যিশাইয় 26:14 - Chakma Bible

¹⁴ তারা ইক্কিনে মুরি যেইয়োন্, আর জেদা নেই; তারার্ আত্মাগানি আর জেদা ওই ন-উদিবো। তুই তারারে সাজা দিইনে ভস্ত গুরি দুয়োচ্; তারার্ বেপারান্ তুই এক্কুবারে পুজি ফেল্যচ্।

যিশাইয় 26:14 ပူးပေါင်းရင်းမြစ်များ

ইয়োব 18:17

পিত্‌থিমীত্তুন্‌ তা স্মৃতি উদি যেবঅ; দেজত্‌ তা নাঙান্‌ ন-থেবঅ।

ইয়োব 24:20

মাবো তারারে ভুলি যায়, পুগ্‌‌কুনে তারার কিয়্যেগান হেই ফেলান্; বজং মানুচ্চুনোরে কনজনে মনত্ ন-রাগান, তারা গাজ ধোক্ক্যেন ভাঙি পড়ন্।

ইয়োব 7:9

মেঘ যেধোক্ক্যেন্ ন-দেখ্যে গুরিনে যায়ই, সেধোক্ক্যেন্ যে মরাজাগানত্‌ যায় তে আর ফিরি ন-এজে।

গীতসংহিতা 106:28

তারা পিয়োর মুড়োবোত্ বাল দেবেদা পুজোত্ যেইয়োন্ আর মরা মানুচ্চুনোর নাঙে উৎসর্ব গোজ্যে য়েরা হেলাক্।

গীতসংহিতা 109:13

তারার গুট্টিগুনোরে মারে ফেলা ওক্; তারার পুয়ো ছাগুনোর্ নাঙানি বাদ দিয়া ওক্।

গীতসংহিতা 135:17

তারার কান আঘে মাত্তর্ ন-শুনোন্, তারার মুয়োত্ নিজেস্ বিলি কিচ্চু নেই।

গীতসংহিতা 36:12

যিগুনে বজং কাম গুরিনে বেড়ান্ চাহ্ তারা ধরা পোজ্যন্; তারারে ফেলেই দিয়্যে ওইয়্যে, তারা আর্ উদি ন-পারিবাক্।

গীতসংহিতা 59:5

ও বেগত্তুন্ খেমতাবলা লগেপ্রভু গোজেন, ইস্রায়েলর গোজেন, তুই বেক্ জাদ্‌তুনোরে সাজা দিবাত্তে উঠ্; পাজি কুজুরোমিগুনো উগুরে কনঅ মেয়্যে ন-দেগেচ্।

গীতসংহিতা 9:6

শত্রুগুনে উমরত্যে ভস্ত অনার্ মুয়োত্ পোজ্যন্; তারার্ শঅরানি তুই উগুরেনে ফেলেই দুয়োচ্; তারার্ নাঙানিয়ো বাদ্ যেয়েগোই।

যাত্রা 14:30

লগেপ্রভু এধোক্ক্যেনগুরি সেদিন্যে মিসরীয়গুনোর্ আঢত্তুন্‌ ইস্রায়েলীয়গুনোরে উদ্ধোর্‌ গুরিলো। ইস্রায়েলীয়গুনে মিসরীয়গুনোর্‌ মরাকিয়্যেনি বড়্‌‌গাঙর্‌ পারত্‌ পড়ি থাগদে দেগিলাক্‌।

গম্ উপদেজ্ 10:7

গোজেন ভক্তগুনোর্ স্মৃতিগানিয়ে আশিদ্‌বাদ আনে, মাত্তর্ পাজিগুনোর নাঙানি পুযি যায়।

উপদেশক 9:5

জেদা মানুচ্চুনে হবর্ পান্, তারাত্তুন্ মরা পুরিবো, মাত্তর্ মরাগুনে কিচ্চু হবর্ ন-পান্। তারার্ আর্ কনঅ বক্‌শিজ্ নেই, কিত্তে তারা কধানিয়ো মানুচ্চুনে ভুলি যান্।

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

যিশাইয় 8:19

মান্‌জ্যে যেক্কে তমারে সেই মানুচ্চুনো ইদু যেবাত্তে কন্ যিগুনে মরা আর ভান্ন্যেই আত্মাগুনো লগে মিজেইনে ফুজু ফুজু আর বিড়্‌বিড়্‌ গরন্, সেক্কে তমার্ কি গোজেন ইদু যানা উজিত্ নয়? যিগুনে জেদা আগন্ তারার্ ওইনে কিত্তে মরাগুনো সমারে সল্লা গুরিবাত্তে যেবা?

মথি লেখ্যে গম্ হবর্ 2:20

“উঠ্, পুয়োবোরে আর তা মাবোরে লোইনে ইস্রায়েল দেজত্ ফিরি যাহ্। পুয়োবোরে যিগুনে মারে ফেলেবাত্তে চেইয়োন তারা মুরি যেইয়োন্।”

দ্বি’লম্বর বিররণ 4:28

সিয়েনত্‌ তুমি মান্‌জ্যর্‌ বানেয়্যে তক্তার্‌ আর পাত্তরর্‌ দেবেদা পূজো গুরিবা যিগুনে চেই ন-পারন্‌, ন-শুনোন্‌, হেই ন-পারন্‌, তুম্বাজ্‌ নেযেই ন-পারন।

ফগদাং পেইয়্যে 20:5

ইয়েন অলঅ পত্তমবার মরণত্তুন্ জেদা ওই উদোনা আর এই বারত্ যিগুনে জেদা অলাক্ তারা বর্‌পেইয়্যে আর পবিত্র। পত্তমবারত্ যিগুনে জেদা ওই উত্ত্যন্ সেই মানুচ্চুনো উগুরে দ্বিবার মরাণার কনঅ খেমতা নেই, বরং তারা গোজেনর্ আর খ্রীষ্টর্ ধর্মগুরু অবাক্ আর সেই আজার বজর সং খ্রীষ্ট সমারে রাজাগিরি গুরিবাক্। মাত্তর্ সেই আজার বজর থুম্ ন-অনা সং বাদ্‌বাগি মরা মানুচ্চুনে জেদা ন-অলাক্।