয়োচ্।

গীতসংহিতা 22:29

পিত্‌‌থিমীর তাগোয়্যে মানুচ্চুনেয়ো সেক্কে তা মুজুঙোত্ হানা-দানা গুরিবাক্ আর তারে শ্রদ্ধা জানেবাক্;

গীতসংহিতা 71:20

যুনিয়ো তুই মঅ উগুরে বোউত্ দুঘ্ আর দযা আন্যচ্, তো তুই আরঅ মঅ পরাণান জেদা গুরি দিবে; মাদি তলেত্তুন্ তুলি আনেদে ধোক্ক্যেন গুরি আরঅ তুই মরে তুলি আনিবে।

গীতসংহিতা 88:11

গোর ইদু কি তর্ অমকদ কোচ্‌পানা আর নরগত্ কি তর্ বিশ্বেজর কধা ফগদাং গরা অবঅ?

যিশাইয় 18:4

লগেপ্রভু মরে কোইয়্যেদে, “তেল্‌তেল্যে আগাজত্ রোদো তেজ ধোক্ক্যেন্, হরান্যেত্ খেত্-খেত্তি কাবিবার অক্তত্ খুয়ো মেঘ ধোক্ক্যেন্ মুই জুরো গুরিনে মঅ থেবার জাগানত্তুন্ চেই থেম্।”

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

হোশেয় 14:5

মুই ইস্রায়েল ইধু শিরো পানি ধোক্ক্যেন ওম্; তে লিলি ফুলো ধোক্ক্যেন ফুদিবো। লেবানন এরস গাজ ধোক্ক্যেন তে তার্ শিঙোরানি তলেদি লামেই দিবো।

হোশেয় 6:2

কয়েকদিন পরে তেয়ই আরঅ আমারে বাজেব, আর আমারে আগ অবস্থাত্ ফিরেই আনিবো যেনে আমি তা মুজুঙোত্ বজত্তি গুরি পারিই।

সখরিয় 8:12

ইক্কিনে বীজিত্তুন্ গাজ্ গমেডালে বাড়ি উদিবো, আংগুরো লুদিত্ ফল ধুরিবাক্, মাদিত্ খেত্-খেত্তি জোর্মেবাক্ আর আগাজত্তুন্ শিরোপানি পুরিবো। এই জাদর্ বাঁজি থেইয়্যে মানুচ্চুনে মর্ দিয়্যে অধিকার ইজেবে ইয়েনি বেক্কানি পেবাক্।

মথি লেখ্যে গম্ হবর্ 27:52

কয়েক্কো গোর্ খুলি গেলঅ আর গোজেনর্ যে মানুচ্চুনে মুরি যেইয়োন্ তারাত্তুন্ ভালোক্কুনোর্ কিয়্যেগানি জেদা ওই উদিলো।

মথি লেখ্যে গম্ হবর্ 27:58

পীলাত ইধু যেইনে তে যীশুর কিয়্যেগান্ মাগিলো। সেক্কে পীলাতে তারে সেই কিয়্যেগান্ দিবাত্তে উগুম্ দিলো।

প্রেরিত্‌ 24:15

তারা যেবাবোত্যে আজা গরন্ সেবাবোত্যে আমার্‌অ গোজেন উগুরে এ আজাগান্ আগেদে যে, গম্ বা বজং বেক্কুনোরে আরঅ জেদা গরা অবঅ।

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

দ্বি’লম্বর বিররণ 32:2

মর্‌ শিখ্যে পেইয়্যেগানি ঝড় ধোক্ক্যেন গুরি ঝুড়ি পোড়োক্, মর্‌ কধানি শিরোপানি ধোক্ক্যেন গুরি লামি এজোক্‌। আল্‌গা এক ফুদো ঝড় ধোক্ক্যেন গুরি সিয়েন নুয়ো ঘাস উগুরে ঝুড়ি পোড়োক্‌, আর গাজ-বাজঅ উগুরে জদবদে ঝড় ওইনে সিয়েন পোড়োক্‌।

দ্বি’লম্বর বিররণ 33:13

যোষেফ পৌইদ্যেনে তে কোইয়্যেদে, “লগেপ্রভু তার দেজ্‌চানরে যেনে আশিদ্‌বাদ গরে আগাজর মূল্যবান শির পানিলোই, মাদিগান তলেন্দি পানিলোই,

দ্বি’লম্বর বিররণ 33:28

ইস্রায়েলে সিয়েনত্যেই গমেডালে থেবঅ। যাকোবর থান্‌জাঙান্‌ থেবঅ দজাগানর্-দুযির্‌ বারেন্দি; সিয়েনত্‌ থেবঅ ভালোক্কুন্‌ শোজ্য আর নুয়ো আংগুরো-রস, তা উগুরে আগাজর শিরোপানি ঝুরি পুরিবো।

ফিলিপীয় 3:10

মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

১ শমূয়েল 2:6

লগেপ্রভুই মারে ফেলে পারে আর লগেপ্রভুই বাঁজেই পারে; তেয়ই মরেদে জাগাত্‌ লামায় আর তেয়ই সিয়োত্তুন্ তুলে